( ثــاااير .. في وجيه الضيق )

السلام عليكم ورحمة الله وبركاته

من العايدين ومن الفائزين انشاء الله

جديده ومتواضعه والمسامحه على القصور


[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]

ثار ثاير في وجيه الضيق ثم قال وصرخ = " سوّد الله وجه تالي الوقت سلاّب الشموخ
تكسر الريح الأنوف وفمّها صدّ ولبخ ! = وينفخ الكير الخنا والروس منها ما تدوخ !
واصبع الصدق ابترتها كفها اليمنى .. بذخ ! = وراقت الدمعه عليها ومسحوا الدمعه بجوخ " ؟!!
قلتله .. يا عم ثاير وانت بك طيب وطنخ = علّم اللي جاهل ٍ فيها وفي راسه فضوخ !
خبرّه عن تجربتك وقول كيت وكيت .. إلخ = العلوم اللي على تمحيص ما فيها رضوخ
قال ( والزفره تنازع بعضها حتى نفخ = آهته فـ الراحتين وكن في جوفه كفوخ )
: نتبع اهوانا ونمشي فـ العزاز وفي صبخ = ونحتقر قدر الفقير ونشحذ إعجاب الشيوخ
والحسد في غارب اكثر من حوالينا فشخ = وعن صراط الحق تسقط خطوة الرجل الفشوخ
والصراحه تبني اْقصور المحبه يبن أخ = والضغينه ما تشيّد للفتى لو كان كوخ
وياخسارة من طبع لاولاده الكره ونسخ = بقبقت فيها الدجاج وبقبقت منها الفروخ
والنسا صيد ومصايد ينصبون الطيب فخ = والمزون تشح عام ويوم للمزنه زخوخ
والتسامح عقد ودّ وخير لكن من فسخ = عقد ودّه بالغوى في صورته تلقى مشوخ
ولو تعذّر عن خطاه المخطي بنفسه شمخ = مانقص قدره ويمكن زوّده عذره رسوخ
والردى من يطبخه له يوم ياكل ما طبخ = والهوا ما ياكله في ذا الزمن غير الدلوخ




وسلامتكم


[/poem]

الشاعر والأخ سعد الحمدان

صح الله لسااااااااااااااااااانك

وحي ذا العين منك وعاش من شافك

عيدالله عليك مبارك

تشرفت كوني اول من صافح هذه الرائعه

لله درك ياسعد

أخوي سعد الحمدان

كل عام وانت بالف خير

صح لسانك واعتلا شانك

رايعه ووافيه من وافي

لك فائق احترامي وتقديري

صح السانك يابن حمدان


تقبل تحياتي يا ذيبان

كل عام وانت بخير ياسعد

وين هالغيبه


صح لسانك يالقرم وبنتظار عودتك

تقديري