Tweet
[poem=font="Simplified Arabic,5,#C12813,normal,normal" bkcolor="" bkimage="images/toolbox/backgrounds/8.gif" border="none,4,#400000" type=2 line=0 align=center use=ex num="0,#400000"]
اليوم كالعاده حسب وضع البشر قلت القصيد=قصيدةٍ مدري وش اكتب ياعرب عنوانها
وادري قصيدي مرّ لو قلته محد بيقول عيد = وبه ناس واجد ودّها منّه تسدّ آذانها
لنّي أسلّ السيف واضرب به على راس البليد= واكشف علوم العالمين هزالها وسمانها
أتبع مقولة : ما يفلّ اقوى الحديد الاّ الحديد = وما يستوي سير الجمال الاّ بمسّ بطانها
ماجامل المخطي ولا آداري ولا قبّلت إيد = ولا امدح سفاسيف القبايل طامعٍ باحسانها
أصرف ذهب يفرح به العاقل ومفتوح الرصيد=جزل البيوت وطلبة العرّاف خير اثمانها
موضوعها شيٍ تشوفونه ولا رحنا بعيد = شفته وشافته الرجال العاقله باعيانها
أمور في بعض المجالس منّها ضغطي يزيد = واحاول اضبط نفسي اليا جيت قدر امكانها
لكن تعدّت واستضاق الدمّ في وسط الوريد = ماعاد فينا خير لو نصبر على كتمانها
باقولها باقولها لو زعّلت زيد وعبيد = جا وقتها ويا سعد عينٍ قابلت ديّانها
بعض المجالس وضعها يودع على كبدي وقيد = وضعٍ يخالف للمجالس راسها بكرعانها
شيبان وشيوخ و وجيه لطارف المجلس تحيد = وفي مقدمه صفّت حثالات البشر ورعانها
صدر المجالس للشيوخ اللي تخلّص كل قيد = روس الجموع اللي على الدنيا رفيعٍ شانها
والاّ لعرّافٍ تفك الهوش بالراي السديد = وتشرّع حقوق القبايل كلمةٍ بلسانها
والاّ لقوم الحرب شيّال البيارق والعقيد = حوض المنايا لاشتبك في هيّةٍ دخانها
والاّ لشيبانٍ حباها الله بالعمر المديد = شابت لحاها واقبلت متعنّزه عصيانها
صارت تربّع بع خلايف كلّ هيّن ما يفيد= اللي تناست وين مقعد جدها وابوانها
اللي زمان الخوف تشرد لا بدا الضدّ العنيد = واللي زمان الجوع تنخشّ ان دعا ضيفانها
وقام يتسابق له شبابٍ غرّه الثوب الجديد= ولبس البشوت اللي تبارق زريها بامتانها
ناسٍ تحس بنقص . تتقدّم لها ركض وطريد= في ظنها قيمة مكانتها حسب مكانها
وان جا كبير السن تبدا بالتلفّت والصديد= بلفيت مشغوله تحاكي الجالسين وزانها
ياقف عسا واحد يقدّر شيبته ، ، لكن جحيد=وينحدّ لاطراف المجالس في ذرى بيبانها
وين المضيّف عن ضيوفه راعي القصر المشيد=عزّ القصور بعز من فيها مهو باركانها
وطبع العزيز يعزّ ضيفانه قبل صبّ الثريد=يضرب حساب اعمارها واحجامها واوزانها
كم جاهلٍ قد شاخ في المجلس على الكرسي وتيد= روس القبايل ما يفارق مقعده من شانها
ماهوب زودٍ لا حضر وان غاب ما يحسب فقيد= يسرّحه مدح الضعوف اللي عطته ارسانها
ردّه لمنزاله وشدّه لو تجيه ام العبيد= وفي جبهته بصّم يمينك لا انتفخ شريانها
حتّاه يصحا . وان صحا قل له خذ العلم الوكيد = ولا تنخدع للي تطبّل لك على طيرانها
ياحيف يا نسل الرجال اللي لهم مجدٍ تليد= صرتو رمادٍ من عقب نارٍ وقف دخانها
بيض اللحا جرتو عليها مالقت منكم عضيد= والله يعقّب عالمٍ ما تحترم شيبانها
أمحق مجالس صار فيها القدر ينقص ما يزيد= اللي بها الرعيان تتقدّم على عمّانها
وامحق رجالٍ ما تحصّل بينهم رجلٍ رشيد= يصهل إلين الغاويه ترجع على حدّانها
وباقي مزيد من العلوم ان قال احد هل من مزيد= دنياً عجايبها كثيره شيّبت غربانها
والوقت من بين النزول وبين ميعاد الشديد = لمحة بصر يا دوب فيها ترتكز عمدانها
قلت استغل الوقت وابدع للعرب قافٍ جديد=إما اطلقت حجّانها والاّ عقدت حجّانها
اليا اطلقت حجّانها بتقول تكفا عيد عيد = واليا عقدت حجّانها عنّي تسدّ آذانها[/poem]
اليوم كالعاده حسب وضع البشر قلت القصيد=قصيدةٍ مدري وش اكتب ياعرب عنوانها
وادري قصيدي مرّ لو قلته محد بيقول عيد = وبه ناس واجد ودّها منّه تسدّ آذانها
لنّي أسلّ السيف واضرب به على راس البليد= واكشف علوم العالمين هزالها وسمانها
أتبع مقولة : ما يفلّ اقوى الحديد الاّ الحديد = وما يستوي سير الجمال الاّ بمسّ بطانها
ماجامل المخطي ولا آداري ولا قبّلت إيد = ولا امدح سفاسيف القبايل طامعٍ باحسانها
أصرف ذهب يفرح به العاقل ومفتوح الرصيد=جزل البيوت وطلبة العرّاف خير اثمانها
موضوعها شيٍ تشوفونه ولا رحنا بعيد = شفته وشافته الرجال العاقله باعيانها
أمور في بعض المجالس منّها ضغطي يزيد = واحاول اضبط نفسي اليا جيت قدر امكانها
لكن تعدّت واستضاق الدمّ في وسط الوريد = ماعاد فينا خير لو نصبر على كتمانها
باقولها باقولها لو زعّلت زيد وعبيد = جا وقتها ويا سعد عينٍ قابلت ديّانها
بعض المجالس وضعها يودع على كبدي وقيد = وضعٍ يخالف للمجالس راسها بكرعانها
شيبان وشيوخ و وجيه لطارف المجلس تحيد = وفي مقدمه صفّت حثالات البشر ورعانها
صدر المجالس للشيوخ اللي تخلّص كل قيد = روس الجموع اللي على الدنيا رفيعٍ شانها
والاّ لعرّافٍ تفك الهوش بالراي السديد = وتشرّع حقوق القبايل كلمةٍ بلسانها
والاّ لقوم الحرب شيّال البيارق والعقيد = حوض المنايا لاشتبك في هيّةٍ دخانها
والاّ لشيبانٍ حباها الله بالعمر المديد = شابت لحاها واقبلت متعنّزه عصيانها
صارت تربّع بع خلايف كلّ هيّن ما يفيد= اللي تناست وين مقعد جدها وابوانها
اللي زمان الخوف تشرد لا بدا الضدّ العنيد = واللي زمان الجوع تنخشّ ان دعا ضيفانها
وقام يتسابق له شبابٍ غرّه الثوب الجديد= ولبس البشوت اللي تبارق زريها بامتانها
ناسٍ تحس بنقص . تتقدّم لها ركض وطريد= في ظنها قيمة مكانتها حسب مكانها
وان جا كبير السن تبدا بالتلفّت والصديد= بلفيت مشغوله تحاكي الجالسين وزانها
ياقف عسا واحد يقدّر شيبته ، ، لكن جحيد=وينحدّ لاطراف المجالس في ذرى بيبانها
وين المضيّف عن ضيوفه راعي القصر المشيد=عزّ القصور بعز من فيها مهو باركانها
وطبع العزيز يعزّ ضيفانه قبل صبّ الثريد=يضرب حساب اعمارها واحجامها واوزانها
كم جاهلٍ قد شاخ في المجلس على الكرسي وتيد= روس القبايل ما يفارق مقعده من شانها
ماهوب زودٍ لا حضر وان غاب ما يحسب فقيد= يسرّحه مدح الضعوف اللي عطته ارسانها
ردّه لمنزاله وشدّه لو تجيه ام العبيد= وفي جبهته بصّم يمينك لا انتفخ شريانها
حتّاه يصحا . وان صحا قل له خذ العلم الوكيد = ولا تنخدع للي تطبّل لك على طيرانها
ياحيف يا نسل الرجال اللي لهم مجدٍ تليد= صرتو رمادٍ من عقب نارٍ وقف دخانها
بيض اللحا جرتو عليها مالقت منكم عضيد= والله يعقّب عالمٍ ما تحترم شيبانها
أمحق مجالس صار فيها القدر ينقص ما يزيد= اللي بها الرعيان تتقدّم على عمّانها
وامحق رجالٍ ما تحصّل بينهم رجلٍ رشيد= يصهل إلين الغاويه ترجع على حدّانها
وباقي مزيد من العلوم ان قال احد هل من مزيد= دنياً عجايبها كثيره شيّبت غربانها
والوقت من بين النزول وبين ميعاد الشديد = لمحة بصر يا دوب فيها ترتكز عمدانها
قلت استغل الوقت وابدع للعرب قافٍ جديد=إما اطلقت حجّانها والاّ عقدت حجّانها
اليا اطلقت حجّانها بتقول تكفا عيد عيد = واليا عقدت حجّانها عنّي تسدّ آذانها[/poem]
تعليق