الاياوجودي ليت قلبي بدون احساااااااااااس ...(جديدة)

لكن خصمة اللاش انتقاص وحرج وافلاس=لاينطحك ياخذ حق صايب ولايعطيه
وذي حكمة الله يوم حط العباد اجناس= احد يرخصه طبعه واحد شيمته تغليه


عبدالله تاكد انني انتظر القااااااادم لانني مع قراءة هذه الجزله صرت احد متابعيك فاسمك تدون في عقلي
بيض الله وجهك وجمل الله حالك يالجزل

تقبل مروري اخي الغالي

ارق التحاياااااااااااا

لكن خصمة اللاش انتقاص وحرج وافلاس
لاينطحك ياخذ حـق صايـب ولايعطيـه
تعوذ منـه كمـا تعـوذ مـن الخنـاس
ولاعديت عدوانك على النـاس لا تطريـه


عز الله ما ظلمت حظك يا ابو معجب





صح والله لسانك



قلت وابدعت وامتعت



واعطيت الشعر حقه



ولاهوب غريب عليك



تحياتي

لله در الابداع

والله ماتحتاج شهاده يابوهادي

جعل خيرك واجد

تحياتي لك

طوتنا الليالـي طيـة الكـف للقرطـاس
ورمتنا بسهـم لاجـرح خاطـر يدميـه
لبسنا لها بالصبر والحلـم درع وطـاس
لكن ماكتب للعبد فـي اللـوح مايخطيـه


الله الله الله الله

صدقت يا عبدالله

نعيش وكرامة روسنـا مالهـا مسّـاس
ونمـوت وخفانـا للمخاليـق مانبـديـه

يا سلام يا عبدالله .. هنا انت ذكرتني بالشاعر الكبير ابن ثايب

اما نعيـش وروسنـا مرفوعـه 000 والا نمـوت وحقـنـا ماجـانـا



ومن راقب افعال العرب صابه الوسـواس
ومن صد لايامن سهـوم القفـا ترميـه
ولاواهني من كان قلبه بـدون احسـاس
على شان لاجـات المحسـات ماتكويـه


درر لله درك

صح لسانك وسلمت يمينك وعلا شانك

ابدعت وامتعت


تحياتي لك ..

الله يرضى عليك ياخالد

رد يرفع المعنويه ويرفع الراس


الف شكر

عبدالله ..

كان ماني واهم كان لك علي رد وحيد عيار 50 مللي ..

لكن يوم قريت هالقصيدة شدتني وعرفتني على شاعر يستحق المتابعة ..

لله در الحرف اذا جاء يمشي على رجليه بدون عكازات ..

قصيده يعلم الله انها لامست شغايا القلب .. طبت وطاب منطوقك ..

وصح اللسان اللي يجيب مثل هذي ..

دمت بخير يالشهراني ,,,

الشاعر عبدالله الشهراني

الشعر سيستمر بخير مادمت احد اعمدته

الكلام كله ذهب وفريد وجزل

صح لسانك يابو معجب

ارحب يابوجارالله

والدنيا لازالت بخير دام فيها مثلك وشرواك



لاهنت

نعيش وكرامة روسنـا مالهـا مسّـاس
ونمـوت وخفانـا للمخاليـق مانبـديـه
ولانرخـص الوافـي ولانغلـي البـلاس
ولانتبـع الجاهـل بممشـاه ونجـاريـه

ابوهادي صح لسانك وعاش هذا الحضور
نص جزل لاعدمناك

وذي حكمة الله يوم حط العبـاد اجنـاس
احد يرخصه طبعه واحد شيمتـه تغليـه
ومن راقب افعال العرب صابه الوسـواس
ومن صد لايامن سهـوم القفـا ترميـه
ولاواهني من كان قلبه بـدون احسـاس
على شان لاجـات المحسـات ماتكويـه

الله الله يا عبد الله الشهراني
بيض الله وجهك
والف صح الله لسانك ولاهنت
تقبل تحياتي

نعيش وكرامة روسنـا مالهـا مسّـاس
ونمـوت وخفانـا للمخاليـق مانبـديـه
ولانرخـص الوافـي ولانغلـي البـلاس
ولانتبـع الجاهـل بممشـاه ونجـاريـه


ابو معجب


لله در هذا الحضور

صح لسانك وصح قلبك

قصيده وافيه ومن راس وافي

لاهنتولاهان هذا الحضور


مشهوووور.....

ابوفارس مرورك تشريف واشادتك وسام


لاهنت

اعتذر عن التأخير في الطرح والنشر لكل من يشرفني بمتابعة مااكتب وعسى ان تكون هذه القصيده مصالحه لهم

[poem=font="Simplified Arabic,6,#0F1AEA,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الا ياوجودي ليت قلبي بدون احساس=على شان لاجات المحسات ماتكويه
اقضّي حياتي داله مثل بعض الناس= واريّح ضمير يشكي الهم ويعانيه
طوتنا الليالي طية الكف للقرطاس=ورمتنا بسهم لاجرح خاطر يدميه
لبسنا لها بالصبر والحلم درع وطاس= لكن ماكتب للعبد في اللوح مايخطيه
ومهما شكينا الهم والا بكينا الباس= تراخى حبال العزم والراس مانرخيه
نعيش وكرامة روسنا مالها مسّاس= ونموت وخفانا للمخاليق مانبديه
ولانرخص الوافي ولانغلي البلاس=ولانتبع الجاهل بممشاه ونجاريه
ولاما انهزع وقت الشدايد ردي الساس= رسينا بعزم قوة الغدر ماتثنيه
خذينا مع اهل الطيب واهل الوفا مرواس= ورجينا وحققنا مع الوقت مانرجيه
وعرفنا الذهب لو يحترق مايعود نحاس=وعرفنا النحاس الله لاعاده وطاريه
وبذرنا الجمايل في الرجاجيل والانجاس= الانجاس تفشل والكفو دينه يوفّيه
وبعض العدا حتى عداوتك له نوماس=لايجحد ولايظلم ولايثلم معاديه
لكن خصمة اللاش انتقاص وحرج وافلاس=لاينطحك ياخذ حق صايب ولايعطيه
تعوذ منه كما تعوذ من الخناس= ولاعديت عدوانك على الناس لا تطريه
ولم الروابع كانها للرجل مقياس= هي اللي تعلّي منـزله فوق وتوطيه
لاطابت تلبسه الفخر والجميل لباس=ولاما تردت... في مهاوي الردى ترديه
وذي حكمة الله يوم حط العباد اجناس= احد يرخصه طبعه واحد شيمته تغليه
ومن راقب افعال العرب صابه الوسواس= ومن صد لايامن سهوم القفا ترميه
ولاواهني من كان قلبه بدون احساس=على شان لاجات المحسات ماتكويه[/poem]

ابو معجب او كما يحلو لبعض محبيك ابو هادي





لله درك ايها الاستاذ كما عهدناك نجما يتلالا

وليت كل من يتاخر ويبطي يجيب لنا مثل هاذي الدره الماسيه التي لايمل قاريها

يعلم الله اني اشفق على قصيدك وااااااااااجد ايها الاستاذ الكبير.


تقبل خالص تحيتي واعجابي المستمر