رحلة..صيد ...الي السودان ......

الاخوه .النداويه .يسرني تقديم هذه القصيده .التي اتمني ان تنال

اعجابكم ...

سر ياقلم واكتب جميل العبارات

...................مثايل فيها الوفاءوالسلامي

سلام فيه من الهوى العذب نسمات

................ لاهب نسناس النفل والخزامي

بسفوح ورياض الجبــال المنيفات

................. بارض قفر مافيه غير الادامي

علي اركويت السحب تمشي ثقيـلات

..................ويضفي علي قمم جبيت الغمامي

ارض فرشـــها الله زهـور جميـلات

.................. يصدح بهاالقمري وورق الحمامي

اهديه لصحابي رجــال المهمـات

.................... يحظى بتقديري وكل احــترامـي

اصحابي اهل الجود واهل المروات

..................... واهل السخى والطيبين الحشامي

تولعوابالصيد والصيد ولعــات

.................... اثرالولع فالصيد مثل الغرامي

لاحل وقت الصيد دنو حـــزابات

......................وخذوا لهم تصريح حسب النظامي

وتجمعواحسب السلــوم القديمـات

....................... خوت هل التكميل والالتزامي

وركبوا علي اللي يقطعن المسافات

.........................وسط البحور اليادلهم الظلامي

تسريبهم وسط البحــور العميقات

...................... لوكان موج البحر فيه التطامي

وتصبح السودان في عشـــر ساعات

.......................... وترسي علي مرساه بالانتظامي

تم حولوا مثل السبــاع المخيفات

........................... متحزمين ونافذين الكمــــامي

وتلقي مخلصهم يردد ســــــلامات

.......................... يامرحبا بالطيبين الكرامي

ويجمع الوالي جميع الجـــــــوازات

............................ويخلص اوراق الجماعه تمامي

ويركب دليلتهم ويشـــر بشارات

...................... .....الدرب منه لايصير انقسامي

وهمه دلايل فالدروب الطويــــلات

............................. يبون موقع صيدهم كل عامي

يبون مقناص الظـــبا المطمئنات

......................... وجول الحباري والقهد والنعامي

لا وصلوا اطراف الديار النقيات

............................. تنزل مزاهبهم وتبنى الخيامي

واخذوا لهم في ساحة الصيد جـولات

................................. ومدوا درابيل بعيد المرامي

هاذي طراة الروح ياهل الهوايات

................................ وراع الهوايه فالزمن ما يلامي

يحب طرد الصيد في كــــل الاوقات

............................ وطاريه يصحي من لذيذ المنامي

لاجاك سرب الصــيد زافات زافات

.............................. في مربعه بين الفجوج العدامي

ومدوله البلجـــيك في صمت وسكات

.............................. كـــل مطرف بندقه والحزامي

مسراحهم مقــــدار لحــظه ولحظات

.............................. قبل النهار يطول ويصير حامي

علي جيوب من جديد الموديـــــلات

.............................. تطوي الحزم من تحتها طي خامي

ومقيالهم من دون وديان سنـــكات

...............................عند خوايهم معربين الاسامي

وكل يعد اما حصــله ومافـــات

.................................. وتربع المجلس بحلو الكلامي

وخذولهم في رحــــلة الصيد سجات

................................ وعادوا لهلهم بالستر والسلامي

يوم اخذ علــــوم المقانيص لاجات

............................... اقول اعذر فالعمل والدوامي

لكن تحــداني ظــــــروف صعيبات

................................ اظروف صعبه للظروف احتكامي

ياناقد اهل الصيد هيهات هيهات

................................لاتنقد اهل الصيد والعلم سامي

الصيد فخر وعز سجه ورحـــــلات

................................. كــل الاناسه فيه والانسجامي

وكل الهوايه عز والصيد بالــذات

.............................. مايمتنيه الا رفيع المـــــقامي

وسلامتكم ....

..

[مركوز]

بيض الله وجهك ياسرحان وصح لسانك ابدعت وكفيت وفيت



هاذي طراة الروح ياهل الهوايات

................................ وراع الهوايه فالزمن ما يلامي


عزالله انك صادق لاهنت يالقرم

تقبل تحياتي.

اخوي الشاعر...............سرحان

صح الله لسانك............الجزل مايحري الا بالعلوم الجزيله.

شعر ومقناص..........وصيد

لك التحيه.

الصيد فخر وعز سجه ورحـــــلات

................................. كــل الاناسه فيه والانسجامي

وكل الهوايه عز والصيد بالــذات

.............................. مايمتنيه الا رفيع المـــــقامي



الله الله

يا سرحان يا طيب ماتمنيت

ويا جزل ماقلته من خلال القصيده

الله لا يلومك وناخوك هذي الهوايه

اللي تشرح الخاطر

وترجع الشباب


بيض الله وجهك والله لا يهينك0

الاخ / مركوز .وجهك ابيض .تسلم يالغالي

وشكرا .لك علي الاطلاع والمتابعه .تقبل مني كل محبه وتقدير

الأخ سرحان عزالله انك ابدعت واجزلت وامتعت كل من له ذايقه وكل من يحمل المصدقيه في قلبه وليس العنصريه التي اراها بكثره

هذي الرايعه كيف يبخلون عليها بالرد هذا ظلم لشعر والأبداع الله يسامح جميع من اطلع عليها ولم يرد

اشكرك واشكر قريحتك وانا تراني مولع في المقناص على شان كذا اتكلم بقوه

تقبل خالص التحايا

اخوك المخلص/ حسن علي المسعودي

الاخ الشاعر .مطر الروقي

شكرا لك .يالغالي . علي الاطلاع .والمتابعه

تقبل .تحياتي . وتقديري

طيب طيب ياهل السودان..والله مالقاها الاانتوا

على كل ترى عايض بن سعد علمني بعلومكم كلها وتراني خويكم في الطلعة الجايه انشاء الله

وخلوني مع اللي يصيدون الغزلان على شاني احبها

صح لسانك يا سرحان,


ملحمه شعريه تصور رحلة الصيد وتأخذك في جوله ممتعه..


تسلسل في رواية الأحداث جيد ولاكن يا ليتك حافظت أكثر على هذا التسلسل ..




هاذي طراة الروح ياهل الهوايات

................................ وراع الهوايه فالزمن ما يلامي

يحب طرد الصيد في كــــل الاوقات

............................ وطاريه يصحي من لذيذ المنامي

لاجاك سرب الصــيد زافات زافات

.............................. في مربعه بين الفجوج العدامي

ومدوله البلجـــيك في صمت وسكات

.............................. كـــل مطرف بندقه والحزامي









قلب الذيب

الاخ الشاعر .السيف

هلا بك .يالطيب .وشكرا لك علي الاطلاع .والمتابعه

تقبل تحياتي

الاخ الشاعر : سرحان الوذيناني


صح لسانك ..

قصيده رائعة بروعة شاعرها

رائعه بالجزاله ..رائعه بالمعنى ..رائعة بالاختلاف عن قصائد

الغرض الواحد.


وتقبل تحياتي

الاخ الشاعر .القدير .حسن المسعودي

شكرا .لك ياخي علي صدق مشاعرك نحو هذه القصيده .

مثلك وشرواك من الشعراء هم من يقدرون هذا القصيد

وانا لااعتب علي احد . املي كله الاطلاع علي القصيده

من ابدا مشاعره . بادلناه بنفس مشاعره .

تقبل تحياتي 0وتقديري . ياحسن

الله الله

اخوي الشاعر الكبير سرحان الوذيناني


صح السانك ولا هنت يا شوق البنت

قصيده اكثر من جزله واكثر من رائعه

ما شالله عليكم ..قضيتو على الصيد الي في الخليج ,, ورحتوو لسودان ...

سجل اعجاب اخوك ابو سلطان بيض الله وجهك يا الذيب

سرحان الوذيناني

حي والله هالطاري

بيض الله وجهك على القصيده ياسرحان ، جزله ومن جزل

بعدين تراك هيضتنا وحنا ما قلنا على الله نسلا شوي .

صح لسانك ، ولاهنت

تقبل تحياتي

سرحان الوذيناني

شاعر يعرف ماذا يريد

مغامر في مفرداتك وصورك

تحياتي لك