Tweet
[align=center]سبق ان وجه لي الشيخ الشاعر : خالد بن عبدالمحسن بن حميد قصيدة يقول فيها
سر يا القلم واكتب القيفان بعناية
مصدره من صميم الذات فورية
فيها سلامٍ على القمة ركز راية
أسطع من الشمس في كبد السما الحية
سلامٍ لناصر ويعزف على نايه
ألحان تطرب لها صدورٍ شمالية
في رفقته ماني بجاهل ولا تايه
مجنون جاهل حدود الشمس والفية
إن غاب كنه مكوع فوق مركايه
واليا حضر مرحبا واهلين يا حيه
محشوم ببدايته لا ماله نهاية
يا شاعرٍ فالشعر حطيت مارية
قدحت زندي وشبت نار صلاية
على سناها لفاني ربع طرقية
فزيت ارحب وبالخاطر كذا شاية
من ما مشيتوا هلا والله لهنية
قالوا عسى بك البقا معنا لك وصاية
قلت استريحوا على فنجال برية
قالوا بدا واستراحوا هذي بداية
سقت الفناجيل ومن التمر برحية
قالوا نصيناك لاجل لزوم قضاية
قلت اخذوا التم والله يعلم النية
قالوا بالاسواق بياعة وشراية
قلت التجارة لتاجرها مهي لية
قالوا تجارتك بين العالم حكاية
قلت الله يديم عزك يا السعودية
قالوا على مهلك ارفق قلت بكناية
لاشاب ريش الغراب وحبت الحية
واقفوا وهم ما خذوا شيٍ من رضايه
يعني كما قيل لا ذية ولا ذية
يا ناصر رواية اللي صارت رواية
معها الف ليلة وليلة والله شوية
يا ما اكثر دروبٍ تودي لمبدايه
لكن دربٍ يمرك قلت ما زيه
والله ما كادني في يوم مرقايه
ودامي تعزمت ما ثنيت رجلية
وان كان يمناي ما تفزع ليسرايه
لا بارك الله فالثنتين مولية
والله مولاك يا ناصر ومولايه
جتك القوافي كما وبال صيفية
واسلم ودم بالمعزة يا ابيض الراية
عداد ما بان شمس ومالت الفية
وهذا ردي على الشيخ الشاعر خالد بن عبدالمحسن بن حميد
يالله تقود السعد فأيامي الجايه
ياغافر الذنب يالله تدمح السية
تصافق هجوسي من العام جوّايه
انزل بها واعلو اليا الجدي ووخيه
شرفتني يالامير وطاب مسعايه
شاعر وإمير وجمع هذي وهاذيه
ابطيت ماخطيت في كثر البطا غاية
يالين بعض الاوادم برّقوا فيه
اما ماجتني على كيفي ومشهايه
والا لاحول ولاقوة تملك ايديه
يامسند ٍ نستمد الرأي من رايه
ماهوب من قل شعر وشح قافية
بيوت شرواك حظ وقدر شروايه
قصيدة وافيه مية على مية
جميله وحمل ٍ اثقل من جبل سايه
تفخر بها ربعي اللي نارهم حيه
فكلاخ والطائف المأنوس وانحايه
والنير وأقراه وانفعة البجادية
ياخالد حميد فعلك ماهو دعايه
ابلج محيا ولك وجهه وجاهية
هيدوج منصى العرب غيري ومنصايه
ملهم ومحزم ومقدم بيرق الهيه
المرجله مارجى مثلك ورجوايه
ماحازها من لبس غترة وطاقية
لو مامدحني انسان الا انته اكفايه
ماأبغى من المدح لاواجد ولابليه
مجناك طيّب وانا من طيب مجنايه
ازكى ثمر شجرة ٍ بالعز مجنية
شرّد حروفك لنفح المسك حوّايه
فيها حكم واسئلة وعلوم سرية
ماأرخص بها غير وجه ٍ من قشر شايه
أغلى على روحي من صبي عينيه
الشعر وهبه من الوهاب وهوايه
محادر الضلع من منباع علويه
عوجاء رقبة البعير وعلمها بايه
والا ملف البهيته واليمانية
العد لغثربوه ابا اقصب رشايه
ماهمني لو تموح وتصفق إدليه
قربه وشربه مصيبة وأعظم جنايه
ان ماصفى ياطويل العمر صافيه
والخير من مصحف القرآن لو آيه
واقبل سلامي وعذري وأجمل اتحيه[/align]
سر يا القلم واكتب القيفان بعناية
مصدره من صميم الذات فورية
فيها سلامٍ على القمة ركز راية
أسطع من الشمس في كبد السما الحية
سلامٍ لناصر ويعزف على نايه
ألحان تطرب لها صدورٍ شمالية
في رفقته ماني بجاهل ولا تايه
مجنون جاهل حدود الشمس والفية
إن غاب كنه مكوع فوق مركايه
واليا حضر مرحبا واهلين يا حيه
محشوم ببدايته لا ماله نهاية
يا شاعرٍ فالشعر حطيت مارية
قدحت زندي وشبت نار صلاية
على سناها لفاني ربع طرقية
فزيت ارحب وبالخاطر كذا شاية
من ما مشيتوا هلا والله لهنية
قالوا عسى بك البقا معنا لك وصاية
قلت استريحوا على فنجال برية
قالوا بدا واستراحوا هذي بداية
سقت الفناجيل ومن التمر برحية
قالوا نصيناك لاجل لزوم قضاية
قلت اخذوا التم والله يعلم النية
قالوا بالاسواق بياعة وشراية
قلت التجارة لتاجرها مهي لية
قالوا تجارتك بين العالم حكاية
قلت الله يديم عزك يا السعودية
قالوا على مهلك ارفق قلت بكناية
لاشاب ريش الغراب وحبت الحية
واقفوا وهم ما خذوا شيٍ من رضايه
يعني كما قيل لا ذية ولا ذية
يا ناصر رواية اللي صارت رواية
معها الف ليلة وليلة والله شوية
يا ما اكثر دروبٍ تودي لمبدايه
لكن دربٍ يمرك قلت ما زيه
والله ما كادني في يوم مرقايه
ودامي تعزمت ما ثنيت رجلية
وان كان يمناي ما تفزع ليسرايه
لا بارك الله فالثنتين مولية
والله مولاك يا ناصر ومولايه
جتك القوافي كما وبال صيفية
واسلم ودم بالمعزة يا ابيض الراية
عداد ما بان شمس ومالت الفية
وهذا ردي على الشيخ الشاعر خالد بن عبدالمحسن بن حميد
يالله تقود السعد فأيامي الجايه
ياغافر الذنب يالله تدمح السية
تصافق هجوسي من العام جوّايه
انزل بها واعلو اليا الجدي ووخيه
شرفتني يالامير وطاب مسعايه
شاعر وإمير وجمع هذي وهاذيه
ابطيت ماخطيت في كثر البطا غاية
يالين بعض الاوادم برّقوا فيه
اما ماجتني على كيفي ومشهايه
والا لاحول ولاقوة تملك ايديه
يامسند ٍ نستمد الرأي من رايه
ماهوب من قل شعر وشح قافية
بيوت شرواك حظ وقدر شروايه
قصيدة وافيه مية على مية
جميله وحمل ٍ اثقل من جبل سايه
تفخر بها ربعي اللي نارهم حيه
فكلاخ والطائف المأنوس وانحايه
والنير وأقراه وانفعة البجادية
ياخالد حميد فعلك ماهو دعايه
ابلج محيا ولك وجهه وجاهية
هيدوج منصى العرب غيري ومنصايه
ملهم ومحزم ومقدم بيرق الهيه
المرجله مارجى مثلك ورجوايه
ماحازها من لبس غترة وطاقية
لو مامدحني انسان الا انته اكفايه
ماأبغى من المدح لاواجد ولابليه
مجناك طيّب وانا من طيب مجنايه
ازكى ثمر شجرة ٍ بالعز مجنية
شرّد حروفك لنفح المسك حوّايه
فيها حكم واسئلة وعلوم سرية
ماأرخص بها غير وجه ٍ من قشر شايه
أغلى على روحي من صبي عينيه
الشعر وهبه من الوهاب وهوايه
محادر الضلع من منباع علويه
عوجاء رقبة البعير وعلمها بايه
والا ملف البهيته واليمانية
العد لغثربوه ابا اقصب رشايه
ماهمني لو تموح وتصفق إدليه
قربه وشربه مصيبة وأعظم جنايه
ان ماصفى ياطويل العمر صافيه
والخير من مصحف القرآن لو آيه
واقبل سلامي وعذري وأجمل اتحيه[/align]
تعليق