مع الغروب وتوها الشمس غايبه

[poem=font="Simplified Arabic,6,#000000,bold,normal" bkcolor="" bkimage="images/toolbox/backgrounds/7.gif" border="solid,6,#400000" type=1 line=1 align=center use=ex num="0,#400000"]
[ بسم الله الرحمن الرحيم
أخواني السلام عليكم ورحمة الله وبركاته :
هذه القصيده من القصايد التي قيلت رثاء في والدي رحمة الله عليه أرجو أن تنال اعجابكم مع دعائكم له ،،،،






عزاه ياعيـن عـن النـوم تايبـه =وعـزاه ياقلـب مفـارق حبايـبـه
احاول اكتم زفـرت الحـزن بالغنـا =ونا عيوني بـازرق الدمـع رايبـه
لو ماوطى كبدي وطى صمت الصفا=ءتصبح وهي من صالي الهـم ذايبـه
ون ضاق صدري من هموم تلايمت =رحت انحر الفج الخلا مـع ترايبـه
واكثر بلاى إليا تعليـت لـي رجـم =وهبت على جاشي ذعـاذع هبايبـه
ونا احسب فيه إنشراحي وسلوتـي =وثره عذاب القلب واثـره عقايبـه
وابديت به قاف(ن) على قدر خبرتي =ماهو طرب لاكن تضايق حشاي بـه
قاف(ن) هلالي من ضميري بديت به =وتركـت هزلاتـه ونقيـت اطايبـه
قامت مواريده على الجـاش تدحـم =ورد الضمي والقيض زادت لاهايبـه
وجيت المكان وليت ماكان جيت لـه =جدت جروح في الحشاء من سبايبه
ديرت بني عمي هل المنـع والـذرا =قفيت عنـه ومنـه النفـس طايبـه
شفت المكان اللي قليل بـه الونـس =من عقب عزه ما بقـى الا خرايبـه
واسمع صفير الباب لاهبـه الهـو =اباب (ن) قديـم ناحـلات خشايبـه
واسمع ونين من ورا الباب هزنـي =ولقيت لي عود(ن) نواصيه شايبـه
وقام ونشدني العود عن ربعي اللذي =كثيرهم مثلـي شكـى فقـد شايبـه
ينشدني الماضي ونا قمـت اجاوبـه =وصدره على جيله تزايـد نحايبـه
وابوي راح ولا بقـى غيـر ذكـره =رحل عـن الدنيـا وقفـت ركايبـه
ودع مسا الجمعـه بسبعـه محـرم =مع الغروب وتوها الشمـس غايبـه
فرقاه نار(ن) حرق القلـب حرهـا =لو اشرب المـاء مايطفـى لهايبـه
قدلي ثلاث أسنين واجروحي اوغلت =وابطيت أداويهـا ولاهـي بطايبـه
ون مروا الشيبان باطيـب مواقفـه =اسمع وقلبي مخلـب الهـم صايبـه
ماعنده إلا كلمـت الصـدق والنقـا =وإليا دخل فامر(ن) يخلص نشايبـه
ماعاش بالنمـات والكـذب والـردا =وترا رفيقه ماشكـى مـن طلايبـه
ون جوه ضيفـان يثنـي وقارهـم =قلـط لهـم كبـش كبـار عصايبـه
يشهد علـى فعلـه كـلام آل نالـه =يوم الزمان الشين شبـت شبايبـه
صداقه(ن) بنيت على العز والشرف =ماشابها من غـدر الانـذال شايبـه
من يوم كان الوقت فقـر ومعـوزه =عشى اخويا جنبه من أطيب جلايبه
ماخاف من فقر(ن) يرده علـى ردا =يرجي عوض رب(ن) جزال وهايبه
(ويشهد على قولي جراب الجميحي =ياحـي والله نمـر هـذي ظرايبـه
ويشهد على قولي قصيد ابن ملهيـه =يوم (ن) جلى همه وفـرج كرايبـه
ياويش لولا الله ثم دشن ابن راشـد =كان القعـم حلـت علينـا مصايبـه
وجينا ولاهذا ابـن حجـراف تونـا =ياشبـل ليـثٍ ماتخلـف ظرايـبـه
وياويـش لـولا كلمـة قالهـا لـي =كان امدحه مدح(ن) كثير شعايبـه )
كلمه قصدها مزحة(ن) يـوم قالهـا =وعن الردا يكـرم ولاهـو بجايبـه
ونا تـرا مانـي بحافـظ قصيدتـه =ويمكن حفظها شاعر(ن) من قرايبه
وابوي عز الضيف والجار والخوي =وليت ياذا الدهـر ماكثـر عجايبـه
خواله احباب(ن) ليـا حـل ذكرهـم =فازو بقول ونعـم فـي كـل نايبـه
حرابهـم بيمـوت مانسـي وقعهـم =تخلـي مراحينـه وتكثـر صوايبـه
أولاد ابن مجمـح كعـام المعـادي =تارد حياض الموت ماهـي بهايبـه
ورقيت أنا في مرقب كـان يدهلـه =وما جابه السرحان فالرجـم جايبـه
وابـوي والله إن الحقـه مانسيتـه =حتى تركز فـوق قبـري نصايبـه
وبعد ثلاث اشهـور مريـت قبـره =ودمعي على خدي تزايـد سكايبـه
عسى السحاب اللي تزبـر غيومـه =مزن(ن) من المغرب ترادم سحايبـه
نوه مثل وصف الجبـال الشوامـخ =تـرزم مقاديمـه ويرخـي ذوايبـه
ينشي على قبر(ن) نزل فيه غالـي =يسقي ثرا قبـره ويسقـى نصايبـه
والمـوت حـق وكلنـا ذايقيـنـه =من حان موته مـا تفيـده طبايبـه
يالله عسى الفردوس الاعلى منازله =ارجي كريم (ن) مايخيب رجاى بـه
تكفون ياربعي هل الجـود والظفـر =ياكبـر هقواتـي ولاهـي بخايبـه
لم الشمل خيـر لنـا مـن تفرقـه =واللـي بليـا ربـع تكثـر حرايبـه
هم(ن) قصاني لين بينت مـا خفـى =خلا بعيـد السـد تقـرب حضايبـه
عزاه ياعين(ن) عن النـوم تايبـه =وعزاه ياقلب(ن) إمفـارق حبايبـه [/poem]

صح السانك


على هذا البحر


الي نادر مانشوف الشعرا

الجدد يكتبون عليه

وهو اول بحور الشعر
ومن اصعب البحور

ولاهنت

محمد


صح لسانك وصح قلبك

قصيده وافيه ومن راس وافي

لاهنت ولاهان هذا الحضور


تقبل تحيتي


مشهوووور....

محمد



بيض الله وجهك


أجدت وأمتعت


للــه درك يانقي

كففففففففو يا بو سعد




وعسى الله يرحم شايبك وشايبي وجميع اموات المسلمين





قصيدة من عيون الشعر في العصر الحاضر




وانت خابر ان شهادتي فيك مجروحة




صح لسانك



وجعلك في زود


تحياتي

الاخ الشاعر القدير

محمد بن دشن

صح لسانك ولا هان راسك

ابدعت فيها بيض الله وجهك

جزاله ومعاني وافيه


تقبل تحياتي وتقديري لك

الاخ الشاعر القدير

محمد بن دشن


صح لسانك ولا هان راسك

ابدعت فيها بيض الله وجهك

جزاله ومعاني وافيه


تقبل تحياتي وتقديري لك

أخوي محمد بيض الله وجهك

نص تستحق عليه الثناء

تقبل تحيات أخوك الصغيرغريب

وابوي عز الضيف والجار والخوي
وليت ياذا الدهـر ماكثـر عجايبـه
خواله احباب(ن) ليا حـل ذكرهـم
فازو بقول ونعم فـي كـل نايبـه
حرابهم بيمـوت مانسـي وقعهـم
تخلي مراحينـه وتكثـر صوايبـه
أولاد ابن مجمـح كعـام المعـادي
تارد حياض الموت ماهـي بهايبـه
ورقيت أنا في مرقب كـان يدهلـه
وما جابه السرحان فالرجم جايبـه
وابـوي والله إن الحقـه مانسيتـه
حتى تركز فـوق قبـري نصايبـه


الأخ الشاعر محمد بن دشن الله يرحم الوالد ويسكنه فسيح جنانه
صح لسانك

وكفو ونعم فيك وبخوالك


قصيده رائعه


تحياتي

صح لسانك يامحمد
ورحم الله شايبك
وسلمت على هذه القصيدة ذات القافية الجميلة

محمد


صح لسانك

قصيده وافيه ومن راس وافي

لاهنت ولاهان هذا الحضور

صح لسانك يامحمد
ورحم الله شايبك
وسلمت على هذه القصيدة ذات القافية الجميلة

وابوي راح ولا بقـى غيـر ذكـره
رحل عـن الدنيـا وقفـت ركايبـه



(لا دايم الا وجه الله)


الله يرحم امواتكم واموات المسلمين
صح الله السانك وقصيدة وافيه ولا هنت

أسأل الله العلي القدير


ان يرحمك يابو عايض ويغفرك ويحسن منزلك انه على كل شي قدير


صح لساك يابو سعد ما تحتاج شهادتي

مودتي

محمد بن دشن



صح لسانك


كتبت فأبدعت


جاد بنانك



تحيـــــــــــــــاتي
______________