لاتعجب وسط مجلس باليمين الدله

بسم الله الرحمن الرحيم

((اللهم لا علم لنا إلا ماعلمتنا فعلمنا إنك انت العليم الحكيم))




صلو على النبي



(( باغه ودله))

ياإلـهـي طـالـبـك فـي ذا الـزمـن قـو الثبات
من عقب جيل(ن) ركز باغه وشال الدله
ينبسط في جلسته في تكملة جلسة بنات
هـن خـوات أوشـيـن مـن زود بطينه بله
طال مقعاده وفصفص مع حـلاه مـكـسـرات
شـال حـط أوجـاب ودى جـاب علمه كله
مـظـهـره رجـال لـكـن فـعـل ماتلقى سمات
يارفـيـقـي لاتـشـوشر في خفوقك خله
ياسـلام الله عـلـى راع الـعـلـوم الـطـيـبـات
مـجـلـسـه لـو كـان بـك عـله يزيح العله
مايـصـوطـر حـيـد نـاره كـود مـنـهـي نايـفـات
لالــقــم هــيـلـه وبـنـه ثـم جــابــه زلـه
وسـط بـغـدادي عـلـيـهـن الـختوم الواضحات
مـع صـحـن بـقـطـه وتمره والحجاج الفله
والـبـراريـد الـحـمـر مـن حـيـد نــاره راكــزات
وسـط مـجـلـس كـل نـشمي لاطراله دله
وجد حالـي يـازمـن يـوم الـبـيـوت مـقـفـلات
عـقـب ابـن عـواض حـلـه مـالـقـيـنـا حله
ماعلى بعض المراجل من فعول(ن) قاصرات
مـيـر زادت شـلـة(ن) ردت بـنـفس الشله
راحـت الـرايـات خـلت مـن فـعـول(ن) راكزات
لاتـعـجـب وسـط مـجـلـس بالـيـمـين الدله

ولا قصوور على القروووم اللي ذكرها ماينخفى


وسلامتكم....

الغالي جمال



صح الله لسانك


ولاهنت



أبيات طيبة من راس طيب




لك تحياتي

صح بدنك اخوووي مناااور ولا عليك زود

طيب من طينه طيبه حي نباااك ابيض وجه


الف الف الف الف شكر لتعطيرك زوايا موضوعي


دمت بووود ...

صح لسانك



شاعر ابياتك تدل على تمسكك بالعاادات والتقاليد


الله يكثر من امثالك من الشباب الطيبين

اخووووي فلاح ال مخلص


لاعدمنا طلتك ياقرم

ابيض وجه عساك على القوه

وماعليك قصور