الظن يشكر جنابك لانك اخلفته .

[align=center],

بسم الله

تحيه طيبه للجميع , , مشاعر قديمه بصياغه جديده , علها تجد مكان في انفسكم

تقبلوها مع خالص الود والتقدير ,,

,[/align]

[poem=font="Simplified Arabic,6,#AD8E1D,normal,normal" bkcolor="" bkimage="images/toolbox/backgrounds/15.gif" border="double,4,#919507" type=2 line=0 align=center use=ex num="0,#400000"]
ولّعتـ ــني فيـك ثـم اخلفـت لـي ظنّـي=حايلـت قلبـي ويـوم اذعـن تجاهلتـه
عمرك قضيته لبعض الود متمنّي=واعطيتك الود كله ,, ليه رجعته !!!
ليه التبلي ,, دموعك امس بكنّي=ويوم اسعدك برد قلبي ليه احرقته
البـال قبلـك خلـيّ , وكان متهـنّـي=غافل عن الحب وهمومه , ونبهتـه
ماكنت اعرفك ولا الاشواق نادنّي=ولا طريق الهوى قبلك تعرضته
انت الذي جيتني شفقـان متعـنّـي=واسـأل رسـولٍ مـن الترديـد عذبتـه
كم من عزيزٍ - شفع لك - قلت له عنّي ؟!=ماباقي احدٍ اعز الا ووسطته !
هذاك ينصح وهذا جا يحننّي=واخر يرّغب وغيره زادت اسئلته
امست طواريك مثل الذنــب يقفنّي=لو مـاذكرني - مـن الذلــه - تذكرتـه
وان نمت , الاحلام لديارك يودنّي=في كل الاحوال تفكيري تملكته
اقدامـك بكــل درب امشيـه يـمشـنّي=ومـوعد مسيـرك علـى مسـراي وقتـه
من وين مااروح , رحت , وصار يسكنّي=ذكرك واظني مع التكرار ادمنته
وياطول بالك وياصبـرك , وانـا كنّـي !=ارخيـت لـك حبـل ودي ليـن سلمتـه
الوقـت والنـاس والامــال أغـرنّـي=ورجوى غرامٍ بعـد للحيـن مـا عشتـه
والحاحك اللي اسرني , مع صغـر سنّـي=وحكـي العـذارى وحلـمٍ فيـك حلمتـه
واقبلت كلي وانا لا اقبلـت ,, مـا اثنـّي=دربي ولو كان بـه عثـرات , سمحتـه
مديـت كـفٍ بصـدق الوعـد متحنـّي=واحـلا كـلامٍ بدنيـا الحـب لـك قلتـه
وكنت انتظر فـن شوقـك يلتقـي فنّـي=وارهفت سمعي لصـوت غنـاك ارهفتـه
لكن عزفـت سـوأ الألحـان واحزنـّي=ذاك الغـرام الـذي بالمـهـد كفنـتـه !
كلـي ذهـول وسكوتـك مـا يطمـنـّي=انت السؤال وغموضـه وانـت أجوبتـه
تلاشت مزون وصــلك قبـل يسقــنّي=ياهايم الامس ... هـذا اللـي تعلمتـه !!
هو ذا ثقل او جنـون او تنتقـم منـّي؟!=والا نزولـي لمثلـك مــا تخيلـتـه !!
او قصه العاشق اللي عنّك وعنّي =الفتها , يدفعـك نقصـك ,, وكملتـه !!
مادام منــزلك يامســكين ,, متــدنّي=وش لك وقدري ! تراك تمـوت مـا طلتـه
اشكر ظــروفٍ قــبل لا ازل فكــنّي=منك , وعلى الله , كفاك اللـي تصدقتـه
وتبغى الصراحه !!! على انك مخلفٍ ظنّي=الظـن يشكـر جنابـك لانـك اخلفـتـه[/poem]

[align=center],

,[/align]

أسماء إبراهيم

أصدقك القول إن قلت لك منذ زمن لم أقرأ شعراً بهذا الثراء
وبهذا البذخ الشعري الذي يتغلغل في كل بيت بل في كل مفردة

أعترف بتقصيري في متابعت ماتكتبين
وبجهلي بقامتكِ الشعرية قبل هذه القصيدة

لله دركِ من شاعره




مـادام منزلـك يامسكيـن ,, متـدنّـي
.........................وش لك وقدري ! تراك تموت مـا طلتـه

لست أدري لماذا تمنيت أن هذا البيت لم يكن فيها
ليس لعيب فيه فهو لايقل قوة عن باقي الأبيات
غير أنني أرى وهذا رأيي الخاص أنها بدونه أفضل


.

اسماء

قصيده في غاية الروعه !

صح الله السانتس الين ترضين

استمتعت جدا ً في قراءتها

اسجل اعجابي

/

اسماء البراااهيم

الله يسعد صباااااااااااااااحك ولله درك والله شاااعره رااااااااااااااااااااااااااائعه
ومميزه شااعره تغرف من نهر عذب وهطووول غزيير
وصووور هاااائله لله درك على هالابدااااااااااع والرقي وعسااك على القوووووووووووه

وان نمت , الاحلام لديارك يودنّي=في كل الاحوال تفكيري تملكته
اقدامـك بكــل درب امشيـه يـمشـنّي=ومـوعد مسيـرك علـى مسـراي وقتـه


راااااااااااائعه بروعة شاعرتها


لله درك يا اسماء


تقبلي تحيتي



مشهوووور...

الاخت أسماء إبراهيم

صح لسانك وسلم فكرك

حضور رايع

تقبلي احترامي ومودتي

أسماء



نص عذب وجميل



لاهنتي ولاهان حضورك




وأنا مع الطلحي فيما ذهب إليه في البيت الذي أعتقد
إنه نشاز عن هذا النص النابض



للـــــه درك

لله درك يا اسماء
وصفتك الطبية منك واليك حاكيةً عاتبةً حاكمةً مداوية
قصيدتك هي روشتتك المداوية لما آل اليه الحال
وفعلا اتت من حقيقة وبواطنها تكشف معالمها
صح لسانك يابنت الرْجال

اشكـر ظـروفٍ قـبـل لا ازل فكـنّـي=منك , وعلى الله , كفـاك اللـي تصدقتـه
وتبغى الصراحه !!! على انك مخلفٍ ظنّي=الظـن يشكـر جنابـك لانـك اخلفـتـه


الله الله الله

رااائعه رااائعه

تسلمين شاعرتنا أسماء

ولاهنتي على هالمؤلمه والبوح العذب

للعفه والشموخ مكانة فاخره و مرموقه وخااصة للأنثى

داام بوحك وسلمت روحك عزيزتي

أعذب التحايااا’,,

اسماء وللنص من اسمك نصيب

صح لسانك

واقبلت كلي وانا لا اقبلـت ,, مـا اثنّـي
دربي ولو كان بـه عثـرات , سمحتـه
مديـت كـفٍ بصـدق الوعـد متحنّـي
واحـلا كـلامٍ بدنيـا الحـب لـك قلتـه


الله الله يا اسماء

صح الله لسانك و بيض الله وجهك

قصيدة بحق رائعة

تحياتي

اخوك

الشاعره الرائعه / اسماء البراهيم

صح الله لسااااانش مليون في مليون

قصيدش يطرب له كل متذوق للشعر الحقيقي

والله ان كثر الكلام ما منه فايده

لي رجعه على هذا الابداع

أسماء إبراهيم

أصدقك القول إن قلت لك منذ زمن لم أقرأ شعراً بهذا الثراء
وبهذا البذخ الشعري الذي يتغلغل في كل بيت بل في كل مفردة

أعترف بتقصيري في متابعت ماتكتبين
وبجهلي بقامتكِ الشعرية قبل هذه القصيدة

لله دركِ من شاعره




مـادام منزلـك يامسكيـن ,, متـدنّـي
.........................وش لك وقدري ! تراك تموت مـا طلتـه

لست أدري لماذا تمنيت أن هذا البيت لم يكن فيها
ليس لعيب فيه فهو لايقل قوة عن باقي الأبيات
غير أنني أرى وهذا رأيي الخاص أنها بدونه أفضل


.

[align=center],

الشاعر عبدالله الطلحي

يسعدني الان انك وقفت على شئ من شعري ويشرفني انه لاقى لديك الاستحسان والقبول

واشكرك على مرورك الكريم الله لايهينك

واحترم رايك جدا فيما قلت

تحياتي .

,[/align]

اسماء

قصيده في غاية الروعه !

صح الله السانتس الين ترضين

استمتعت جدا ً في قراءتها

اسجل اعجابي

/

[align=center],

ام حمد

الرائع مرورك العذب يالغاليه

صح بدنك ويسعدني انك استمتعتي بالقصيده وبذلك وهبتيني ما اسعى اليه

دمتي ولاهنتي

تحياتي .

,[/align]

اسماء البراااهيم

الله يسعد صباااااااااااااااحك ولله درك والله شاااعره رااااااااااااااااااااااااااائعه
ومميزه شااعره تغرف من نهر عذب وهطووول غزيير
وصووور هاااائله لله درك على هالابدااااااااااع والرقي وعسااك على القوووووووووووه

[align=center],

الشاعر نمر العتيبي

ياهلا فيك ,, لاهنت اخوي ومشكور على هالكم الهائل من الاطراء

الله يعز شانك ويسلمك

تحياتي .

,[/align]