أوراق شــــاعـــر

الاخ هلال العتيبي

صح السانك في جميع الاوراق


تواجد ثري بكا يحوى



تحيتي ولا تكفي

الاخ هلال العتيبي

صح السانك في جميع الاوراق


تواجد ثري بكا يحوى



تحيتي ولا تكفي

اخوي عبدالهادي
صح قلبك وكل عام وانت بخير
مرورك فخر لاعدمتك

الورقة19

[poem=font="Simplified Arabic,5,#002CFF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياحكمة الله قلت ابكتب ولو بيت=لقيت عفريت الشعر في اجازه

قمت وزهمته قال يوم انّك ابطيت=عفت الأدب ماعاد لي فيه عازه

قلت الشعر فن وشعور ومواقيت=هذي مواعيده وهذي حزازه

ماهو معي فالجيب لاقبلت واقفيت=حسب تهياض الحشا وافتزازه

قال انت شكلك يالعتيبي تغليت=وإلاّ تحب المشيخة والرزازه

قلت انقلع عساك بالهيص ماجيت=كلامك اثر في فؤادي حزازة

ترى الشعر يا 000 مايرفع الصيت=ولايرفع الراس ويكبر غرازه

إلاّ شعر حسان شاعر هل البيت=شاعر: رسول الله وجبريل اجازه

قال السموحة كان في حقّك اخطيت=يامحور الشعر ومقر ارتكازه[/poem]

الورقة 20

[poem=font="Simplified Arabic,5,#0015FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا(جيبي)اللي صار يمشي على الشون=ويشكي من اوجاع الركب والرماتيز

أسمع ونينه ساع ألفّ الدركسون=كنّه يقول بليز ترفّق بليز

إي والذي لجله عبيده يصلون=انّي لسويلك صيانه وتحفيز

ويبقى مكانك داخل القلب مصيون=لوكان من باب احترام العواجيز

امجار ياللي مامشى سكّة الهون=ولاطرحني فالوحل والتغاريز

خمسة عشر عام متخاوين وشلون=اتبور فيني يابعيد المناويز

لو في حسابي يالخوي ربع مليون=نذرن لبروز صورتك فالبراويز

واجيب مثلك جيب مزيون مضمون=واحطّلك متحف واعزّزك تعزيز

ياموتري من خلقتي مااعشق الدون=ولااداني البيجو ولاقرندماركيز[/poem]

صح لساااااااااااااانك مدددددددددددد



مودتي لك .

صح لساااااااااااااانك مدددددددددددد



مودتي لك .

أهلين ياعبدالرحمن
صح قلبك ونبضك
مرورك فخر لاعدمتك

الورقة 21

[poem=font="Simplified Arabic,6,#1A00FF,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أحلى المشاعر نوّخــت عند بابك= تستأذنك حتـى تهنيـك بالعـيـد

يزفها قلبـي لحظـرة جنابك= تقبل الله صومـك وعيـدك سعيـد

العيد طرز فرحته فـي ثيابـك = ومن ضحكتك واشراقتك نوره يزيد

قلبي وروحي سايرة في ركابك =تمشي معك من دون شرط(ن) ولا قيـد

ان جيت قالت كلها ياهـلا بـك = وان غبت ترحل خلفك وتطوي البيد

اضيع واذبل وانطفي في غيابك =وبكل تأكيـد اغـرق بكـل تأكيـد

مااقول غير الله يحفظ شبابك=ويحميك من عين الحسد والمناقيد

متميّزٍ : حتى زعلك وعتابك=احلى من انواع العنب فالعناقيد

عسى الزمن لو زاد خطبه يهابك =يدفع بلاه بعيـد وبعيـد وبعيـد[/poem]

هلال العتيبي


هذي مو اوراق شاعر


هذي جواهر شاعر



صح لسانك


حتى ترضى



مبدع وجزل ومتمكن



أحترت بين تلك الجواهر

سجل اعجابي بكل ما تكتب


لاهنت



تحياتي وتقديري


أخوك

هلال العتيبي


هذي مو اوراق شاعر


هذي جواهر شاعر



صح لسانك


حتى ترضى



مبدع وجزل ومتمكن



أحترت بين تلك الجواهر

سجل اعجابي بكل ما تكتب


لاهنت



تحياتي وتقديري


أخوك

اخوي فراس
صح قلبك ونبضك
مرورك فخر طال عمرك
وكل عام وانت بخير
اخووووووك

الورقة 22

[poem=font="Simplified Arabic,6,#0300FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
كيف العمل والعيد واقف على الباب؟=لاقادر اشوفك ولااقدر اهنيك
مشتاقلك بالحيل والشوق غلاب=اعصار يجتاح الحشا عند طاريك
في مفرق الدرب امتردّد ومرتاب=رغم ان نبضات المشاعرتناديك
غلاك عانه في سما الروح ماغاب=مثل القمر !!كان القمر فيه تشكيك
وهواك مبطي داخل الصدر حطاب=شوفه بفاسه يحطب اضلوع مغليك
بعض الجفا مع الأسف ماله اسباب=يعيّش العاشق حياة الصعاليك
حرفي خضر والقاف يازين ماشاب=تحرّكه هبايب الشوق تحريك[/poem]

الورقة 23
بمناسبة العيد الوطني79للملكة العربية السعودية

التصميم لاخي سعود العتيبي
والابيات لي

[poem=font="Simplified Arabic,6,#327A1E,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
79 عيد وجعل عزّك يازيد=ياموطن العز يامهد الفخر والشموخ
اليوم فيك احتفلنا عيد في قلب عيد=تاريخك المجد ولباسك بشوت الشيوخ
دم السعوي خضر(لون العلم)فالوريد=شعب وحكومة توحدنا ولابه شروخ



[/poem]

الورقة 24
[poem=font="Simplified Arabic,5,#0A00FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
عنب يمن قالوا وقلنا بلح شام=وطالت مسافات الفراق وعتبها
الجمرتين اللي كوتني من العام=هذي سنة وانا احترق في لهبها
أمّا اطفها بخصام من سدّه اخصام=وإلاّ اسقط نجوم الوصال وشهبها!!
تاهت بي الخطوه وتاهن الاقدام=وفرحة زماني من يدي من نهبها؟؟
تعال يانبض القصايد والاقلام=شاعرك كل افراح عمره وهبها
تعال نحيا الواقع بشكل الاحلام=ونطرّز أفراح الحياة بذهبها
أرسملك الفرحة على وجه الايام=وننسى السنبن الماضيات وتعبها[/poem]

عشت يا هلال




قصيد كله وافي ولاهوب غريب عليك





دمت متألق



تحياتي

عشت يا هلال




قصيد كله وافي ولاهوب غريب عليك





دمت متألق



تحياتي

اخوي عوض
حياك الله يالغالي
مرورك فخر ياأمير
مودتي طال عمرك

الورقة 25

[poem=font="Simplified Arabic,6,#248C20,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
مشواري من الحجاز لنجد ياقربه=لو انّك تعيرني ياطير جنحانك
واحوم حوم القطا واطير في سربه=وانصاك ياسيّد الخلان ف اوطانك
واعبرفضانجد من شرقه اليا غربه=ولا اعوّد إلا بعد ما ادل عنوانك
لجل امسح الدمع من عينٍ تحدّربه=وادعي من القلب عساها آخر احزانك
اليا طعنك الزمن في مقتل بحربه=انزع حراب الزمان بقوّة ايمانك
العمر سكة وداع وعتمة وغربه=لاتعصف رياحك ولاتمطر امزانك
ماتقدر ترجّع اللي راح في دربه=لكن كثر البكاء لايدمر اعيانك
وغلاك لولا كلام الناس لاجهر به=لكن أضف الغلا من شاني وشانك[/poem]