الصـــدف والحـــظ ...

السلام عليكم ورحمة الله وبركاته

بعد غياب .. تقبلوها .. عسى ان تنال اعجابكم ..


:

[poem=font=",6,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

لقيتك .. عقب عمر .. راح جاه من الحزن ما جاه=وصحيت من المنام اللي مضى حوله ورى حوله

بدايات الطريق اللي .. يقربني عليك اقصـــاه=مشيته .. صدفة .. وحظي ضحك لي عرضه وطوله

يقولون الفرص ماهي تكرر .. واغتنم لقياه=وانا اقول ... اللقاء عقب الشقاء .. لأهل الهوى دوله

عواصمها ثلاث التضحيه .. في درب من تهواه=وصدق القلب ... والسر احفظه لا يبين مدلوله

يمين العاصمه ميناء القلوب.. اللي على مرساه=مكان .. يضحكـ .. ويبكي .. عيون اللي تعنوا له

نعود للغريب اللي ضميت وجيت ابي لامـــاه=وحققت النظر به ... لكن القلبان مأهوله

اعيد الذكريات اللي مضت .. واقول وين القاه=واغمض .. يمكن المح نظرته .. والا بعد زوله

نويته .. عقب ما سلم ودبر ,,, رافع يمناه=يلوح لي ... وفي قلبه يقول .. الصد وش هو له

ثنيت الرجل .. لعيونه وجيته لا عدمت ارضاه=وذكرني بأمور ٍ.. والا انا و(الله) ماني حــوله

اعني فكري لحرف ٍ عقول الناس .. ما تقراه=وانا لا قلت باطوله .... علي نذر اني اطوله

يسلي خاطري صبح ٍ .. طلع من ضحكة محياه=ويسعد لي صباحه .. والسوالف منه معسوله

يحيرني .. غموضه .. وان حكا .. يتعبني محاكاه=افل الكلمة اللي .. من جنـــابه... واستمع قوله

اتجود بمدك اللي .. في عيوني ما حد يسواه=يا حظي ... مرحبا بك .. يوم جيت وفي يدك تــوله

هديه من خيار العود الازرق .. وانت جاهك جاه=وانا كفو .. لمدك .. والعطايا .. منك مأموله

لفيت .. بغالي ٍ .. يدرى شعوري يوم كنت ارعاه=ابيه .. وكنت ادور له قبل ... يبدى بمرسوله

يمون .. أي والله انه لا بغى يشر ,,, واضد اعداه=والى من مد منقوله ... يشرفني و مقبوله

قريت بعينه ورسمه .. هموم .. من سبب جفواه=وازور اطلاله اللي ... مرها .. واقول معقوله !

رعاه الله .. من حكي الوشاه .. اقصاه قبل ادناه=ورعاه الله .. من ضيم الدهر .. لا يوجعه هوله

بغيت اقول له .. شي بينثر فوق خده ماه=ولكن .. من غلاه ... الروح له في الكف محمـــوله

نهاية .. قصتي .. يفهم لبيب ويبتلش من تــاه=والى منه فهم .. وش مقصدي با بداء معه جــوله

يصيد الرامي الماهر .. الى حقق هدف مرماه=بعد ما فاق من نوم ٍ .. مضى حوله ورى حوله[/poem]



:

وسلامتكمــ

ومن قال سالم وغانم


وصح لسانك ياصالح على القصيده الجزله لاهنت

صح الله لسانك يا صالح

شاعر جزل ومبدع لا عدمتك

وانتحرا دايم لجديدك

تحياتي

اخوك

الله الله يا صالح


ابداااع وربي




صح لسااانك ملايين شاعر كبير ومميز

تحياتي لك

حجز



ولي رجعه تليق بهذا الابداع وهذا الاسم

الاخ الشاعر / صالح ال كحله
اسعد الله صباحك بكل خير
وافيه من شاعر وافي وجزل


تحياتي

صالح ال كحله


مبدع


صح لسانك

ماهي غريبه هالجزاله

نهاية .. قصتي .. يفهم لبيـب ويبتلـش مـن تـاه
والى منه فهم .. وش مقصدي با بداء معـه جولـه
يصيد الرامي الماهر .. الـى حقـق هـدف مرمـاه
بعد ما فاق من نوم ٍ .. مضـى حولـه ورى حولـه


الغالي صالح



أعجبتني وأطربتني


للــه درك



الله يرعاك

سلمت ودمت على العز والطاعة
رائعة جدا ياصالح
عساك ماتعجم ياطويل العمر

نص عانق الغيم وأستوطن الثريا

صالح أل كحله أكبر من أي أشاده
ربي لا يضرك ولله درك
تحياتي

يمون .. أي والله انه لا بغى يشر ,,, واضـد اعـداه
والـى مـن مـد منقولـه ... يشرفنـي و مقبولـه


صح لساااانك

قصيده من الوزن الثقيل


تقبل اعجابي

ومروري المتواضع

ابو علي بيض الله وجهك يالقرم


مبدع بكل المقاييس صالح شاعر يكتنز الاصاله

الحقيقيه لله درك وبصوتك احلى

دمت بمحبه

الله الله


للحرف ابداع


للكلم صواغ


للفكر متعب


صح لسانك


( صالح ال كحله ) اسم مقترن بالتميز



نص من اروع النصوص النبطيه

ومن قال سالم وغانم


وصح لسانك ياصالح على القصيده الجزله لاهنت

ارحب يا ناشر العاطفي

الله يسلمك ويحييك

وصح الله ابدتك ..

لاهنت على تشريفك وتقبل تقديري

صالح الكحله

صح لسانك على الابداع

اللي مايستغرب عليك شاعر ومن بيت شعر

ولك تحياتي