Tweet
اشرف لأوطان
[align=center]هذه القصيدة قلتها في ما يحدث ونراه هذه الايام وهي لاتحتاخ إلى شرح امل ان تحوز على رضا الجميع[/align]
[poem=font="Simplified Arabic,5,#081232,bold,normal" bkcolor="" bkimage="" border="double,3,#101A6C" type=0 line=0 align=center use=ex num="0,#400000"]
حماك الله يادار العروبة يأشرف الأوطان=بلاد الخير وأهل الخير رب البيت حاميها
بلاد(ن)عزها الله يوم فيها نزّل القرأن=بها مكة وطيبة والرسالة نزّلة فيها
عطاها الله من ابناها رجال(ن)ترخص الاثمان=لها وتقدّم الغالي وبالارواح تفديها
رجال العز والحكمة هل التوحيد والأيمان=رجال الدين وأهل الدين حاضرها وماضيها
سلاطين الجزيرة مرجحين الكيل والميزان=حماة القافلة لاصار حادي الوقت حاديها
يردّون الوسيق وينطحون الخصم في الميدان=اليا ذارت ونارت واستخف الرعب راعيها
دعات السلم وأهل السلم أهل صدق وأهل برهان=واليا دارت رحا الحرّاب تأخذها وتعطيها
ملوك(ن)تمّن الخايف وتحمى الدار والجيران=مطوعة العدى وان شبّت الفتنة تطفيها
عيال موحد(ن)بعد الشتات متعّب الفرسان=الياضاع الدليل وهابت الحملة يجرّيها
يسوج الرجل مايخشا عقاربها ولا الديبان=يدمدم فوقها البيدا تموت وسمّها فيها
ملاذ(ن)نلتويبه لا تحدانا الزمان وشان=بهم نأمن ونرسي بالسفينة في مراسيها
أنا اقوله وبأسأل من مشا مع زمرة الشيطان=ونفسه للمهالك راح يقتلها ويرميها
لماذا ترخص النفس ولماذا يقتل الانسان =وهو من غير ذنب من الذنوب ولامشا فيها
ولماذ ياسلاح(ن)ماتوجّه في نحا العدوان=تجنّبها وترجع للريّعة في مفاليها
عمل مامن وراه الاّ شتات الشمل والخذلان=سوايا ماهقيت المسلم الصادق يسويها
فلا ندري من الفائز ولاندري من الخسران=رساله خاب كاتبها تحيّر فكرقاريها
ترامن لايصون الساس يسقط فوقه البنيان=ومن حط الهدف تخريب داره كيف يبنيها
واليا أختل التوازن بالسفينة واشغل الربان=اقول ان السفينة سوف تغرق هي ومن فيها
وتصير الكارثة من بعدها من يجمع الشتان=حقيقة من فطر عينه وقال انه يداويها
من اعصور الصحابة والنبي والمسلمين اخوان=يد(ن)وحده وقلب(ن)واحد(ن)تنطح معاديها
من الواجب على المسلم يتوب ويطلب الغفران=ويطلب عفو ربه من ذنوب واقع(ن)فيها
وجهاد(ن)في سبيل الله له دروب (ن)وله بيبان=شرعها الله وبينها لعبده كان يبغيها
حماك الله يادار العروبة يأشرف الأوطان=بلاد الخير وأهل الخير رب البيت حاميها[/poem]
[align=center]عبد الهادي سعيد المسعودي[/align]
[poem=font="Simplified Arabic,5,#081232,bold,normal" bkcolor="" bkimage="" border="double,3,#101A6C" type=0 line=0 align=center use=ex num="0,#400000"]
حماك الله يادار العروبة يأشرف الأوطان=بلاد الخير وأهل الخير رب البيت حاميها
بلاد(ن)عزها الله يوم فيها نزّل القرأن=بها مكة وطيبة والرسالة نزّلة فيها
عطاها الله من ابناها رجال(ن)ترخص الاثمان=لها وتقدّم الغالي وبالارواح تفديها
رجال العز والحكمة هل التوحيد والأيمان=رجال الدين وأهل الدين حاضرها وماضيها
سلاطين الجزيرة مرجحين الكيل والميزان=حماة القافلة لاصار حادي الوقت حاديها
يردّون الوسيق وينطحون الخصم في الميدان=اليا ذارت ونارت واستخف الرعب راعيها
دعات السلم وأهل السلم أهل صدق وأهل برهان=واليا دارت رحا الحرّاب تأخذها وتعطيها
ملوك(ن)تمّن الخايف وتحمى الدار والجيران=مطوعة العدى وان شبّت الفتنة تطفيها
عيال موحد(ن)بعد الشتات متعّب الفرسان=الياضاع الدليل وهابت الحملة يجرّيها
يسوج الرجل مايخشا عقاربها ولا الديبان=يدمدم فوقها البيدا تموت وسمّها فيها
ملاذ(ن)نلتويبه لا تحدانا الزمان وشان=بهم نأمن ونرسي بالسفينة في مراسيها
أنا اقوله وبأسأل من مشا مع زمرة الشيطان=ونفسه للمهالك راح يقتلها ويرميها
لماذا ترخص النفس ولماذا يقتل الانسان =وهو من غير ذنب من الذنوب ولامشا فيها
ولماذ ياسلاح(ن)ماتوجّه في نحا العدوان=تجنّبها وترجع للريّعة في مفاليها
عمل مامن وراه الاّ شتات الشمل والخذلان=سوايا ماهقيت المسلم الصادق يسويها
فلا ندري من الفائز ولاندري من الخسران=رساله خاب كاتبها تحيّر فكرقاريها
ترامن لايصون الساس يسقط فوقه البنيان=ومن حط الهدف تخريب داره كيف يبنيها
واليا أختل التوازن بالسفينة واشغل الربان=اقول ان السفينة سوف تغرق هي ومن فيها
وتصير الكارثة من بعدها من يجمع الشتان=حقيقة من فطر عينه وقال انه يداويها
من اعصور الصحابة والنبي والمسلمين اخوان=يد(ن)وحده وقلب(ن)واحد(ن)تنطح معاديها
من الواجب على المسلم يتوب ويطلب الغفران=ويطلب عفو ربه من ذنوب واقع(ن)فيها
وجهاد(ن)في سبيل الله له دروب (ن)وله بيبان=شرعها الله وبينها لعبده كان يبغيها
حماك الله يادار العروبة يأشرف الأوطان=بلاد الخير وأهل الخير رب البيت حاميها[/poem]
[align=center]عبد الهادي سعيد المسعودي[/align]
تعليق