Tweet
السلام عليكم ,,, عوده بعد انقطاع ,, وتقصير
حبيسة الادراج .. وتم الأفراج عنها .. مع العفو الرمضاني
:
:
العقل يفرض .. قبل افل الطرس ,, ترديد السلام
سلام .. يا من تقطع الفرجه ..على عرف النجوم
الشعر ,,مثل الوجه يحمى من كلام اهل الكلام
والفعل ,, يبقى والحكي ,,, سراب قيض ٍ به سموم
يامروجين الحكي ,, خلوها كذا برد ,, وسلام
ترى النوايا في خشوم البل ,, تبين بها العلوم
اسمع ,, واشوف .. وللرفيق اكن له كل احترام
اقدره ,, واحشم جنابه ,, واكرمه حسب السلوم
واعطيه حقه ,, واحتمي ساقته .. في يوم الزحام
والعن ثوى الشيطان .. لا غرر بهقوات الرخوم
يا صاحبي ,, لك في عيوني قدر .. واعدك حسام
ولا هقيت ان سيفي ,, البتار ,, في حده ثلوم
وترى الخطاء وارد ,, وذود الهم في صدري حيام
واسقي .. ضواميها لان الوسم ماهو وسم قوم
يا صاحبي .. ما نبدي الشرهه سوى صوب الكرام
وانت ,, اقبل المشروه .. وأأقبل بالعذر ,, جعلك تدوم
تعميم ,, الاشياء ,, ما يجوز ,, ولد صوبي والهمام
وخط ,, بحججك .. القاع وانصفني .. بمحضار القروم
اما ,, تصير حصان ,, واقلط ,,فوق درثوم السنام
والا .. انكر ,, وجعل السوالف مثل تفسير الحلوم
يا صاحبي ,, مهما جرى تبقى ,, رفيق ولك مقام
وعادتنا نستر خمال الجنب ,, من ظافي الهدوم
جاك الخبر .. وانا اعرف انك ياللبيب .. تشق خام
لاشك ,, ابوصف لك علاج .. تاخذه عند اللزوم
من لا يعدك راس مال ,, اشطب على قـربه اشمام
ومن لا يعوج الراس ,, لا اخطاء .. بين ربعه ما يدوم
:
:
وسلامتكم
[/align]
تعليق