كل بحر شارب منه قرطوح

[poem=font=",7,darkblue,normal,normal" bkcolor="transparent" bkimage="" border="double,6," type=1 line=0 align=center use=ex num="0,black""]
ما بقى لي بالعمر كثر ما راح=والعمر يمضي مع الوقت ويروح
لا قضى شغلي ولانيب مرتاح=متعب نفسي على غير مصلوح
لكن الدنيا تبي صبر وكفاح=والبشر كل بدنياه مشفوح
والقدر يومي بي اوماي ملواح=والخطر في درب الآمال مطروح
بين الافراح السعيده والأتراح=كل بحر شارب منه قرطوح
أمسي ونومي كوابيس وأشباح=وأصبح وعندي تفاكير وطموح
وأن خذت بي بعض الأفكار مشواح=ودي أزرع لرض وابني بها صروح
وأعبر الغبه على ذات الألواح=لين ترسي بي على جال مسفوح
في رجا اللي بأمره الهم ينزاح=اللي أنجا يوسف ويونس ونوح
بيده الأرزاق وآجال الأرواح= فالقُ حب النوى خالق الروح
ما معي لأبواب الأرزاق مفتاح=عند ربي باب الأرزاق مفتوح
والقناعه راس مالي والأرباح=راضي باللي كتب لي على اللوح
لو هوى نفسي مساري ومسراح=سجة فيها شفا كل مجروح
وان جذبني رايح بارقه لاح=قام يلفح بي من الشوق لافوح
وأتبع وسوم الحياء وين ما طاح=وأتغزل في هوى كل مملوح
طير ياللي فوق الأغصان نواح=أطرب وغرّد على سدرة الدوح
يا هنيك يوم لك ريش وجناح=والا أنا لا ضقت مدري وين اروح[/poem]

عبدالله المشعلي

ارحب


وصح السانك يابو محمد


حظيت بالسبق لمعانقة الجمال


لافظ فوك

اجمل
التحايا

الله عليك يا اخوي عبدالله

شرح وافي لمعناة الانسان مع الدنيا ومتابعة الطموح الذي قد يكون فوق طاقة التحمل

لانها اذا كانت النفوس كباراً تعبت في مرادها الاجسام

اعجبني البيت الاخير جداً حيث انها امنية غالية لكل من ضاقت به الارض ان يكون لديه جناحان ليحق بعيداً عن مصادر

الهم والضيق

وفقك الله

أخوي عبدالله

صح لسانك

واعتلا شانك

حضور رايع

تقبل احترامي

المشعلي صالح وبحر صالح بتمكن لاينهجه الكثير من الشعراء ..

صح لسانك ودام تواصلك

عبدالله أررحب مليون



ماشاء الله


حضورك دائماً مبهر ومفيد



لاهنت

طير ياللي فوق الأغصـان نـواح
أطرب وغرّد على سـدرة الـدوح
يا هنيك يوم لـك ريـش وجنـاح
والا أنا لا ضقت مدري وين اروح


الله الله

صح لسانك يـ المشعلي

ولاهنت على هـ الكايفه طال عمرك

لك التقدير’,,

اررررررررررحب يابومحمد



وصح لسانك يالقرم



قصيدة طيبه من راس طيب



لك تقديري

صح لسانك يالمشعلي

رائع جداً
في طرقك وسبكك وهدفك

رائع جداً

يـا هـنــيــك يــوم لـك ريـش وجـناح
والا أنــا لا ضـقـت مـــدري ويـــن اروح
حيل الله قوي ياعبدالله
نص مثل النصوص السابقه
في هامة الشعر ياعبدالله
لاعدمنا تواجدك المثمر بالجزل

الأخ عبدالله
صح لسانك جزله من راس جزل

ارحب


وصح السانك يابو محمد


حظيت بالسبق لمعانقة الجمال


لافظ فوك

اجمل
التحايا

حسن المشعودي
صح بدنك وتسلم وتدوم
وأنت دائما سباق يا أبوعلي
تحياتي لك

الله عليك يا اخوي عبدالله

شرح وافي لمعناة الانسان مع الدنيا ومتابعة الطموح الذي قد يكون فوق طاقة التحمل

لانها اذا كانت النفوس كباراً تعبت في مرادها الاجسام

اعجبني البيت الاخير جداً حيث انها امنية غالية لكل من ضاقت به الارض ان يكون لديه جناحان ليحق بعيداً عن مصادر

الهم والضيق

وفقك الله

شواهق نجد
تسلمين وتدومين
ومرورك يشرفني
لك الشكر والتقدير

[align=center][a7la1=#F1F1E1][all1=#C1C1AF]الله الله
ابو محمد
صح لسااااااانك ولاهنت مبدع لله درك [/all1][/a7la1][/align]

طير ياللي فوق الأغصـان نـواح
أطرب وغرّد على سـدرة الـدوح
يا هنيك يـوم لـك ريـش وجنـاح
والا أنا لا ضقت مدري وين اروح

قصيدة طيبه

صح لسانك


مدد بلاعدد


تقديري

:


: