Tweet
هذي الابيات اخترتها لكم من ارشيفي اتمنا ان ترقا إلى ذايقتكم
.[poem=font=",6,black,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black""]
ياقلب هذي سيرة الدنيا من البعد السحيق =و النفس لاضاقت على رب البرا مخراجها
ياطير ياللي فالهوا تمد جنحانك طليق=خذني معك وابعد بنا فأرض الخلا وفجاجها
أنا تحمّلت وصبرت وفالحشا جرحاً عميق =والعين قدلي مدةٍ نوم الهنا ماساجها
سئمت حتى صارت الدنيا على نفسي تضيق =وان كبرضيق النفس عند الله كبير أفراجها
ياللي تلوم النفس لاونّك على صدري تويق =عرفت ويش اللي طنا نفسي وزاد أزعاجها
غديت في دنيا التعاسة والشقا مثل الغريق =اللي وقع في غبّة تصفق عليه امواجها
واليا بغيت أعبر معا دربي وشقيت الطريق = لقيت لي ناسٍ على دربي تمد سياجها
وعجزت في ذا الوقت لا ميّز فريقٍ عن فريق =الوقت نفس الوقت والناس اختلف منهاجها
والخنجر اللي بالظهر لاصار من كف الصديق =تبطي وهي تنزف وتبطي ما لقيت علاجها
وتهون لامن جات من الاعدا ولاهي من رفيق =وان جات من لصحاب يصعب حلها وادراجها
وتحسها أثـقل من جبل يذبل ومن هضبة طويق =وتشب نارٍ فالحشا ما ينطفي وهّاجها[/poem]
عبد الهادي سعيد المسعودي
تعليق