عـــــــــــــادي.... شبـــــــــــــــــــــــااااب!!

من عرفته قمت افكر في دوامه


...........واستحالة رجعته عند الغياب


قمت افكر بالخفوق و بانهزامه


...........وابتديت اقرا شروط ال******


لين فكرت بتمـــعن وبصرامه


........... قلت اخوض التجربه مثل أي شاب

ان كسبته استطعت اترك علامه


...........وان خسرته اخسره "عادي شباب"


قلت ابدخل و افهمه و افهم نظامه


...........والاصابه عيّت تعيق المصاب


استرقت السمع من اول كلامه


........... لين ما اخر جمودٍ بي ذاب


استعديت و تـــــــهــــيأت لمقامه


........... لين شفت اللي (يسيلُ لَهُ اللعاب)


شفت واحد ربكته عز انتظامه


...........و المزاجيه تزين كل باب


ضايعه شخصيّته وسط انفصامه


........... و التقلب بين فرحه و اكتئاب


قد ما تدخل , تسرّب من مسامه


........... كن قلبه فيه عيب الانسياب


يوم اشوف ان بسطه اصغر من مقامه


........... و يوم اشوفه اكبر من أي انتساب


من سكوته بس .. يفرض احترامه


............ من كلامه تفهم اداب الخطاب


الثقل معـــــطــيه لمسات الزعامه


............ و الحذر يكسبه ايّة انتخاب


كنه اللي مخترع مبدا السلامه


............ و التعادل بالذهاب و بالاياب


يعتبر من بين من رافقه هامه


............( هامةُ لُفـّت لها كُلُ الِرقاب)


المصيبه يوم ابــــــدى ابتســــامه


............شفّـته ما تحسب لوضعه حساب


كنها ختم الدعايه في لثـــــامـــــه


............ اشتهر من عقبها ذاك النقاب


كـــل هذا توّ مـــــا فزّع حـــسامه


............ فزته ورتني العجب العجاب


قــلت هذه فزعـــته كيف انتقامـــه


............ ليت يفهم بالثواب و بالعقاب


أولا : اصبحت تايه في زحامـــــه
...........ثانيا : اصبح خفوقي به مذاب


ثالثا وهو الاهم: انهــــا كــــرامه


........... ما عرفت اذل من دون الصعاب


وان بغيت الحق ما بالوقت ..يامه


...........ضايعه بين الاقامه و الذهاب


وان بغيت الدرب ما فيه استقامه


...........عوّدت بين الحمامه و الغراب

نواف الدبل



صباح الخير





لاهنت طال عمرك


الله يعطيك العافيه




صح لساااااانك


تحياتي






::

ناصر النفيعي..

شرفني وجودك يالغالي..

الف شكر على التواصل..

لا هنت

ابو خالد,,


لا ماهو عادي شباب,,,


ليه قاطع؟؟



يا سلام عليك يا مبدع,,,


والله العظيم روعه هالقصيده,,,


سمعتها منك من قبل,,,

واكتشفت انها احلى بصوتك,,


صح بدنك,,



وتقبل تحياتي,,





اخوك بالحيل/
عبدالله

هذا نواف الدبل.......شاعر متفرد.....متميز ...له لغة خاصة يملك خيال واسع نواف الدبل لو تحول الى كاتب روائي لتربع على عرش ذلك الروايه!!

نواف احيان الشك لايكون مخرج وجالس يصور فلم رومنسي هذا الشعر ينقلك الى قلب الاحداث لتعيش معه اجواء القصيده بين الجد والهزل!!.....وربما لايعلم البعض ان قصائد نواف اغلبها يمكن ان يغني ولو تحول لكتابة الشعر الغنائي لقلب الطاوله في وجه الكثير.......هذا نواف الدبل رهااااااااااان كاسب.



اخوكم/عبدالله بن فلاح الهاجري

الله الله الله الله

..........







استعديت و تـــــــهــــيأت لمقامه


........... لين شفت اللي (يسيلُ لَهُ اللعاب)






...................





قد ما تدخل , تسرّب من مسامه


........... كن قلبه فيه عيب الانسياب









..................



يعتبر من بين من رافقه هامه


............( هامةُ لُفـّت لها كُلُ الِرقاب)








...................................




ياسلام عليك يبو خالد



سمعتها منّك وكانت روعه وقريتها واطلعت أروع


نواف الدبل
..... من الشعرا اللي اشفق لقصيدهم واحفضه









صح الله لسانك مليون....



......اوّل مستمعينك ..وجمهورك............سعد بن علوش

يا سلام يا نواف



قصيده في منتهى الجمال




والانسياب





وعادي شباب




تقبل تحياتي

ألأخ والشاعر الفذ ابو خالد نواف الدبل نعم هذا هو الدبل كما عهته شاعر ذو شجون انعزاليه عن كثير الشعرا} له اسلوبه المتميز


اشكر ك على هذه القصيده التي كبيرةً بمعانيها سلسه بمفرداتها لآيجد فيها القاري اي صعوبه



الف تحيه والف شكر





المسعودي

- الاخ نواف الدبل


ابو خالد صح السانك يالقرم علي هالجزاله والقصيد العذب الذى ليس مستغرباً على امثالك . بالتوفيق يا نواف والي الامام ان شاء الله




تقبل التقدير والاحترام

استعديت وتهيأت لمقامه ×××××××× لين شفت اللي يسيل اله اللعاب


أمش يابو خالد تعرفني اموت في الحركات البهلوانيه

ذات المعنيين فكاهي وعميق


ياسلام عليك يامتفرد في كل شي اسلوبه نفسه الشعري

احاسيسه .................الخ



اخوك /ضاوي العصيمي

ان كسبته استطعت اترك علامه
..........................وان خسرته اخسره "عادي شباب"



اخوي الغالي .... نواف بن خالد الدبل ..


ماشالله عليك .. ناجح فيها كلها ...

تبيني اعددها ؟؟

اجل اقرا:
مرجله
طيب
نخوه
شهامه
شجاعه
ابداع
شعر
تفرد
وسامه
طول
عرض
همه
مكانه
اعتزاز
.
.
.
.
.
.
.

.
.
.
.
.
.
.
.
.
.
.
.
.
.
.
.
.
.
اوه طلع الصبح وانا ماخلصت ؟؟

صـــــــــــــــــــــــــح لســـــــــــــــــــــــــانك


اخوك

اخوي نوااف


تقبلني بصدر رحب لأني محب لك


صراحه ماهي في مستوى قصايدك السابقه


اعذرني بس حبيت اصدقك يانواف وشكرا لك

عبدالله بن ذويبان..

الشاعر و النسان.. الرائع..


ابشر باللي يغثك..


وعلى فكره..

الثروات الثلاث.. صحيحه..

100%

وانا اشوف.. ان الشالشه.. هي الاولى بترتيبي..



اعذرني على القطاعه. و انت خير.. من يقدر..


الف شكر على تواجدك.. الرائع..

ابو خالد ......

شاعر رومنسي صاحب الخيال الواسع والاحساس المرهف والذوق الشعري الرهييييييييييب....

مبدع يابو خالد في كل حالاتك ..



بيض الله وجهك وصح لسانك يالغالي .....


تقبل تخيات واعجاب اخوك /// ابو مهدي

ابوخالد





صح لسانك دائما تأتي بقصائد محمله بكل عبق الزهور



ابوخالد لوسمحت:


الأ توافقني الرأي بان المنسحب ليس لديه من الوقت مايضيعه لقراءة شروط الأنسحاب؟؟!! وهل تتوقع من شخص اراد ان ينسحب انيتراجع احتجاجا على الشروط الموضوعه للأنسحاب؟؟؟!!!



انا لااعتقد ذلك يابوخالد


صح لسانك ملياااااااااااااااااااااااار

تقبل اعجابي وتحياتي