الحيه الرقطا

[poem=font=",5,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

المزنه الغرا تراقص رعودها=يسوقها غربيةٍ هب نودها

تلعب بقلبي لعبت الريح بالثرى=حاست مشاعر هاجسي من ركودها

اخيلها وانا بعيني من القذا=ما يعمي العالم ويدبل كبودها

يا بوبدر عندي لك الله سالفه =نبغا تزكيها ونبغا شهودها

يا ويش بنت وردوها من الضما=تروا ولا ضني يشرف ورودها

تقبل على المقفي وتقبل على الردا=تفهق مهبلها وتبعد حدودها

تتعب على بعض المواقف بفعلها=وتخلد بدارٍ ما يشرف خلودها

تاكل لحومٍ حرموها بشرعنا=تفرس حصانيها وتقهر فهودها

اذل منها في العلن ما تشوفها=واشجع من السرحان لا اشتد عودها

اكذب من الكذاب واغدر من الردي=واحكم من الحجاج ماشٍ يكودها

اروغ من الحصني على حد عرفها=الحيه الرقطا تبدل جلودها

سمٍ ذحاح ما تقدم على نقا=تبذل على شان المصايب جهودها

اذا نوت بالهينه ما يهمها=تحشد على شان البلاوي جنودها

تقبل على الجمع الغفير وتفرقه=وتبعد مساحتها وتثبت وجودها

هذي مزاياها وهذي علومها=دور واذا جاتك فلطم خدودها[/poem]

عبدالله

صح السانك ولاهنت

هذي والله البنت القشره عسا الله يبعدها عنا وعن المسلمين

لك تحياتي

تتعب على بعض المواقـف بفعلهـا
وتخلد بدارٍ مـا يشـرف خلودهـا


هلابك ياعبدالله ودائماً نصوصك كاسيها الجمال برمزيتها المحببه للمتلقي

تواصلك لانعدمه

الله يكفينا شرها
نص رائع ومتقن ورمزيته تشد الانتباه
لاعجمت ياعبدالله

اخوي ابو سعود

صح لسانك

واعتلا شانك

حضور رايع ومعبر

تقبل احترامي

ارررررررررررحب يابوسعود



وصح لسانك يالقرم



قصيدة شاعر مبدع ومتمكن



تقبل تقديري

هلا وغلا يابو سعود

وصح الله الساااانك وانا اخوك

درر درر عاداااااتك ماتجيب الا الدرر الثمينه

أَجْزَلْت الْنُّطْق فَلَاثلم لَك قَلَم وَدَام فِكْرِك

صَح لِسَانُك

مَدَد بَلَاعَدِد

تَقْدِيْرِي