العيد شوفتك ...!!

[align=center]السلام عليكم ورحمة الله وبركاته


كل عام وانتم بخير


ومن العايدين



لكم وبين ايديكم ...



صلوا على النبي[/align]



[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
ياللي قطعت الوصل وأبعدت لبعيد=متى على الله يسمحن لك ظروفك
عادتك والعاده لها معك تجديد=لأقبل علي العيد تعلن نكوفك
دايم تشح بشوفتك ياأتلع الجيد=وانا اتمنى لمس ناعم كفوفك
ياكثر ماتخلف معي فالمواعيد=وياكثر ماتحلف وأصدق حلوفك
على فراقك قمت أجر التناهيد=وانته على فرقاي تشهر سيوفك
أطلق سراح الوصل وش ينفع القيد=إليا متى حلمي يعانق طيوفك
تعال وأكد فرحتي فيك تأكيد=أبا اتمتع بالنظر في وصوفك
مافيه فرحه تشبه لفرحة العيد=ألا وربي فرحتي يوم اشوفك[/poem]

مافيه فرحه تشبه لفرحـة العيـد
ألا وربي فرحتـي يـوم اشوفـك




نايف المحينيش

صح السانك ابدعت
وكل عام وانت بخير وعيد سعسد

نايف

كل عام وانت بخير

صح السانك ولاهنت

شكرك على العيديه الرائعه

لك تحياتي

كل عام وانت بخير اخوي نااااايف



و صح السانك ولاهنت

كُلّ عام و انت واحبابك بـ خير ..

صَحّ كلّك

و زاد فرحة عيدك

بـ فرحتك بماتتمنى

.
.
.


تحياتي


وعميق تقديري

ارحب ياعبدالهادي


صح بدنك ولاهنت ياقلبي

وكل عام وانت بخير

دايم تشح بشوفتـك ياأتلـع الجيـد
وانا اتمنى لمـس ناعـم كفوفـك
:
:
هلابك يالمحينيش، تواصلك جميل وسوف نطلب منك التراجع عن هذه ِ الأمنيه

تقديري الشامل لك

أطلق سراح الوصل وش ينفع القيد
إلـــيـــا مـــتـــى حــلــمــي يــعــانـــق طــيــوفـــك

حظور كايف وجزل ونقي
من شاعر يتغنى بالمعاني الاسترتيجيه بعيدة المدى
لك مني مثل ماقدمت لنا في هذا الحظور الراقي
صح لسانك مدد يانايف

عليكم السلام ورحمة الله

واللهم صلي على محمد وعلى آله وصحبه وسلم

وكل عام وأنت بخير شاعرنا

وصح لسانك على هـ العذبه

تقديري’,,

عبدالهادي

كل عام وانت بخير ياقلب اخوك


صح بدنك ولاهنت


اسعدني هذا التواجد طال عمرك

يالله المستعان
مافيه فرحه تشبه لفرحـة العيـد
ألا وربي فرحتـي يـوم اشوفـك
لباقلبك مزيَن كلامك
في انتظار روائعك دائماً يانايف

الله الله يا نايف

وقصيدة نايفه بالجمال الحسي والمعنوي

كل عام وانت بالف خير يا نايف

حسن الوطري

صح بدنك ولاهنت يالامير


تواجدك اسعدني

رايد بن نملان


صح بدنك ولاهنت طال عمرك

الرمش السعودي


صح بدنك ولاهنتي


مودتي واحترامي طال عمرك


كل عام وانتي بخير