بيت القصيــد

أحبتي الغالين

السلام عليكم ورحمة الله وبركاته

لعيونكم الغالية
( بيت القصيـد )

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامتعب الشعار يابيت القصيد=لولا تعبهم فيك ماجالك طراه
كم لي وانا ادور على معنى جديد=ماكل من دور على الطيب لقاه
لو كل من يحذف حصاه يجيب صيد=ماكان نحتاج البنادق والرماه
ولو ينصرف في البنك شيك بلا رصيد=كلٍ طمع في الدر الأصلي وإشتراه
لعيون من يبحث عن الدر الفريد=هذي وصاه لمن يحفظون الوصاه
يمكن ليا نصبت موازين العبيد=ترجح بميزاني ويكتَب لي نجاه
ايامنا ماكلها فرحه وعيد=وإن عشت يومك ماضمنت اللي وراه
والرجل مهما عاش في الدنيا سعيد=لابد مايحتاج ربعه واقرباه
لاتقطع ارحامك ويشملك الوعيد=ولاتخسر الغالي ولاترخص غلاه
واخوك لا تخسره لو إنه عنيد=يخطي مية مره وتسمح له خطاه
وإن كان شد الحبل حاول ماتزيد=ارخيه قبل الشد يوصل منتهاه
ولا تنصحه وقت الزعل مايستفيد=واعرض عليه النصح في ساعة رضاه
وليا طلب رايك عطه رايٍ سديد=وإن ماطلبك الراي لاتبحث خفاه
واعرف ترى قرب المنازل مايفيد=واحيان يبدي شي ماودك تراه
لكن لاتقرب ولا تنزل بعيد=خلك على قول المثل حذفة حصاه
واحفظ حبال الود حفظك للوريد=اللي معلق فيه موتك والحياه
ترى الأخو مهما حصل يبقى عضيد=وترى عيال العم ماعنهم غناه
الناس دايم ماتهاب اللي وحيد=اللي ليامنه وقف محدٍ معاه
لو كان في الميقاف عزمه من حديد=لابد بعض احيان ينزل مستواه
وخذ الحذر لو كنت في قصرٍ مشيد=الذيب لولا فطنته كلٍ رماه
لاتامن الدنيا لها مكرٍ وكيد=يمكن تحدك صوب شخصٍ ماتباه
إليا رمتك بوجه شيطانٍ مريد=طاغي ومتمسك بقانون الطغاه
ثبت عليه شهود والخالق شهيد=لا تندفع للشر وتسوي كماه
وإتبع دروب الحق عنها لاتحيد=ويبين راعي العرف من راعي العياه
ولاتبدي اسرارك لزيد ولا عبيد=من يحسدون الرجل في زاده وماه
لاجوك قول الله يدبر مايريد=ولاتعرض الدعوة على غير القضاه
إلا على شيخٍ وله عقلٍ رشيد=وإلا على مطنوخ له منصب وجاه[/poem]

الله الله عليك اخي الكريم عبدالله الطلحي

صح الله اللساااانك من صنعاء لباب الشااااام

ابياااات رااااائعه وكلها درر منتقاااااه

صح اللسانك قصيده وافيه الله يسلمك

الله الله يابوناصر ما اجمل ماتكتب
صح لسانك على هذا المتصفح الغني بالشعر ياعبدالله

قرأت هنا ابداااااااع لا يكتبه
الا شاعر الحكمه

لله درك يا شاعر الابداع

اخوي الغالي عبدالله الطلحي


صح لسانك وبيض الله وجهك


حضور رايع وغير مستغرب

تقبل فائق احترامي

اخوي عبدالله الطلحي



صح لسانك لاهنت

متألق بيض الله وجهك

ايــامـــنـــا مــاكــلــهـــا فــــرحـــــه وعــــيـــــد
وإن عشـت يومـك ماضمنـت اللـي وراه

:
:

مرحبابك ياعبدالله ودام تواصلك وشعرك المحمل بالتجربه والحكمه والمنطق ..
تقديري وصح الله لسانك

ابو ناصر


والله مدري وش اقول


قصيدتك اشربها شرب


بدون مبالغه هالقصيده من أجمل ماكتب من الشعر

الله يوفقك دنيا وآخره

ابداع لامتناهي

لشاعر ينحت من صخر

صح لسانك وبيض الله وجهك على هذا الشعر اللذي اروى ذائقتنا

المتعطشه له

الله الله عليك اخي الكريم عبدالله الطلحي

صح الله اللساااانك من صنعاء لباب الشااااام

ابياااات رااااائعه وكلها درر منتقاااااه

شكراً لك يا رايد
سعيد جداً بتواصلك وكلماتك
صح بدنك ياغالي

القدير عبدالله الطلحي

الف صح الله لسانك

قصيدة حملت بحكم جليلة ومعاني نبيلة

الف لاهنت

صح اللسانك قصيده وافيه الله يسلمك

هلابك يامحمد
الله يوفق الجميع
لاهنت

واعـــرف تـــرى قـــرب الـمـنـازل مـايـفـيـد == واحــيــان يــبــدي شـــــي مـــــاودك تـــــراه
لـــكــــن لاتــــقــــرب ولا تــــنــــزل بــعـــيـــد == خلـك عـلـى قــول المـثـل حـذفـة حـصـاه



الله الله عليك


بيض الله وجهك

صح السانك


سجل اعجابي


تحياتي لك

ياسلام عليك يا عبدالله


صح السانك ولاهنت


قصيده رائعه من رائع

لك تحياتي

هلا وغلا بالغالي / حسن الوطري
سعيد جداً بحضورك وبكلماتك
شكراً لك