الإنتـــركونتننتـــال !

[align=center]
بالخير يالربع و الربعات










صلو على محمد





















حبيبتي .. تعرف أصول الأتيكيت

و ذربة فعل .. من مدرستها ليا البيت





في الصبح مشغوله معا طالبتها

و في الليل تسمع لي قصيده و كم بيت






و إتردد آخر قافيه في القصيده

يعني اذا هي ( ليت ) .. قالت معي ... ( أأأأيت )






و انا يا ليت إنّي معش لو دقايق

ما غير اشوفش بس .. و اتقول يا ليت






هيفا ً دلعها في إحكاها ... حياوي

إتروح و إذا جات قالت .... ( أنا يـيـت )







لبّا وانا اللي جيتها قلب شاعر

في الشعر قد له منبرِ ذايع الصيت







اتلا العهد فيها .. ولانيب ناسي

عند ( إبلهم ) .. في ( جيب ابوها ) .. يبا الفيت







مطنوخة ٍ ما همّها ... قول هامل

تبغا اترحب بي ليا ... مني الفيت







و تحلف علي قدام اجيها على أنهَا

إبتحجز في ( الإنتركونتننتال ) لي اسويت







و ان قلت لا .. قالت حرام و تراني

بزعل .. و انا اعيي / و عيّت / و عييّت







لكنّها قالت .. اذا ما اتوافق ؟

رح .. و اعتبرني عن مواصلك صديت







نيّافة المعتوق .. و أسمن دقيقه !!

تكتب على وجيه الجميلات ؟ ( delet )







و انا من اللهفّه صبور و نحاوي

و كبدي لها عام ٍ على نار كبريت







يسوقني قلبي عليها .. و اعوّد

اخاف من قولة تماديت و اخطيت







كّثر الوصل .. ما صاحبته السلامه

وجدي عليها كل ما اصبحت و امسيت






و البُعد كُثره .. ما يُسر الخواطر

و إيفتت إكبود المحبين تفتيت







الى لمحت اوصوفها في خيالي

و انا على جال العشا ؟ ما تعشيت






يضيق بي الدمام و اقوم ساري

و القاه مظلم كن ما به ولا َ ( لّيت ) !!






و اذا لمحت اعيونها في طريقي

افهق اشماغي فوق راسي .. و شلّيت






بيت ٍ على المنكوس ولا ّ الهجيني

و اتهل لي الابيات بيت ٍ ورى بيت






الصبر تاليّه فرج و الحقيقه

إنّي على كثر الصبر ما تقوّيت






جيتش عماوي قلب و الراس صامل

ما هوب ينفع قول .. ليته .. و يا ليت






ضايق .. و متعومس .. و اهوجس .. و مخنوق

اربع بها في غيبتش قد تحلّيت






الوصل ؟ زود ٍ في العًمر بين الأحباب

و البُعد ؟ يرّث في القلوب التناهيت

















وسوالم [/align]

الشاعر العذب شجاع السنحاني

صح الله لسانك واعتلا شانك

لاهنت


اتلا العهد فيها .. ولانيب ناسي

عند ( إبلهم ) .. في ( جيب ابوها ) .. يبا الفيت

شجاع مهما كان بين الخلايق
لا بد تلقا في حياتك تفاليت
اتوق لك واعشق قصيدك عشاقه
وان قلت لي كذاب جاك الدناميت
الي ما يكتب في قصيدك قصايد
ما هو بذاخر من قصيدة ولا بيت