رقمـــي على خبــــــــرك تــرى ماتغــــــــــير

رقمي على خبرك ترى ماتغير
تفقدي قلبك وتلقين رقمي
اسمي ورقمي في خفوقك مجير
الاانا كلي بقلبك وسمي
سمي على ياغايتي لاتطير
شوفيني اسكن فيك بلحمي ودمي
هي الظروف اللي مداها قصير
غبتي كذا فجأه بهماً وغمي
والاخفوقك في غيابه مخير
قساوته مثل الجبل مدلهمي
من غيرك وانا اعرفك ماتغير
حسبي عليه اللي بنا مستهمي
مدري ولكن والله انها تحير
غبتي بليا عذر وش جاك يمي
كل شي في ذا الكون يولد صغير
الاالحزن ياتي كبيراً ياعمي
واناحزين من فراقك مسير
حزنان ابيك انت المهم والاهمي
من يوم غبتي يالعنود المذير
وانا اشيل الهم همك وهمي
ياشبه خشفا"في الصياهد مطير
في ذمتك ماتلك الشوق يمي
انا دخيل عيونك انك تسير
اقلط هنا وابحر مع عروق دمي
عندك انا وانزل بصدري و تخير
وتلحفي بضلوع صدري وضمي
مشتاق لك شوق الرضيع الصغير
اللي ينادي بصوت الايتام امي
وحنيني اعظم لك من ام الحوير
اللي ولدها مات مابعد تمي
احن لك واشتاق لك يانوير
واقول ليتك في الملا بنت عمي
عرشك بقلبي وقلبي انسان خير
على الضلوع العوج لاتستهمي


كونوا بخـــــــــــــير احبائي


اخوكم

ملك الشموع

قصيده وافيه من شاعر جزل
صح لسانك ولاهنت يشرفني ان اكون
اول من يرد على الابيات الرائعه

تحياتي

فراج صح لسانك علي القصيده الجزله

قصيده وافيه من شاعر جزل
صح لسانك ولاهنت يشرفني ان اكون
اول من يرد على الابيات الرائعه

تحياتي

الاخ والشاعر سعد

تواجدك اسعد خاطري وملأ الصحراء عشبا

شكرا لنواجدك الفريد

كن بخير

اخوك

ملك الشموع

فراج صح لسانك علي القصيده الجزله

ناشر حبيبي صح ابدانك تواجدك اسعدني جداً





كن بخير



اخوك

ملك الشموع

كما عهدناك مبدع

صح الله لسانك وبيض الله وجهك

نص فاخر من شاعر متمكن


رائع وحضور جميل بكل التفاصيل

شرفني المرور


تقبل تحياتي

اخوك

ابونايف