ياسعد لو انك تدري عـن الغابـي

[align=center]السلام عليكم ورحمة الله وبركاته[/align]

[poem=font="Simplified Arabic,6,#000000,bold,normal" bkcolor="" bkimage="images/toolbox/backgrounds/4.gif" border="double,3,#475768" type=1 line=1 align=center use=ex num="0,#400000"]
ياسعد لو انك تدري عـن الغابـي = والظروف اللي حدتني على الغيبـه
ماهيـب لحيـة مشاريـه وعتابـي = الصحيب اللي ايتشره على صحيبه
الظروف أكبر من حقوق الاصحابي = والثقـة ماتقبـل الشـك والريبـه
كل ماجيـت اتعـذر عـن غيابـي = باغتتنـي شهـب الايـام بمصيبـه
شتتت الافكار وانهارت اعصابـي = واخلف الهقوات وقتٍ عوى ذيبـه
الظروف اتقول خلك على النابـي = والشقـا والهـم يرسـل مناديبـه
شاب منها راسي وشابت أشنابي = واظهرت في وسط راسي مية شيبه
سنتيبن وجرح الاحـزان ماطابـي = اتجـدد كـل عــامٍ مضاريـبـه
وصار قلبي من الصواديف مرتابي = لاتشافـا مـات خيـرة معازيـبـه
ولاله عن باب المقاديـر مجنابـي = وماكتب يخطيـه لايمكـن يصيبـه
ولاني مجبور في شرح الاسبابـي = لكن ابغا خير الاصحـاب يدريبـه
يعرف ان بعض المواقيف غصابي = يجبـر الرجـال ينسـى مواجيبـه
انحيـادي لابسلبـي ولا ايجـابـي = الهجوس اللـي توديـه وتجيـبـه
والختام بغالـي انـواع الاطيابـي = ينتهي مضمون هرجـي وترتيبـه [/poem]

محمد بن سيف الجروي

معاني رائعه رغم همس الألم ووجع

الذات صح الله لسانك شاعرنا 0

تقديري لك

[align=center]أخي محمد الجروي
لاقت لي هذي القصيدة صح الله لسانك لين ترصى
تقبل ودي[/align]