خـــذ يــانـــاصـــر الــنــفـيـعـــي 00 وخـــذ يــاخـــوي الــمـــطــالـــيـــق !؟!

صلو على النبي


بارق الغربي سرى ليله على صدر الغمامه00000لين صبت كبدها وبل الخريف المستهلي

بعد مااسنت علها الله رحمة منه وعظامه 00000 ربعت ريضانها والقاع تاخذ ماتخلي

قل لعود الراك لايزعل ليا مالت بشامه00000 من هبوب تنثني منها غصون ما انثنلي

والتسامح والتساهل والتشدد والصرامه00000 فالتعامل واجبه والكفو بالطيب امتحلي

وراعي الهيلا ليا واجهته فقله سلامه 00000 وصل ابن حمري علي فالعنثري فاالوادي اللي

عزه الله بالرجال اللي يعدون الملامه00000 في عجب من مثلك وشرواك يالقصر المعلي

ياعتيبه ما على من قال كلمة حق(ثامه)00000والله انكم فرحة المظيوم يوم يصيح من لي

يامتعبة الحريب ويامشايخة الجهامه 00000 ويامورثة السعوط ويا معدلة الخملي

ديرت تاطونها ماينذكر فيها سحامه 00000 يا منفجة الذياب ويامعيفين المولي

وياقويين العزوم ويامعينين المظامه 00000وارثين العز يوم اللاش من ورثه يذلي

جمليني يايميني واعصبيني ياعمامه 00000ولع الطاروق ياهجسي ةألا يانفس هلي

هلي النادر من المعنى وانا عندي وسامه00000صاحب لاطولت غيبات صاحبه استملي

يانفيعي حبكتك للقاف جور من غشامه 00000والغشيم اللي تغيشم حاجة ماتستقلي

ياصديق النازف الابيض وعشقه واهتمامه00000ياقلم واحلولها بيديك لوهي ماتحلي

ياولد ماهيب لابيعه ولافيها سوامه 00000ماتقول الا الحقيقه صح يالطرق المخلي

والرجل لاصار واثق ماعليه من الجلامه00000وحوثة من عيبها لاهي تكل ولا تملي

الرفيق اوفي احقوقه ولايقصر مقامه 00000 والردي لابوه لابو مجلس وسطه يزلي

وعندنا ثور ليا من هاج ثنينا خزامه00000 ثورنا اللي في بلاد البدو عيا لايحلي

قلعته ماهو (بيؤسفنا)ولافقده ندامه00000طاح عاصي والدينه في يد اللي مايصلي

الله اللي عزني ايلين ماشفت انهزامه00000لعن ابوها شجرة مافرعت غصن مضلي

وقعنا مشهود من قبل الخلافه والامامه00000عارفين البندق اللي تنترك واللي تشلي

ان نشدتو فالوطن حنا جبال في تهامه00000وان بغيتوها حظاره واصلين (البيكدلي)

يافريد الحسن يلي حدر جمرة فمك شامه00000شوم عن خطوى الهبيل اللي من العقل امتخلي

واحد مايدحم الميقاف لازاد ازدحامه 00000ويش ابيبه جعل من جابه وربعه فدوتنلي

انت شوق لاحمر العينين رافع كل هامه00000خوته تشرى ومجلاسه ومعماله يسلي

اعرف الرجال من عزوته ولا من زهامه00000لااعتزى بالعزوه اللي تقطع احبال المدلي

وانت ياممرور يلي تدعي علم وفهامه00000ياعدو المرجله منت بمخال يستخلي

والله اني لاكتمت الورع طولت انكتامه00000 هيه ياهاتف بلا صفرين دولي ومحلي

قرب الاكفان والقبر انحفر تسعين قامه00000والزمن ماحدني ولا مشى جنبي رضى لي

حب ذولا الناس ماجابه حلال ولا وسامه00000ولاقصور الا قصور العز تبنى من مهلي

الله العالم وهي تحتاج تثبيت وقرامه00000 قمة ترقى لها طيار لاتنزل مظلي

قلت يمكن تعكس الايام وضعك ياهلامه00000 والاانا بيدي احلك ساع يارمان بلي

جرطاريك النفيعي والجمل قدنا خطامه00000لين صبحنا بلاد الطيط وامسينا ترللي





***********************************************


اسمع ياظافر00

ياكيس وراد الهوى المصرور00000بشاورك يومك تحب الشور

واعلمك عن حاجة في خاطري 000000يعجز بها البيطار والدكتور

والنفس بلي قدمها واخلافها000000تدري بحاجتها وتلعب دور

يارب ساعدني وجمل ماقفي000000 وانك تجنبني قرون الثور

وتعيني وتسرني وتعزني 000000يضحك حجاج وينجبر مكسور

يلي تدور للتحوف النادره000000اهل المرايا تعرف البلور

وانا مااقودها بليا يمه000000ولاجيت ابستر واكشف المستور

ان حدني وقتي وبارت حجته000000اقدم بها ولا تروح ادبور

واحمل ثقايلها علي واخفافها000000الميسر اللي ما امهل المعسور

صبرعلى الدنيا لاجات الشده 000000 مايعذر الا عاجز معذور

ياقلب وانت البوصله والوجهه000000وانت القريب الصابر المخبور

فسر وترجم نبضتك يافاهم 000000 والبس بدن عجز البيوت اصدور

لعل يقراها الرفيق الوافي000000درعي من الهجلا لراس ابكور

من شجرة ضلل خضرها الطارف000000وريف على الداني وجني اثمور

حماية الحدان زبن الخايف000000شرابة الدم وضراب انمور

اذا التفت وجه لوجه غاضب000000تقصر شبور وتستطيل اشبور

واذا عطت من حقها لعضودها000000 مدت دبلها والثري والفور

من بينهم ناد المسمى ظافر000000سمي ظافر الاعوري المشهور

حفيد راس القوم ومعزبها 000000ضيف المنايا لايح مسبور

براق ليل زف ربي نوه 000000 تمطر يمينه والفعول انهور

سالت بوقعاته وحن ارعوده000000 كم قاع اجدب عقّبه ممطور

سلم على الغالي بصوت عالي000000راعي الدلال ومجلس مجمور

نسل الكريم الطيب المترفع000000ابوهلا يوم الزمان اثبور

الشاعر الفنان صاحب صنعه000000راعي الشقاق الممتلي المدهور

بيته لعطران الشوارب وقفه000000 ولاتروح من الشباع اظمور

قل ياسنايد واحدماعلته000000 غير الهبيل وراعي الزمور

زول لسانه مايوقف لغطه000000 راعي القفاء النمام طرش بحور

ماهوبيحكمها ولاتنحكم له000000 بنت الرجال ومعتلين الكور

الله يعز ابا الخلا ببطاقته000000 ويوم اقطعوله رخصه وبسبور

مهجن الافكار والمستضعف 000000 الفاهي المملوه والممرور

المنتهي والملتهي بعلوم 000000يفرح عليها اللاش والطرطور

علم قليل الرشد وابلا حنكه000000 ان النقط توقيف والا عبور

وان الصروف تذكرك ياناسي 000000سلم الرجال وقوله المآثور

السن بالسن وقصاص عادل 000000والحق تقطع بندقه وتثور

والراشدين اعقولهم موزونه000000ولا استوت فوق السمان جبور

وان ضيقت مصر على المتنبي 000000كله لاجل عين الملك كافور

غرد بغير ارض الكنانه حتى000000صار القصيد المنهي المامور

هذا مثل ضربه مثال واقع 000000متشابهه مثل الورود زهور

ربي عطاني من زماني ثروه000000علم القبايل والعرب والدور

ونطق الرجال اتبين المتخفي00000تلقى المعادن صلب من مصهور

واميز الافعال واعرف قسمي 000000ومابين ربعي كابر ومكبور

مارحت اخاتلها ولاهي عاره 000000والسور وان طال وقصر مطمور

والله لونبغى تدق وتردع 000000 ماكان حرف الجر له مجرور

لكني اتساميت واجنبت عنها 000000وعن خبث فكرة راسها المخمور

ضربه تصحيها وضربه تروعها000000ايلين تضهر من عصا مشقور

كم لمة تخالفت من وقعي 0000000تشتت الحزب وقضى الطابور

بيدي مفاتيح الغلوق السبعه00000وعندي من المسموح والمحظور

ماحركه قلبي وطاوعه اصبعي000000وقال اللسان الهاجس المنثور

حتى نثر ماكن ولا ماخفى 000000 واصبح لزفرات الوجع جمهور




















[تم تعديل الموضوع من قبل علي بن حمري بتاريخ 12-02-2001 الساعة 05:06 AM]

اخي واستاذي الشاعر علي بن حمر ي



بيض الله وجهك



وما قصرت

تقبل

تحياتي


اخو محمد الحبابي

((((أبومطرف))))

راية الشعر علي بن حمري الحبابي



كفيت ووفيت طال عمرك


ووجهك ابيض


الله يعطيك العافيه


لاعد متك


تسلم



تحياتي

اررررررررررحب اررررررررررحب ..


على بن حمري شاعر ومدرسه اعشق الدراسه والتجول في كل فصولها بدون كلل او ملل ..

بيض الله وجهك وسلمت يمناك ..

اشهد بالله انك امتعتنا بهذه الرائعه واصبة الهدف بدرجة امتياز ..


مبدع في كل حالاتك والربع اللي نصيتهم القصيدكفووووووا ويستاهلون ..

تقبل تحيات اخوك الصغير /// ابو مهدي

الاخ الشاعر/ علي بن حمري

هكذا الشعر والا فلا

صح لسانك

وسلم جنانك

والله يعطيك العافيه ياشاعرنا

لك تحياتي

علي بن حمري

مرحباتراحيب المطر مرحبا ماهبت الصبا وماقيل مرحبا

لله درك واناخوك قصيد يليق بك يامبدع

تقبل خالص الجب والتقدير....................((((لاعدمتك))))





..........................................خالد العتيبي

ابو فوااااااااز






صح لسانك والله على الثنتين



ولاعليك زود فالاوله



والله لايهينك




دايم جزل






اخوك اللي تحبه في الله

[وسميّه]

رااااااااية الشـــــــعر



00000000000000000000بــــن حـمــــرى



نعـشــــــق كل ما تكـتـــب



راااااائع فى كل حاااالاااتك



لالالالانرتوى ابدااا مهما نقرا لك



فقد جفت ذوائقناا الشعرية



وهى تنتظر مبدع مثلك




صــــح السـاااانك

رايه الشعر ........ ابو فواز ...

افضل شاعر اقرا له ...

انت فوق مدحي ...
ماجيت الا اسجل متابعتي لك ...

وجعلني ما افقد زولك ...



تقبل صادق احترامي ....


اخوك:
عايض راشد

بن حمري

بيض الله وجهك


شاعر بما تعنيه الكلمه
وفيت وكفيت يابحر المعاني

اخوك ابو منذر

ابن حمري ....


سلمت للشعر رايه ...وللحرف خزامه ... وللحرب وسامه ..



تقبل أعذب التحايا ..



أخوك / عبدالله بن زنان ،،





والله يديمك يامطر...

ارحبو ياغلاه000


ابومطرف لاهنت يارفيقي وجمل الله حالك








ا س ل م و س ل م

على بن حمري,,,,






صح الله لسانك مليوووووون





وانت تعرف رأييء


فيك كشاااااااعر








وتعرف مقدار ما اكنه لك من محبه





دمت وسلمت





لا اخلا ولا اعدم طلتك




اخوك وتلميذك/
عبدالله ذويبان

الاخ الشاعر الفذ/ علي بن حمري

صح لسانك علي القصيده العصماء
وماعليك زود.... وانتم هل الطولات والبطولات
كنت محظوظ بدخولي على صفحتك خصوصا ان لي فتره غايب
ابهجت صدري وانا في عمان

وتقبل تحياتي

اخوك/ حسين العتيبي

الغالي على


كملت وجمّلت يالقرم



وصح السانك ولاعليكم زود يالمناعير



وانت غني عن الاطراء لانك شاعر متمكن اذا حضرت حضر الابداع