Tweet
السلام عليكم
____________
[poet font="Simplified Arabic,14,black,normal,normal" bkcolor="" bkimage="" border="double,2,purple" type=0 line=200% align=center use=sp char="" num="0,black"]
جنت جنون الظلام ومد لي حبلــه= وتواردن الهجوس الداله السالي
تراكبت وا رتكبها ماتركــب لــــه= تجمعت مثل بركان الصلا الصالي
نزعة خيال الغرام اللي تحبب له=اسريبها لاتعاظم ضيقة البالي
على طويل الحجا الشاهق يناسب له=هامات شم الجبال المرقب العالي
ارتاح مع مسهبات النود واطرب له=لاقام بركونها يرقا ويجــتالـــي
اسج واناجي الناموس واندب له=واجمع شتات الهجوس اللي تورالي
من لارقب للطويله ماتراقب له=ومن لايعرف الجواهر يجهل الغالي
اللي حسب معضلات الوقت يحسب له=يحشم ويكرم جنابه ريف وظلالي
برق الحيا شرق واللا النو من قبله=ترزم رعوده وبرقه يشعل اشعالي
ربانها والجبال السود مع وبله=في مد لهم النصوب اتهيل واهتالي
ماينبت الشيح والحوذان والربله=سيله يشيل الوطا للقاع زلزالي
الجادل اللي بها العشاق منهبله=اميرة الكاسيات ام التعزالي
مزوية الخصر يشبه لفة الطبله=عديمة الوصف بين العم والخالي
ليلن غشا صبحها جمر الغضى سبله=على اتلع الجيد ماغطاه بالشالي
الموت بعيونها الخدرات والذبله=لادق خلخالها يرخص لها المالي
ياكثر عشاقها واللي توجب له=تغنيه لو مامعه دينار وريالي
اليا حيا عزته ون مات يكتب له=صحيفته والبشر تجزا بالاعمالي
واللي هقا اذلالهاانجوم السماء اقرب له=الا بعلمن تنومس فيه الا فعالي
فرز الوغى والمهند يرشد الابله=يصحى من الغطرسه ويعلم التالي
من لاتطبب بعدوانه تطبب له=يجرع من الغبن سم ابمشرب الحالي
المعتصم بالاله النصر يكتب له=والذل ماسطره تاريخ الاجيالي
[/poet]
تعليق