يا هلايا؟؟؟؟؟؟

[هب الريح]

اهداء للجميع.....


هلا بك يا النداوي من خفوقن ظامين والهان
عدد ما لاح برّاق الحيا؟؟جيت املك السّاحه
ما هوب قصور في بعض العرب وفلان والاّ فلان
أبد والله ولكن الشعر..كم شلت مفتاحه

تحياتي

تـــــــــرى بيتينك اللي جبتها ما تروي العطشان



--------------- لها وجــــهٍ ضحوك وغايةٍ ما هيب مرتاحه



خطــا واصل الخطا عـــم الغلــط وبناخي الشيطان


--------------- ترد الرد ولا ما تـــــرده واعشق الراحه

[هب الريح]

مساء الخيروحياك الله




أنا يا(ظل)حرن واحتمي من حومة العقبان
****************وترى وجه الغلط درب الردىلا كثرت اشباحه
قم انهج واسرج خيول الشعردامي بعد طربان
****************أبا ادرهم ذلولي..دام خرجي ينشد سلاحه؟؟


تحياتي
يا ظل شكرا ولكن
المره الجايه...سلم رحب هل؟؟؟؟
ok
مره اخرى الف شكر

يااااااااااااامساء الفل والريحان



اســــلم كيف اسلم وانت ما ســلمت يا بركان


------------- لقيتك عاصـفه هوجاااا تحسب الناس تفاحه


ترحـــب وانت ضـيف وتعـرف العادات يا فهمان


------------- كــــذا سلم العرب ياللي تحٍٍب الشعر مسباحه

[هب الريح]

هلا وغلا والله




يقولون العرب:ضيفك تراه معّزب الضيفان

********************وانا يا(ظل)ظيفن كم لبست الطيّب بوشاحه

يميني ألجمت شعر التفاهه وانشد.........

********************أبي شرواك لا شاف الصّقر لا يكسر جناحه


تحياتي لك اخوي ظل

ولكل من يقراء الآن

[كحيلان]

بدون مقدمات
لزوم ابرقعك ياوجه ابن فهره وانا كحيلان
======ابي وجهن تغسله بالمرق ماتاقف جراحه
عليك الله ترى حزات هب الريح به نقصان
======الا وش عاد لاهبت رعدها يلج بصياحه

[هب الريح]

هلا بيك.. يا كحيلان



هلاو غلا اخوي كحيلان؟؟
حنّا اهل المقدمات إذا ماهي عندك وانا اخوك وهلا بيك مره ثانيه


كحيلان؟؟؟؟

ما بين اثنين ما يدخل سوى اللّي تايهن خسران

00000000000000000000 يمومه ما جنت غير الخساير هذي ارباحه

أنا الشاعر إلى منّه بغى يلجم هل الميدان

00000000000000000000 وش كحيلان؟؟دامه لا لفينا تسمع نياحه

تحياتي/

[كحيلان]

بدون مقدمات
انا لانيب لامشكل ولاني ياللذي خسران
========انا فالح ابن صقر الردي ماطا على مراحه
اعرف الخيط والمخيط ولااجازي الوفاحقران
===========عريب الخال ماحب الظلام ولغوة اشباحه
كل عام واهل المنتدى بخير وعافيه

[هب الريح]

هلا وغلا....يافالح ابن صقر.....


مره اخري يا هلا وحياك الله



ترى قولة (انا)ما هيب سلمن لا اشجع العربان

00000000000000تبصّر ياولد..في حملتن جتنا من الباحه

تريّض لا تجيني مندفع...ما عندنا رمّان؟؟؟؟

00000000000000على الطايف توّجه.والشّعر لا يكثر مزاحه




بعدين وانا اخوك كررت قافيتي:خسران....واشباحه....

وهلا والله وغلا فيك عدد ما مشيت....

[كحيلان]

بدون مقدمات
انا وان قلت انا ماقلتها لك خاطري شفقان
============تجي وتروح وتوقف وتقعد كثر الراحه
شبعنا من تصاريف الزمان ونزقة الورعان
=======ترى ريش الوشق للطير مثل ماتقول ملواحه
وعلى فكره القافيه بيني وبينك مالي شغل بقافية الغير وردك عليها
اتمنى يكون التركيز على الابيات اكثر
وكل عام وانت بخير
تحيات كحيلان

[تم تعديل الموضوع من قبل كحيلان بتاريخ 12-25-2000 الساعة 01:00 PM]

[هب الريح]

هلا والله ومرحبا


حياك الله.....
اخي العزيز....

......... الشطر الثاني من البيت الثاني مكسور؟؟؟؟؟
ولهذا لا استطيع الردعلىهذا النوع من الشعر؟؟ ان كان هو شعر؟؟تحياتي وحياك الله

[كحيلان]

عزيزي
ليس هكذا تورد الابل ياهب الريح
قد اكون مخطئا في محاورتك ولكن لست اهل ولا كفو بان تنقد ابياتي
المحاوره كر وفر ولكن من يفر لايبحث عن عذر حين يكون المفر حتميا

تمعن تمحص استفد ولكن لاتدع الغرور ياخذك لابعد من واقعك
ركز في توقيعي اقراءه جيدا وافهم مغزاه

[هب الريح]

هلا غلا........



هلا حبيبي.....الصدق جادة الصواب...

وليس عيبا انّ ما تكتبه يكون مكسورا ولكن الخطاء ان تقول::
انني لا اخطىء..........

ثم لا انسى ان اقول لك...

ان الشطر الأول من البيت الاول مكسور ولا اعلم متى قمت بتعديله

المهم...النقد دئما مؤلم..... والذي لا يخطىْ لا يصيب


تحياتي الخالصه....

الا يا ربعنا لا تعتزون وتفزع الفرقان
ترا بعض السوالف ما لها داعي على الساحه
نبيها سالفه حلوه وضحكه في شفا ولهان
بعد ما شاف خله يبتسمله هلت افراحه

[هب الريح]

هلا بيك يا المرزوق......



المرزوق اسعد الله مساك.....

ذلولي ...درهمي يم السنّافي ما نبي بهتان؟؟؟


0000000000000عطي (المرزوق )حقّه كاملن .وافيّه برجاحه

يهل العيد وعيون العرب تركض ورا القيفان


00000000000000يحسبون السّنع في لجلجة طيرن وملواحه؟؟


وهذا اللي دامرن الشعر يا اخوي المرزوق .. تحياتي...حبيبي