عناد ومات مايرجع ولو يبكي عليه اخيه

[c]



نعس جفن العروس الفاتن بليل غفى تاليه
تغطت بالامان الحاف ، جاوبته وجاوبني


حريري ملمسه ناعم ، غشى ثغر الحسن والتيه
زهى يوم إنطقـت ! غرور مامن بنت تعجبني !!!



غرور وغير ياجــــده ! وغير الليل ياساريه !!
رسمت بخـدك الوردي هواجيس (ن) تكالبني



بدايتها نهايتها ذكاء (ماجد) وفن (بليه) !!!
هدف مزق شباك الذكريات اللي تعاتبني


بعد جز الندم عشب الامال ويبست بطاريه
سريت النور يرفضني!! ظــلام الليل يرهبني


انا انسان وكتاب احزان عمره (وهم) في كفيه
صفقها حسره الحظ الردئ يهدم ولا يبني


كذا حظي ردي مافي يديني شئ اسويه
اصارع فالحياه الشاحبه والوقت شيبني



على رحلة وهم والآ م مــكــتــوبه حجزت اوكيه
جوازي دبلوماسي فالحزن والتذكره غبني


قدم رجلي وطت جمرة افراق القلب من غاليه
نسيم الشوق همساته، ونسماته تداعبني


يقولون البحر همك عليه ليا كبر ترميه !!!
يذوب بموج مده ملح حزن سنين ذوبني



ابا اجلس وأتامل واترك همومي على شاطئه
على سجاد ه الرملي ، نقوش السحر تنهبني


قدحت بزند حرفي لين ولع قافي اغنيه
وانا قافي لياغنيت بالطاروق يعجبني


(وسبحة) عمري ادرج في خرزها ايامه الياليه
بجيد سنين عمري وابعد شويه تقربني



ذهول امر قبر عناد وباعلى صوتي اناديه!!
ياخوي عناد توحيني !! صدى صوتي يجاوبني

عناد ومات مايرجع ولو يبكي عليه اخيه!!
يرد ادري عناد ومات (لقبره)ويش جايبني !!



ذكرت الشايب الستيني اللي ضمني بيديه
وقال اصبر وتفرج هـــكذا دنياك يابني !!!




فؤادي ماحواه ومااحتوى ياصاحبي يكفيه
انا يكفيني النوماس يوم انك مصاحبني



تخثر دم وصل بعرق (بعُد) قلوبنا تحويه
وتقول اذاننا لحن اغنيات البعد تطربني


غدر صاحب يبيع الصاحب الوافي ولا يشريه
كفايه ليه ياقلبي على لا شئ متعبني !!!



اموت ولا تغير كلمتي( لا) ثابته او ايه !!
اذا تمثل قناعه ماتخسرني تكسبني



يهب الريح ، ضلع طويق مهما هب ماثّر فيه
اذا مااثبت سوات طويق مهما صار حاسبني




زماني سهل ترسم خط كنتوري على خديه
تضاريسه تجاعيده ، بحبر الام تكتبني



ماترسم ريشة الفنان غير احساس يعانيه
حسافه يازمن ياكثر مااقول وتكذبني




يا كم دمعة يتيم ترسم الاحزان في عينيه !!
لها عشرين معنى ، صادق احساسي يعذبني



فقد دفء وحنان ا م حنونه / حسرتي عليه
انا ياخوفي ان الحسره من العقل تسلبني



وكم طفل مشرد مالقى فالكون من يحميه!!
شكى برد الشتاء القارس وانا الدمعات تقضبني


وكم احياء فقيره تشكي من الجوع وتقاسيه
دخيلك ياضميري كل ساعه لا تأنبني !!


وكم فالكون من مترف وغارق والترف ملهيه
اذا يشكي يقول القصر ضيّق مايناسبني



وفجاءه هزني صوت الاذان الفجر يامصليه!!
اثر موج البحر فيما مضى من حزن شاربني


نهضت اقول مايحوي فؤادي من حزن يكفيه
كفى ياقلب لا تنقل مايرضيني مايغضبني



بدت شمس وبقى حزن امس فضلوعي دبل ضعفيه
شبعت طعون وجروح تشرقبي تغربني


على الله ربنا جـــل جلا له همنا نشــــــــكـــــــيه
الا ياالله انا عبــد ك عــذاب النـــــــار جنبني


مع اطيب تـحيه :

الــــــــنـــــفــــيعـــــي nbn104@hotmail.com



[/c]

النفيعي


صح السانك


قصيده جميله ورائعه


والله لا يهينك


تقبل فائق الاحترام

أخيك شبيب العجمي

صح لسانك يا ناصر

وسلمت يديك على هالقصيده

قصيده ممتازه من شاعر رائع لا عدمتك


ولكن وانا اخوك ما تشوف انك بالغت بالحزن اشوي


لكن .... النار ما تحرق الا رجل واطيها



الله يفرجها وانا اخوك


اسلم وسلم


اخوك


محمد الشمراني

الاخ الشاعر : ناصر النفيعى

الله يسعد اوقاتك بكل خير


فعلا اعجبتنى هذى القصيده الرائعه

صح لسانك وسجل متابعتى لما تنشر من القصيد


مع تحيات فهد رفاعى

ياشبيب العجمي

صح بدنك الله يعافيك

افتخر بردك

تحياتي لك

هلا وغلا اخوي / محمد الشمراني

مساء الانوار

الا انت من بالغ بمدحه ووصفه وطوقتني بما قد لا استحق

شكرا لكرمك الحاتمي

ايها الكريم النبيل


هم قالوا ارم همك فالبحر وانا كل بل بعض ماكان فيه رماه عليه شسوي !


وفجاءه هزني صوت الاذان الفجر يامصليه!!
اثر موج البحر فيما مضى من حزن شاربني

واذان الفجر الفيصل

ماترى باس فيمن تحب

يالغالي

تحياتي

بل انت الرايع يافهد

افتخر بمتابعتك وتشرفني وتزيدني رفعه

لا هنت يالغالي

مع اطيب التحايا

مساااااك الله بالخير اخوي الشااااااعر العذب ناصر النفيعي ..

قصيدك داائما هكذا مبدع كلمه ومضمووون صح الساااانك اخوي


ولا هنت على هذا القصيد الطيب لاهنت


تقبل أصدق تحياتي لك أختك


أمســـــــــــــــــيه

مساء الخير أمسيه

اشكر لك ردك الجميل وحضورك الاجمل

سعدت بردك واسعدني حرفك

تحياتي اليك

الله الله

ما خاب الظن بشاعريتك انشهد


قصيده طاغيه ومعبره حتى انتقائك لجرسها فيه نوع من اظهار زفره حسره وقناعه لكن باعتداد


الشاعر ناصر النفيعى سجل شعرى حافل

اجمل مايميزه حينما يكتب القصيده لا يتذكر ويستوحى انتاج الاخرين

يقف بقلمه وبوحه شاعر متمكن لذلك له بصمه تخص اسلوبه فقط

صح لسانك ولا عدمنا هذا الابداع

ذكرت الشايب الستيني اللي ضمني بيديه
وقال اصبر وتفرج هـــكذا دنياك يابني !!!




فؤادي ماحواه ومااحتوى ياصاحبي يكفيه
انا يكفيني النوماس يوم انك مصاحبني

[شموخ]

الشاعر / ناصر النفيعي

قصيدة تشدك من اول بيت الى اخر بيت

ابداع لا ينتهي

حزن وروعه سبك وحبك واختيار

لك شديد اعجابي

الله.....

؟


؟



؟





خالد

الله يرحمه



ناصر النفيعي,

قصيده أعتبرها أجمل ما قرأت لك ولقد أوصلت فيها فيض من المشاعر الرائعه


صح لسانك ولا هنت




اخوك,

الوافيه دائما

سحايب الا بداع

الشاعره / سحايب فيصل

لخاب ظنك بالرفيق الموالي...... مالك مشاريه على نايد الناس

بل الغارق في بحر الجمال ردك وقلمك الشامخ

من كرمك البستيني وشاح غيري

شكرا على كرمك

تحيتي وسلامي

دام شموخك اختي شموخ

لك التحيه

والتقدير