وين انت يا مجعد

ابو متعب صباح الخير


استلم طال عمرك



الليل طرف يامجعد والعلوم العلوم \\\\ الاولى الاولى ياصاحبي هاتها


ما عاد فيها صبر لو قلت قلبك كتوم \\\ والناس تعرف ترا دايم بفزعاتها

هلا ومسهلا يابو عبد الله....... وستلم لاهنت




[poet font="Simplified Arabic,14,crimson,normal,normal" bkcolor="" bkimage="" border="double,4,seagreen" type=0 line=200% align=center use=sp char="" num="0,black"]
الليل طرف ونور الصبح فوق الرجوم= يابو عبيد ترى الدنيا ملذاتها
انا معك وانت تامر ياخوي القروم= صحيح ماقلت والنفعه بحزاتها
[/poet]

ياسلام يابو متعب


استلم لاهنت


شقران ماعاد له بالجو يالقرم حوم \\\ الله واكبر على الدنيا وصكاتها


من عقب ما ننقله بالكف في كل يوم \\\ ما باقي الا سبوقه في مطواتها

[poet font="Simplified Arabic,14,crimson,normal,normal" bkcolor="" bkimage="" border="double,4,seagreen" type=0 line=200% align=center use=sp char="" num="0,black"]
ياما نصحناك وانته لو تبيعه تسوم= ماتقتنع ياحسن لو شفت ميلاتها
خل اشقر الريش يكفخ مع طيورٍ تحوم= ترى الحساني تكفر عنك سياتها
[/poet]

استلم يابو متعب


النصح خله ترا يقنع ردي العزوم \\\ نفسي على الطايله يابعد شوحاتها


من جرب الظل مايبقا شموس وسموم \\\ تقولها يوم ما جربت لذاتها

اليوم انت صعب لكن نبي نحاول مجاراتك قدر المستطاع ..
وستلم

[poet font="Simplified Arabic,14,crimson,normal,normal" bkcolor="" bkimage="" border="double,4,seagreen" type=0 line=200% align=center use=sp char="" num="0,black"]
عزمك قوي مير ماتقدر تطول النجوم= اترك نجوم السما وترك مجراتها
الناس تمشي على وضح النقا بالسلوم= وانته تبيها على كيفك بغراتها
[/poet]

الوطري وابو متعب صحت السنتكم00 شعاار وجزلين لاعدمتكم

وبااااااابعد مرماكم وياقررربه 00

حسن مالي مجنااب عن صفك انت راعي الاوله 00 ولاتطيع نصيحة احد الدرب ابو فايده عط معه

واخووك معك

متابعينكم وتستحقوون المتابعه

هلا وغلا في ابو عبيد


عسا الله يخليك لي

خابرك مانت مخلي اخوك


لاتوصي حريص الدرب ماعنه مجناب


استلم يابو متعب

مادام فكري معي والجفن ما فيه نوم \\\\ نفسي ماترتاح لين اتنال غاياتها

الوسم وسمي عليها بد كل الوسوم \\\\ السلم ما نجهله والناس من ذاتها

الله الله



حسن الوطري تراي ماسك صفك ولا يهون اخوي ابو متعب



الله الله



فهد الوايلي

مر حبا مرحبا
بالاخوان الكرام عكاشه فهد الوايلي
تشرف هذا الطاروق بمرور الغالين
لاهنتو لاهنتو ..

هلا بخوي حسن
تراني صافطلك طعني يابو عبيد
استلم لاهنت.......



[poet font="Simplified Arabic,14,crimson,normal,normal" bkcolor="" bkimage="" border="double,5,seagreen" type=0 line=200% align=center use=sp char="" num="0,black"]
الضاهر انه لبسك العلم لبس الهدوم= تمشي ورا الحيه اللي كثرو امواتها
البرق يبرق وزلزال الرعد بالغيوم= والناس ترفع على العدوان راياتها

[/poet]

هلا وغلا في فهد الوايلي


الله لايهينك خلك بجنب عكاشه ترا اذا شفتكم بلصف زان اللعب


استلم يابو متعب


نب ننحرف وانتبه خلك دفاع وهجوم \\\ حنا لقينا المراضى في مصحاتها


الغطرسه والطلاسم يارجل ما تدوم \\\ الكتب عندي وحافظ لك ملفاتها

[poet font="Simplified Arabic,14,crimson,normal,normal" bkcolor="" bkimage="" border="double,5,seagreen" type=0 line=200% align=center use=sp char="" num="0,black"]
مالك ومال المشاكل يابحر لاتزوم = مانته وكيلٍ على العالم وزلاتها
الدايم الله وغيره كل شي معدوم= خل المصاخين تكمل باقي اوقاتها
[/poet]

ياسلام يابو متعب

استلم لا عدمتك



لاصار ماهو مع السباح يقدر يعوم \\\ يرتاح في جالها لا يطب غباتها


الطيبه قسمنا والبايته للرخوم \\\\ والغيض بين لوانه طول اسكاتها

ابوعبد الله السموحه عن التاخير والظروف انت عارفها يسنايدي...... وستلم



[poet font="Simplified Arabic,14,crimson,normal,normal" bkcolor="" bkimage="" border="inset,5,seagreen" type=0 line=200% align=center use=sp char="" num="0,black"]
الياس غير الامل والله بخلقه رحوم= ماسيد ام الطلاسم غر ساداتها
الشجره اللي ثمرها صرت منه امحروم= لاتسبها عقب ماكبرت جمهاتها
[/poet]