لي رفيق ٍ لو لقيته بأشتري له جوخه

لي رفيق ٍ لو لقيته بأشتري له جوخه*****الله إنه لا يخيّب في رفيقي ظني

ما نحب ألا علوم العالم المطنوخه*****يا سلام الله عليكم من ظمير الجني

ودمتم بخير

اسمع لاهنت,,

لك رفيقٍ مايحب الطبخه المطبوخه
.......................شفه بذيك العلوم اللي توافق فني
ولايحب السالف لامن غدت مسلوخه
.......................مرحبابك مرحبابك من ضمير السني

لاتدوخنا وتبلش في علاج الـــــدوخه 000القعودان شل حمل ام المحامل حني

خاف تصبح الأسطوانه من ورى مشروخه000من يفكك لو تجي مابين ناب وسني

(مشهور)

شفتها صارت سواة الكورة المنفوخه === كل من عرّض علاها شاتها متعنّي
قلت أشارك .. لو أشوت برجلي "المصبوخه" === بس لابد أشترك معكم .. كذا يعني إني !!!

ياحمر عين الغراب غراب خل فـروخه000انت وش كنك تحت عشه وانا وش كني

ليلة البارح عميلك مطلق صاروخه000 يحسبنها حكمن اول مير راحت صني

(مشهور)

الله إنه لايعيد الخوخ .. من هالخوخه === وقّفت في الحنجره .. وين الدخاتر عني
كان قلبي من قلوب العالم المفضوخه === ما إنتبه .. وإليا إنتبه ظني معاد يثني

ذي الردود على كل واحد منكم :

العاشق المحروم

الرفيق اللي يحب الطيب من منسوخه*****سابقه علمي ونجره في بلدكم دني

عاش راسك يا عميلي والعدو بكموخه*****ارقب ابروق ٍ تناضت وإن تباطت عني

-----

مشهور الخيال

لا تمثـّل وأنت ماكول الظهر والخوخه****الشهيد إن مات ... غيره للبقا متمني

مار أنا نفسي تعفف عينك المكموخه****ذيبنا يعوي وشبعان المسا ما وني

------

(( حمر عين ))

توّ ما سبع الخلا يبغى يشب شروخه****بالفرح وألا من علوم ٍ مضت خفيني

لا لقاك اليوم يرجع مستريح لكوخه****دوك نيران العرب في قلوبها شبني

-------

مشهور الخيال

أدري بتقول بيوتك موجهه لحمر عين لكن بأرد بالنيابه عنه( أمون وااااجد ) ...

الغبي لا بذ روحك طقه بنافوخه****إنتبه لا تسلك دروب الشقا بالشني

لا تحكك عند ذباح الردى ودلوخه****وأنت ساري لا رباع ولا جذيع امثني

إسمحوا لي يالربع :
ما ودي إن المحاوره تنقلب طق وطقيق عشان كذا بأختمها بهالبيتين وبأغير الطاروق مع ( حمر عين ) :

النخل نعرف حصيله من زها شمروخه*****والفجوج وساع كلن في فضاه يغني

البلد ياذا الولد قدره بقدر شيوخه****من تريـّح نحتسي له بأم هيل وبني

للشاعر حمر عين

سلام مني ياحليف الحال والحي

.............ردية ٍ من سمعها قال أح .. حيـّا

أما شربنا من قراح الجم بدلي

............وألا تركناها تدلدل .. دلدليـّا

ورطنا معك هين .. خل الكلام

يامرحبا ترحيبتن مامثلها شيّ === وأنا معك لاقلت لي يا "سبع" هيّا
العافية مرات .. تبغا النار والكيّ === والمعرفه مرات .. ماتحصل كذيّا

هههههههههه ولو اللي مثلك يا حمر ما يارط

أطلال طافت والطوال لحاتم الطي

.............. وإن طعتني فاطو الرشا طيا وطيا

وإن سلتني بأسمع سوالك ... سم ... لا سي

.............. والمسلم السالم درس بالمدرسيا

اثرك يا سبع الخلا محدي ومقصي000تحت الثرا وتلد عينك للثريا

ترهي على الرمضا وراسك داخل الفي000كم طمعة من دونها الخيّال عيا

هماني قايل لك إنا رحنا فيها
الله يسامح اللي ورّطني ..


لا والله إلا صلّعت .. ماحولها فيّ === وأنا أعترف .. ماهوب فيك العيب فيّا
ياهنيّ مدرستن عطتك الدرس..ياهنيّ === مدري على سطح القمر .. وإلا هنيّا؟


[تم تعديل الموضوع من قبل حمرعين بتاريخ 01-10-2001 الساعة 04:49 ]

مشهور الخيال :

المحاوره بيني وبين حمر عين .. ومع ذا ما والله أترك أحد الا أرد عليه ( كرمه )

تحت الثرا جدك ولحمك باقي ٍ ني

...............واللي نوى نيه ينادي بالمنيا

لا تحسب إني ظامي ٍ وأدور الري

...............كلن على حظه يخاوي في البريا

----

حمر عين


ياعالم أنتي راقده وألا سمعتي

...............مانيب أنا خابرك جباراً عتيا

طاح الحيا من حد خشم رماح لطحي

...............ما باقي ألا بالهدا والأبطحيا

بارك الله في من تبارك ,والا على غير اهلها ماتجيب اثمانها0

وهذي طلعه0000000000000000000