يا مرحبا باللى يشارك 0000000

سلام الله سلام ٍ مثل نور الصبح لنباجى *** عدد مبدا النجوم اللى مع الظلمه مسا ريها0

ونا شاعر وعارف بالملاعب كيف مخراجى *** احب الطيب واهل الطيب نشفق فى تلا قيها

هلا وغلا براعي المحل حنا الضيوف طال عمرك

اسمع يالمعزب جعلك تحيا....

هلا بك يامسلم مرحبا بالصاحب العاجي
==================== هلا بك عد ماهبت هبوب وهب ذاريها

خذ النشره قبل تدخل ببحر كله امواجي
==================== ترا الامواج الى هاجت قليل اللي يجاريها


اخوك /// حكيم الجامعه

عساك تبقى يا حكيم


هذا من طيبك والله ابرك الساعه يوم شرفت


استلم



نبى منك العلوم اللى سناها كنه اسراجى**** علوم واضحه ما تبتلش تقرا معانيها


ترى بينى وبينك يا عميلى ما به احراجى **** نبى معنى تقدمها نبى معنى توديها

اسمع يامعتز...

يجيك العون يا معتز دعوانا تدرّاجي
=================== ترا قطره معا قطره لزوم يسيل واديها

توقّع للحدث من قبل ياقع واشبح الناجي
=================== ترا الدنيا قشر والله يجيرك من بلاويها


حكــــــــيــــــــــم الــــجــــامــــعـــــه

استلم حكيم

انا اشوف القمر بادى ونوره له توهاجى *** لاكن الصبح الى شرف شعاع البدر يخفيها


رفيقى قدمك الطرقه طويله وانت حجاجى *** متاهات الطريق ان جيتها حسب مالا ويها



معتز0000000000

استلم يامعتز ......

تراها تختفي وتبين زعلانه وميزاجي
======================= ضلام الليل لو عز النهار الشمس يعميها

يعين الله وانا مرهيبها مانيب محتاجي
======================= وماجلان في راسي نجوم الليل اخاويها

حكيم الجامعه

[تم تعديل الموضوع من قبل حكيم الجامعه بتاريخ 03-28-2001 الساعة 12:35 AM]

الله الله عليك اخوى


حكيم الجامعه


استلم الله لايهينك


ترى من يضرب الاخطار دايم ماهو ابناجى *** ولو صاب الهدف لابدله مرات يخطيها


انا اعرفك شجاع ٍ باللقا منـته بهجاجى *** ولاكن خوفتي 00يالنار ماتقدر تصاليها




اخوك: معتز

____________________________________________________________ _______________________

المال يححى رجالٍ لاحياة ابها ***** كالسيل يحى الهشيم الدمدم البالى

استلم يامعتز ...

ترى الخيّال لو طاحه حصانه عاد الاسراجي
========================== ونفسه لو تروح تروح مرجعها لواليها

ترى الفكس ار حطو في الدبل سرعه ورجاجي
======================== ولو شبيت نارك في الحطب الما يطفيها

اخوي معتز العجز( ناجي )سرت لا تعاودها مره ثانيه اصول المحاوره
غيرها ان امكن...

اخوك /// حكيم الجامعه

[تم تعديل الموضوع من قبل حكيم الجامعه بتاريخ 03-28-2001 الساعة 12:33 AM]

اخوى حكيم بيض الله وجهك


هاهاهاهاهاهاها

هزازى وش جا بها فى القافيه

هههههههههههه

ثانيا

اللى بيته من قزاز ما يرمى الناس بالحجاره0

انت قد سبقتنى على وحده قبلها ولا قلت شى0

كلمة(يخفيها)

والدعوى كلها سعة صدر

استلم






انا لاشفت لى كوره بدحرجها تدرحراجى **** وشوت الشوته اللى من نطحها يبتلش فيها0


وإلى صعبة حلول المشكله يا سرع الافراجى **** ياهون السالفه واللى يسرحها يضويها0




اخوك: معتز

اخوي معتز صح لسانك..

ترا الغلطه هزازي المقصود بها رجاجي لكن غلطه مطبعيه. وعدلتها

اما يخفيها صحيح كلامك انا مانتبهة لها لكن غيرتها.ومن حقك انت عارف حنا نبي نتعلم ونستفيد من وجود بعض الشعراء اللي لهم باع طويل في المحاوره..


استلم يامعتز.....

وش اللي يدحرج الكوره على سكه وبطناجي

======================= وتكرم يارفيقي وارفع الدعوى وعليها

الا يابعد عرعر من حدود ابها والافلاجي

================= ترا الذود العفر دايم تشمشم ريح راعيها


حــكــيــم الــجــامــعــه

[تم تعديل الموضوع من قبل حكيم الجامعه بتاريخ 03-28-2001 الساعة 01:10 AM]

مشكور حكيم


استلم

انا يم الدروب الطيبه معروف منهاجى000 ولاكن العماره سرها فى عقل با نيها0

نبى نختم قضيتنا ونحفظها بالادراجى 000 وبعض الناس حالتها تترجم فى قوافيها


____________________________________________________________ ________________________________-

المال يحيي رجال ٍ لاحياة ابها 0000كالسيل يحيي الهشيم الدمدم البالى

اخوك : معتز

الله لا يهينك يامعتز ومشكور ولنا لقاء قريبا انشاء الله ...

اخوك الصغير /// حكيم الجامعه

اخوى حكيم الجامعه


انت كبير فى خلقك كبير فى فنك وإبداعك0


ويعلم الله انى فخور ان تكون أول محاوره لى فى النداوى


مع انسان قدير مثلك وشرواك0


فأنا المستفيد اولا واخرا


ولك منى كل التقدير والاحترام

اخوك: معتز