يالسحيمي يالحمالي من يجي راسه يشيبي

شكرا لكم انتم فرسان محاورة الليله

امتعونا واسعدتونا بحماسكم المنقطع النظير

الف شكر لحسين الحارثي اللي بدع هالمحراف وطلب الشاعر الكبير حمد السحيمي

كان اللقاء ممتع وشيق

بيض الله وجيهكم ولكم اطيب تحياتي

ابو عبدالرحمن

[poet font="Simplified Arabic,5,white,bold,normal" bkcolor="transparent" bkimage="backgrounds/22.gif" border="double,4,gray" type=2 line=350% align=center use=ex length=0 char="" num="0,black" filter=""]
حسين الحارثي
ياسلام الله سلامٍ فيه طيب وفيه ريبي=طيب لاهل الطيب والا الريب للي فيه ريبه

يالسحيمي يالحمالي من يجي راسه يشيبي=واعذابه لن لزمته فالنداوي ثم شيبه

حمد السحيمي
مرحبا ترحيبة وانته ترى ما انته غريبي=والعلوم الطيبه منكم ترى ما هي غريبه


لاتهدد نا وتبعد خللـك الليلـه قريبـي=لاتناظر للبعيده وانت ما جبت القريبـه


حسين الحارثي
البقا وانته يابو ثامـر لنـا اخ و صحيبـي=مير اشوف ان الصحيب يمر ماينظر صحيبه

كلما جبت الذهب في سوقكم من مال جيبي=قام كـلٍ يسبـره لكـن مافـك إلـه جيبـه


حمد السحيمي
عندكم علمٍ غريب وعندكم علم عجيبي=والسوالف ما يفبركها سوى ناس عجيبه


لا تلبسنا ثياب الحرب ثم تصبح حريبي=والبنادم دم ضرسه لاتواجه مع حريبه

حسين الحارثي
اسمع العلـم الحقيقـي لاتـودي لاتجيبـي=وان بغيت توصله لسعيـد وده ثـم جيبـه


التعصب والتحيز حط مـن فوقـه صليبـي=وان تعصبتو ترو راسي من الروس الصليبه


حمد السحيمي
يانديبـي قـم وود العلـم بالله يانديـبـي=ما تخيب ضنون من مثلك على الشطه نديبه


دام ابو بندر حسين الحارثي ينحب نحيبـي=ما رضينا له ولا ودي ترى نسمع نحيبـه


حسين الحارثي
كل عله يالسحيمـي جالهـا منـا طبيبـي=وانت قلبك بإذن رب الكون ماغيري طبيبه


هيه ياذيبٍ براس اطويق جايٍ له قنيبـي=الرجال اهل البنادق ودهـا تسمـع قنيبـه


حمد السحيمي
وادي شدانه وصل سيله يابو بندر جذيبي=الله انه ينفـع بسيلـه ويكفيهـم جذيبـه


النداوي لو ينوشك مخلبه جرحك صويبي=لاتعنا وانت تدري قبلكم نـاس صويبـه


حسين الحارثي
وادي شدانه ليامنه حدر سيله صعيبي=الله انه لايجيبك في مناحيه الصعيبـه


انته اول عاشقٍ يعشق في الدنيا حبيبي=مير جا بعدك عشاشيقٍ وكلٍ مع حبيبه


حمد السحيمي
وادي شدانه غدى سيله مع الفرعه سريبي=ما سقا منهم على الوادي ولا ذاقو سريبـه


ماعشقنا غير علياء واعرف انها من نصيبيي=يوم بعض الناس قال ان الهلاليـه نصيبـه


حسين الحارثي
ادري انك يالسحيمي عارفه وايضا اديبي=وانا من صغري وانا احب الرياجيل الاديبه


انا عاشق للكرم والطيب وإمّاشا العريبـي=مير ليه انته تجاهـل للرياجيـل العريبـه


حمد السحيمي
بين مكه والهدى ما عشت في حر اللهيبـي=في سموم القيض ماتقوى يا ابن حارث لهيبه


جاك يوم تكرهه ياحسين ذا يـوم عصيبـي=لا تحرف فالسوالف وانت حالتكم عصيبـه


حسين الحارثي
يالسحيمي لو تشيل البندقيه ماتصيبـي=خلها للي ليامنه رمـى شـيٍ يصيبـه


منت قد الحارث بن عباد يالفارس كليبي=لو يجيه الزير ماوفره حطه مع كليبـه


حمد السحيمي
لاتوهق في علوم الدعوجي دامك طليبـي=لايدزك جوف نار تصطلي ما انتب طليبه


لو كربت حزامي الليله تقول الله حسيبـي=وان كربت حزامك انته ما نقول الله حسيبه
[/poet]

الشاعران
حسين الحارثي
حمد السحيمي
الحقيقه محاوره رائعه بالفتل والنقض
الله يعطيكم العافيه ونستونا هذه الليله
وجميعكم نجوم مضيئه في سما النداوي الشامخ

للجميع سلامي وتحياتي،،،

السحيمي والحارثي


اللهم حوالينا ولا علينا


صح الله ألسنتكم ومع الأسف طافتني متعة المتابعه على الهواء لكن ماقصرتوا

محراف مميز


يعطيكم العافيه


وسلام خاص لــ " ملحق المشاهيب" الدعوجي

سعيد الحمالي

مرحبابك والله ان الرعد والبرق كان فوق راسك لكن خيره

والسحيمي كفو كفو

ومتابعتك شرف ومكسب

ولكن باقي لك يوم يجيبك الله فيه

والدعوجي مله دخل تراه بري ولادرى الا بعد ان قامت المحاوره

لكن هو كفو نعم به

لاهنت

اخوك

ياسلام ياسلام

محراف طيب من شعراء مبدعين

صحت السنتكم

حسين الدور الجاي على سعيد لاتنسى تراني في صفك

فالح الحارثي

هلا وغلا

متابعتك مكسب

ولاهنت

ولاعليك زود

ا خوك

فالح بن راشد

مرحبا ومسهلا

وينك من امس

كان فكيتني من الوطه اللي ورط فيها مع ابو ثامر

صدق من قال كم غزوةٍ منها السلامه غنيمه


سعدت بمرورك

والسرا على الحمالي لكن من السبت وورا لاني مسافر بكره الديره ان شاء الله

تحياتي