Tweet
انا وشعراء النداوي والمطر والرطوبه !!!
[frame="10 80"]اسعد الله اوقاتكم بكل خير .. واعذروني عن طول الغياب ..اليوم وانا في المنطقة الجنوبية ابها ،، امطار وخير وجو ماشاء الله تبارك الله .. دندنت لي بيتين .. وقمت بارسالها الى مجموعة كبيرة
من الزملاء الشعراء .. ولم اكن اتوقع ان يكون هناك ردود بهذه الأصداء فقد تلقيت العشرات .. والبيقية تأتي ..
عرفانا مني لمن قام بالرد علي .. استأذنكم لنشر ما وصلني من ردود ..
ملاحظة : سوف يستحق افضل رد يتم ترشيحه من قبل الأعضاء هدية قيمه مني شخصيا .. راجيا من زملائي الأعضاء ترشيح من يرون انه افضل رد .. على البيتين التالية .. .. ..
[poet font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يا هل الشرق اخبرونا ومخبركم حكيم = الرطوبة عندكم كيف جاكم ويلها
عندنا الأمطار ما تنقطع والجو غيم = والمرابع خضر والقاع يصفق سيلها
ظافر الحبابي
صار لي مده وانا عند زمزم والحطيم = ديرة تدعس على الكافرين وفيلها
والرطوبه عند أهلها وديرتها تقيم = مرة ادعي عليها ومر ادعي لها
حمد بن فطيس
الرطوبه يا ابيض الوجه نعمه من كريم = ودارنا دار السعد والسعد يضوي لها
دامكم فابها البهيه ولك قلب سليم = ريح اعصابك وحذرا القدم تاوي لها
حمد السحيمي
يالجنوبي ماعلى الشرق واهل الشرق ديم = والرطوبة ما ازعجتها وهدت حيلها
ديرةٍ حراقها مثل شرب العسكريم = نفتديها من رطبها لظل نخيلها
نواف الدبل
الرطوبة جابت النفط والخير العميم = لو تضايقنا من اجوئها ندعي لها
اسفهل اشوي تحت المطر والله كريم = أمك الدمام لابد ماتضوي لها
سالم صليم
الرطوبة عندنا مثل ذعذاع النسيم = للحساسيه دواء من جسدك تزيلها
كلها ايمٍ وترجع على البيت القديم = ديرةٍ لا رحت منها لزوم تجيلها
سعد المرسان
من سأل عالجو فالجو خيرات ونعيم = في بيوتٍ باردة كل وقت آوي لها
قبل راحة نفس الانسان من عصر قديم = خير من تنكيد نفسي وقلت حيلها
عبدالله المهداني
الرطوبه بامر ربي وربك ياكريم = والحراره والرطوبة نجح منديلها
الجنوب من الوطن بس والله العظيم = ماتحصل مثل داري ولا تدليلها
فهد بن صلبوخ
ياجنوب العز ماني من اجوائك غشيم = الطوبة بضعة ايام شدة حيلها
لكن الله رحمته تروي عطاش الفطيم = لا ابتعدنا وارتقص للعصاري ليلها
علي بن رفده
الرطوبه عندنا مثل سيلٍ من حميم = والعجاجه قايمه والهوا يحثي لها
والمطر لاجالكم كنه جانا مستديم = والتشفي خصلةٍ مايجمل شيلها
فيصل العاصمي
نخبرك والعلم واضح تراها سيم سيم = الجباه تصب ما ينصفط منديلها
كيف تمدح ديرة ما انت داخلها مقيم = شوف عيني شنطتك بعد وقت تشيلها
علي بن ضاوي
لاتزودها ترى الوضع في غيرالسليم = ضاقت أخلاق العرب وابتداء تعطيلها
بعد بكره ترجع وتلعن ابليس الرجيم = والحمول اللي على اكتافنا بتشيلها
محمد بن عبدالله ( شقيقي )
هيه ياللي جابه الكوس وذعذاع النسيم = مرحبا به عد الآيات مع تأويلها
ولو بدا بالبسمله وإستعاذ من الرجيم = كان ابخشع للتلاوه مع تأويلها
يابو عبدالله حشيمٍ ومن راسٍ حشيم = من رجالٍ تنطح النايبه وتشيلها
من هل الوقفات بالرمح والسيف الصريم = لابةٍ في عسر الايام تسرج خيلها
وانت ياظافر على العهد رجالٍ فهيم = جفوتك للدار ياصاح مكبر ميلها
ولو جذبك الوعل وشلون تجفا حب ريم = وانت لو تنسى ضحاها طرى لك ليلها
دارنا بامر الولي من نعيم في نعيم = والرطوبه لاأقبل سهيل يبرد حيلها
نجمنا اللي لابدا بالسماء مثل الزعيم = ماغبطنا مصر يامسندي مع نيلها
كان تبغي الكيف فالشرق ما يجفا النديم = دلةٍ يقعد خوا الراس بنة هيلها
ذياب بن ناصر الهاجري
ماني بخابرك في ديرة اخوانك غشيم = وانت خيرك خير دمامها وجبيلها
لو هواها سم كنّه على صدري نسيم = وما ابي لوزان تبديلها تبديلها
عايض بن راشد
[/poet][/frame]
تعليق