لليله من الليالي النادرة جمعت كلٍ من المبدعين عنان الدحابيب ومشعل بن عنان/ حي ثم

السلام عليكم ورحمة الله وبركاتة


اليكم هذه المحاورة التي جرت من حوالي ثلاث سنوات في أحدى حفلات النادرة بين كلٍ من عنان الدحابيب و مشعل بن عنان


[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
عنان الدحابيب
السلام اللي شموخه علامه = يبرح دروب الوفاء المستقيمه
كان مشعل ما يثمن كلامه = نحشمه لا زل بالهرج شيمه

مشعل بن عنان
كل راسٍ شامخٍ له مقامه = وأنت رجلٍ طيبٍ فيك قيمه
أبن عامر ما سمعنا سلامه = لرجال أهل الوفا والحليمه

عنان الدحابيب
راحت الارزاق بأسم الزعامه = وأنت خلك بستمارة وبيمه
الوعد لا جاك يوم القيامه = سؤ ظنك ما يسمى غنيمه

مشعل بن عنان
أنت طيرٍ ما يصيد الحمامه = غير خلك لا تجيب الوخيمه
والوعد لكسروله عظامه = مايجي غيري وعينه رحيمه

عنان الدحابيب
منبر المسجد توفى أمامه = وأبتدى شغل النفوس اللئيمه
ردك اللي قبل فترة غشامه = ويش أسوي يالطيور الغشيمه

مشعل بن عنان

أدمح الزلة وصلح حطامه = وأنت شيخٍ ماوصلنا نعيمه
منهو اللي باقيٍ في دوامه؟ = جعل ربي يالسنافي يديمه

عنان الدحابيب
ميزة الرجال عقل وكرامه = وأن فقد عقله يسمى بهيمه
دس راسك ثم تصبح نعامه = يابن هادي ليه عينك كريمه؟

مشعل بن عنان
لا بنينا البيت تبغى هدامه = ماكلٍ حق البنات اليتيمه
كل جاهل لا غلط له ملامه = وأنت جاهل ضاويٍ بالوخيمه

عنان الدحابيب
سكبتك سكبه وهامتك هامه = سالفة والعلم وافي وشيمه
من سنة وشهور فيك أبتسامه = لا تكرر قصةٍ لك قديمه

مشعل بن عنان
الغلط ما جاب غير الندامه = غير أنا ما أحب راعي النميمه
ماتغني غير راغب علامه = ماتتابع غير هند وحليمه

عنان الدحابيب
الحلال اللي يساوي حرامه = ما نحبه والرحايل مقيمه
ما نتابع غير خطبة وسامه = وأنت هز الخصر لأمه نعيمه

مشعل بن عنان
زين شكلك في ضواحي تهامه = يوم لك لقمه وأنا لي لقيمه
فيك شين وفيك حالي وسامه = والصفوف اللي تريد الوليمه[/poem]

ياسلاام

عنان ومشعل

كبار والكبير الله

لاهنت يابوجابر
ولاهانوا

لاهنت اخوي على هذا النقل الموفق ولك تحياتي


وسلمت يدك