انا بيني وبينك يامطر ...

الاخ مطر ..

استلم
سلام الله سلام من هجوس بدعها ينقاد

---------- مثل قود السحاب اليا تناشى من مخاييله

انا بيني وبينك يامطر علم عليه اسناد

--------- بعثته لك قبل يومين ماجتني مراسيله

هلا........سرحان......استلم

هلا يامرحبا ترحيبة تروى ظما الاكباد## مثل مزن الحيا اللى فى ارض ربى سايل سيله


مدام العلم مثبت لو تعذرنا ترى ما فاد## لكن مانته بلا قى قاضى منصف وتشكي له

استلم يامطر

يدوم لك البقا والعد مايقصف عن الوراد

------------ توكلنا علي الله وطلب المولي تساهيله


تواعدنا علي الميعاد وانته تعرف الميعاد

---------------- قبل لاناصل القاضي ونحكي له وتحكي له

ترانى معك فالمصدر ترانى معك فالميراد && وردت العد مع من يارده دايم ويصفى له

تواعدنا على الميعاد لكن بعدها وش عاد && ماتقدر تاصل القاضى قبل يرسل مراسيله

استلم يامطر

بعد رحلتك هاذي يامطر كنك تبى المعواد

---------- بعد فز الغزال امع الحزم وش عاد ترمي له

اشوف الحظ عاكس معك فالمحدار والمسناد

--------- ترجاء الله وعين خير يادنيا مننتيله

انا حشت الغنايم وانت لاتضرا على المقعاد

...................ترى كلن ليا منه قنص بانت محاصيله

ليا عاكس ترانا ماعلينا والسيوف احداد

..................عليك الله واكبر يالوذينانى وتهليله

استلم يامطر

انا ماودي افرح عليك القوم والحساد

---------- وندري عنك فارس قوم ماشربت فناجيله

وصلك الهيل في صفر الدال وباقي البراد

-------- وصاحبكم ليامنك بغيته تعرف اميله

ترى الصياد ياسرحان مهما صار ما ينصاد

................ياطيب الفارس اللى لويحوفك ماتباريله


ترى حناعلى سلم وعوايد نتبع الاجداد


...............ولا نخطى ولا نرضى تجى من يمنا الميله

استلم

عسي ماهو بناخي عنتر المشهور ابن شداد

----------- وعنتر فارس الفرسان من ياصل مواصيله


علي راسك سحاب الغيث هل و زلزل الرعاد

------------ وانا مغار اشوف البرق يوم يلوح واخيله

اظنك ماقريت المدح فاللى يكسب الامجاد

.................اليا منك قريت تعرف فارسك ومداهيله


ليا هل السحاب الله يسوق الخير للاجواد

................لكن المشكله لو هو تحدر وانت تومي له

استلم بامطر

قريته وانت لو تقراه ماينقص ولايزداد

---------- انا ماهمني علمه ولا دورت تفصيله

نزل فالريع في ذاك الزمان ولا اصبح الا شاد

----------- اظنه مارغب فالريع ساق الزمل من ليله

استلم.

ترى كل بماجوده ليا جوه النشامى جاد


..................ويبا يحتال كل اللى معه بالمعرفه حيله


ليا منه نزل فى بلاد والا شد يم بلاد


.................تراه الفارس اللى للمعارك مسرج خيله

استلم يامطر

تبى المسرى معي ياصاحبي ولا تبى المرقاد

---------- اثر قلبك صخيف وبعد منحله صواميله

ترانا في ربيع اول وباقي شهر دون اجماد

---------- يجيبن الليالي مسرجن خيله وتسري له

[تم تعديل الموضوع من قبل سرحان الوذيناني بتاريخ 06-13-2001 الساعة 05:08 PM]

تراني قاعد لك يالوذينانى على المرصاد

......................لكن دور لعلمك ياوسيع العرف تحويله


ابجاهدك ياسرحان دام ان الحياه جهاد

...................لكنك لو تزعلنى ماتلقى من تغني له

تباها سلم سالمنا تباها بالعناد اعناد

................... هذا حمل صعيب وياجمل شيل الحمل شيله

ليا ودك تجاهدنا يبى يطول عليك الماد

................. وتبلش في زمان شيب العالم تهاويله