نقش في صفا || سعيد الحازبي @ خولان بن عامر بدون ردود

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
سعيد الحازبي :=
ياهجوس الشعر رحب ترا الغالي لفا= طير شلوى طاب فاله عساني ما فقده
انت ياخولان شاعر وتنقش في صفا=والنوايا طيبه كل شاعر وجهده

خولان بن عامر : =
يابنات الفكر هاتي علوم في الخفاء=واذكرى لي بيت عالبال من قبل انشده
ودي اسلم على نهج دين المصطفى=سنة الله واحد كل ابونا نعبده

سعيد الحازبي : =

مجلس بالطيب عامر وبالحكمـه رفـا=والحكيم اعرف مغازيه واعرف مقصده
نتبع سنـة محمـد وستـر الله ضفـا=مير ترك المصلحه لجل درء المفسـده
خولان بن عامر : =
السوالف بين الاحباب مافيها جفا=وانت لاغنيت بيتك يابو ديه عده
يكفي اللي صار واللي حصل سد و كفا=ينقد الرجال نفسه قبل لاننقده

سعيد الحازبي : =

بين همس الرمش والليل وحضين الدفاء= ان بغيت تداوي الجرح ولا ضمده
اه ياكبر المشاريه في قولتك افا= والدروب ثنين والشكر لله واحمده
خولان بن عامر : =
بين خد البنت والجفن رمش ما غفا=تعترف بالنوم والعين قامت تجحده
اذن المذن وكلن تعذر واختفا=والمطوع يتنظر للعرب في مسجده
سعيد الحازبي : =
استبد الفكر والرجل متعبها الحفا=والمعاني مبهمه والدلال مركـده
في كتاب الله نور الهدايه والشفا=يالبيب العقل والفكر حدد مقصده


خولان بن عامر : =

الفكر يصفى وجوي وجوك ماصفا=هات جملة مدغمه واخذ جمله مفرده
المطيه حدها الجوع ياراعي الوفاء=قادها الجمال وخطامها لاوي يده
سعيد الحازبي : =
بين حد الشك والريب وهروج القفا=العلوم مشربكه والمور معقده
السحاب اللي تزبر يابن عامر زفا= خلت براقه ولا اوحيت تسبيح رعده
خولان بن عامر : =
المدينه نورها بعد شعشاعه طفا=والعلوم معقده والعروق مجمده
خل من عيد بميلاد عيده واحتفا=مايفيدك وانت حاول تعلمه وفده

[/poem]

أخوي عبدالله
جهد تشكر عليه
والأخوان يستاهلون

تقبل تحيات أخوك الصغير غريب