رشح القصيدة الأفضل

[align=center][align=center]
السلام عليكم ورحمة الله وبركاته

الشاعر ظافر القحطاني وهو أحد اعضاء موقع النداوي الشعبي (خوي المطاليق) ومن سكان المنطقة الشرقيه حالياً
ذهب في هذا الصيف عام 1430هــ مثلما اعتاد سنوياً إلى المنطقة الجنوبيه في مملكتنا الغاليه ولاأعتقد بأن احد يجهل اجواء تلك المنطقه وتميّزها عن غيرها اثناء الصيف عن مناطق المملكة العربية السعودية ،توافق ذهاب الأخ ظافر مع طلوع سهيل وواكب اثناء وصوله إلى منطقة الجنوب الأمطار الغزيره مما جعل الأجواء رائعه اكثر من روعتها المعتاده .
قرر ان يداعب بعض الشعراء من المنطقة الشرقيه والقريب منّها بأأبيات شعرية عن حاله ِ بهذه ِ الرحله وعن أحوالهم من حيث الأجواء .

وأرسل هذه ِ الأبيات برسالة جوال جماعيه لبعض الشعراء : وقال
[/align][/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بيّن سهيل اليماني ياهل الشرقيّه = والجنوب امطار والبارق يشق مزونه
والسيول تحدّرت بشعابها منحيّه = والخضار يسرّ قلب اللي تشوف عيونه
من شكا ويل الرطوبه حزّت العصريّه = فوق موتر يقلي البيضه على طبلونه
يتّجه به للجنوب ومرحبا يا حيّه = والله ان تضحك من الجو البديع سنونه[/poem]

[align=center]
وأترك لإدارة المنتدا وضع طريقة التقويم التي تراها والجائزة سوف تسلم للأخ حمد السحيمي
هذه الردود التي وصلت بالجوال وما زال باب المشاركه مفتوح حسب ما تراه الإداره
[/align]

[align=center]
ومن وجهة نظر ادارة موقع النداوي فيما تراه ُ يتوافق لرضاء الجميع والتواصل بالرأي مع جميع الأعضاء ان تُعرض جميع القطع الشعريه التي اتت كــ صدى على صوت الشاعر ظافر القحطاني على الأعضاء دون اسماء الشعراء وباارقام فقط يقوم العضو بااختيار القطعه الشعريه الأفضل من ضمن مشاركته ِ على هذا الموضوع ويكتفي برقم القطعه وله الحق باأختيار قطعه شعريه وقطعتين فيما يمليه اعجاب ذائقته ، علماً باأننا على يقين ان الجميع يتمتعون بشاعرية لاينضب عطائها بجميع اغراض الشعر وماهذه ِ القطع الشعريه سوى ابيات كــ مداعبه مع الأخ الشاعر ظافر القحطاني من الشعراء .

ظافر القحطاني(خوي المطاليق )خصص جائزه مجرد معنويه للحاصل على المركز الأول الذي سوف يتم تحديده بترشيحكم والشعراء المشاركين منّهم اعضاء واداريين في موقع النداوي بالأضافه لشعراء من خارج النداوي لايقل البعض منّهم بحضوره المميز اعلامياً
بعد انتهاء مدة الترشيح واختيار الفائز سوف يعلن عن الأسماء بجانب الرقم البديل حالياً وبيدأ التصويت من تاريخ طرح هذا الموضوع إلى 15/10 بالتاريخ الهجري ومدته خمسة عشر يوماً [/align]



[align=center]1[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بيّن سهيل وبدت لهل المقانص نيّه = وكل طربانٍ من الفرحه يجر لحونه
مرحبا بال الجنوب اهل العلوم الحيّه = والمطر والبرق وافضل جوٍّ يعيشونه
عندنا في الشرق جوٍّ غير ما هو زيّه = لازمٍ تلفون باذن الله وتشوفونه
لارجعتو غبر كنكم لحمةٍ مشويّه = ما غسل غبرتكم الاّ جوٍّ تسبونه[/poem]


[align=center]2[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بيّن سهيلٍ و غير الجو ماله نيّه = يكره الرجال ثوبٍ قد تعلاّ متونه
شمسنا ويّا الرطوبه ماسكه ورديّه = كننا ناخذ لنا حمام شمس وسونه
الرطوبه تضيّع المرزام للشخصيّه = وما بقا شاعر بيعطي وجه بوح شجونه
يا عسا دار الجنوب بغيمها مسقيّه = في وطنّا اللي عسا رب العباد يصونه
عندنا وادي الصبيخه كنّه الماربيّه = ديرتي بربوعنا قوم الظفر مسكونه[/poem]



[align=center]
3[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يالجنوبي خلّك بديرتكم المسميّه = اكل من خبز العريكه واشرب الصالونه
غير لا تخلّي مشاعيبك ولا الجنبيّه = احفظو السلم الجنوبي وطبّقو قانونه
خلّك بديرتك لا تطري عليك الجيّه = واغسل ايدينك من الشرقيّه بصابونه[/poem]



[align=center]4 [/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]

يبن لعور ما تغيّر لي بيوتك نيّه = الغلا والحب قسم الديرة المزيونه
عجها غيم ورطوبتها علينا فيّه =والقلوب بحبها من زينها مفتونه
والدليل انّك ما تاخذ في الجنوب شويّه = غير وانت معوّدٍ معواد كلن بونه[/poem]


[align=center]5[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
مرحبا والفٍ هلا بالقاف وبراعيّه = عد ما هاض المغنّي من غزير شجونه
ان نحرت سهيل ننحر للجدي طرقيّه = لا قفا عشرين ليل وصدّقو معيونه
عقبها خمسين ليل ولا تويق الفيّه = الله ارها بالبرد وغرّق المدفونه
ذاك شفّي يالمغنّي والمعاني حيّه = اطلبو ما تطلبونه مرهيات فنونه[/poem]



[align=center]6[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
لو مطركم ما يوقف في السنّه موليّه = ما رعته الشول لو طالت غصون فنونه
اكسجينكم ناقصٍ واحوالكم مرثيّه = لو يمر ذباب بالواحد تجن جنونه
لو توقف يا ولد آبارنا النفطيّه = مت في وسط الجنوب ومالقيت المونه
من نكر فضل امّه اللي غذّته حنيّه = طاح من عين الرجال اللي له يعزّونه[/poem]


[align=center]7[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بيّن سهيل اليماني واندرج طاريّه = في المجالس والبراري قامو يطرّونه
المعاني كلّها في حبكة القافيّه = والقوافي كلها يا مسندي موزونه
يا خوي المطلق اللي خوته نشريه = يالله ان جعل الزلايب والرخم يفدونه
انت لا تبحث خفانا مزين الحريه = لا تهيض خاطر اللي مبلشته شطونه[/poem]





[align=center]8[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
هيه يالبا جنوب العز يا طاريه = دوبني ضفته ومعسول الجنا بغصونه
حسبك الله يوم بن رفده نوى بالجيه = والمعزب قدر ظروفي وانا ممنونه
ذي كليبين الرطوبه صنتن حوليه = عدها مارود ورسوم الغلا مضمونه
والله اسال في شهرنا ذا قبول دعيه = واستمع غيضن نبشتو فيضه ومكنونه[/poem]




[align=center]9[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
مرحبا بالصاحب اللي شاقني طاريه = مبطين منه ومبطي من جديد لحونه
جابك الله يوم لك نيه وانا لي نيه = والنوايا البيض بوجيه الوفا مقرونه
ديرتن فيها ربيت امن الذرى للفيه = قيضها عندي ربيع وشمسها مزيونه
حي طاري ظافر وطاريتس يالشرقيه = اشهد انتس درتن فاقلوبنا مكنونه[/poem]

[align=center]10[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بيّن سهيل ومخازن ربنا ممليّه = جلّ من تصريف حكمه بين كاف ونونه
مرحبا بالعلم لو يشت بنا راعيّه = والله ان علم الحيا والغانمين نصونه
أثر دبلماسي نظرته سريّه = يتعذّر بالمره وعيالها يرجونه
واثره يراقب علوم النشره الجويّه = فرصته بيده وعفشه في وسط كرتونه
يالله تعوّض علينا العطله الصيفيّه = الرطوبه مستجنّه والعرب مجنونه[/poem]





[align=center]11[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بعد شفت رسالةٍ في هاتفي نصيّه = من رفيقٍ لي سنه مدري عنه وشلونه
شاعرٍ ماهوب ياخذها معه عاريّه = من رصيده ما نقص ملياره ومليونه
يبن لعور جونا وديارنا شاميّه = وانت لا تفرح علينا رجعتك مضمونه
ردّها من صاحبك رسالةٍ فوريّه = بالوفا والطيب والتقدير لك مقرونه[/poem]





[align=center]
12[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
للجمال اليعربي في الشفّه الورديّه = صبغةٍ من شمس نجد الي خذت من لونه
كل ما جات الغياب من ايسر الدرعيّه = اعتراني طايف الليل ولبست ردونه
ما بعد نجد المسمّى حاجةٍ مسميّه = كون اسمّيه البها والدرّه المكنونه
من تولّته الهواجر والسموم شويّه = في طرف ليله يرد اليوم كل ديونه
ياهل الحيد الطويل بتالي الألفيّه = كل حيّ في بلاده يشبعه ماعونه[/poem]





[align=center]13[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]

دارنا ما نبيعها بالين والربيّه= خيرها كل البشر في العالم يعرفونه
والمليك العادل المحبوب صافي النيّه = قال دار الخير والبترول لا تنسونه
والحراره ما اتنقّص حبها موليّه = خابرينٍ خيرها مضفي علينا ردونه
والوطن غالي جنوب وشامه وغربيّه = في ذرى حكامنا آل سعود ويعزونه[/poem]







[align=center]14[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
مرحبا من قبل لا نبدا في ذيك وذيّك = والمطر والجو ترها نعمةٍ مقرونه
احمدو ربي عى النعمه وصفّو النيّه = لاتزيلون النعم والشكر ما تدّونه
والبراد ابها وعندك خلطةٍ سريّه = والشجر لا هبّه الغربي تميل غصونه
ما بغيت الحر يا ظافر على طاريّه = ماني آحبّه ولا انتو مثلي تحبّونه[/poem]





[align=center]15[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
مرحبا براعي الجنوب اللي مخلّي خيّه = في سموم القيض لين انّه تغيّر لونه
مرسلٍ لي بالبريد اوضاعه الجويّه = وخابر ان الكل عندي مغتشي بدهونه
العرق منّا ومنّا وشمسنا لها كيّه = لا إله الا الكريم الي نترجا عونه
وفي النهايه لك مجي وقسمنا لك زيّه = والجنوب تودّعه باجوائه المجنونه[/poem]





[align=center]16[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يالمسولف لا تشمّت وانت ناوي الجيّه = بعد تقريباّ شهر بنحصلك بركونه
كنّي آشوفك موسّط خط ابو حدريّه = والمكيّف جاهزٍ ومعبّيٍ فريونه
وانت بالزحمه بلا غتره ولا طاقيّه = ماعليك الاّ تجر السامري ولحونه
ان بغيت الصدق يا زين الجنوب وجيّه = ديرةٍ زوّارها طيب الكرم يلقونه[/poem]





[align=center]17[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
مرحبا باللي بيوته كلها منقيّه = مثل عقد اللول المرجان في المزيونه
يالجنوبي لا تهيّض كلها صيفيّه = لا يغرّك فيض شعرك يوم جتك شجونه
وانت تعرف حبنا في المنطقه هذيّه = والجسد وارواحنا في حبّها مرهونه
الوناسه عندنا والراحه النفسيّه = لا تحاول تقنع المفتون في مفتونه[/poem]






[align=center]
18[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
البقا ياللي ترحب والديار مسقيه = وينكم قبل المطر اوضاعكم مشطونه
المطر يحيي القلوب ونسعد بطاريه = غير انا في الساحل الشرقي مع المزيونه
عندي علوم الجنوب وخابر خافيه = ما تريح فيه لو ساعه من الزمن وطعونه
اشهد ان البعد سعد قالها راعيه = والعلوم الباقيه خلها بعد مدفونه[/poem]





[align=center]19[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]

المطر والخير والكشتات والبريّه= والنشاما والدلال الصفر والحاجونه
نحمد الله عندنا يشهد بها الطرقيّه = كل هذي في جنوب المملكه مضمونه
والرطوبه والبحر والضيق والنفسيّه = كلها من حضكم يالعالم المغبونه
اشبعو بالعولمه والفن والحريّه = جعلها بالعافيه جبنه مع زيتونه[/poem]






[align=center]20[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يبن عمّي المنطقه رزقت بنارٍ حيّه = كن فيها كير حربٍ وانتو تشبونه
تشتعل وتحرّك السكان والطرقيّه = البلا ان هذا سناها واهلها يحبونه
مثل عشّاق المعارك في نهار الفيّه = يتبعه نصرٍ مبين او موتةٍ ممنونه
لا لحقت بركبنا تعرف بحرّ الكيّه = الجسد تعرف بلاه ومنهم يداوونه[/poem]






[align=center]
21[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
مرحبا يا صاحبي ترحيبةٍ مثنيّه = عد ما ناح الحمام الي يجر لحونه
يبن لعور جاتنا من صوبكم رديّه = شوقتني باللحن وبيوتها الموزونه
شاعرٍ تتعب على الاوزان والقافيّه = صغتها صوغ الذهب والدرّه المكنونه
ما نلومك لو مدحت الديره المسقيّه = جعلها وبل السحاب اللي يهل مزونه
واما انا في الساحل الشرقي ولا ابي زيّه= اعتقد مالي غناةٍ يبن لعور دونه
في النعيريّه ولالي صوب بيشه نيّه = لو في هرجاب تنبت شجرة الزيتونه[/poem]






[align=center]22[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بيّن سهيل اليماني للقلوب الحيّه = في الديار الي من ارزاق الولي مغبونه
لو سيول الوديه عندك ميه بالميّه = بتّكاثرها قلوبٍ بالحسد مقرونه
الرطوبه شهر عندي ما تساوي شيّه = يا جفاف سنين ما حيّاته بمضمونه
باقي البرد بيجيك وتشتكي من كيّه = ثم تجيني للربيع اللي تميل غصونه[/poem]






[align=center]
23[/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
في الحقيقه يا صديقي عيت الدوريه = ما تخلي صاحبك يسعد بما تبغونه
غير صالينا قوي القيض كل شويه = ما اهتنينا بالمطر واخبارك المزيونه
غير لا قاله ولي العرش جالي جيه= وشفت ما جاكم وكلٍ عارفٍ مضمونه
وانت لا تفرح بها بتعود الشرقيه = والله ان ما خش .. لا بد انكم تلقونه[/poem]

القصيده رقم ( 12 )

[align=center]صحت السنتهم جميع القصائد كلها جزله وهم بلاشك شعار جزلين


وذائقتي الشعريه افرضت علي اصوت للقصيده رقم ( 12 ) من غير قصور فالربع الباقين




تقديري للجميع[/align]

أرحب يابو سعد
وأرحب ياخوي المطاليق



كنت من من أستقبل هذه الابيات ولكن القصور حصل مني أنا وأعتذر من أخي الكبير خوي المطاليق لعدم الرد لعدم تمكني من ذلك لضيق الوقت والسن له احكام والربع اللي ردو كلهم فيهم البركه والابيات كلها طيبه وجزله وأنا حقيقه وللأمانه أرشح رقم


12

الله يرعاكم

[align=center]12

12

12


12[/align]

للجمال اليعربي فـي الشفّـه الورديّـه=صبغةٍ من شمس نجد الي خذت من لونه
كل ما جات الغياب من ايسـر الدرعيّـه=اعتراني طايف الليـل ولبسـت ردونـه
ما بعد نجد المسمّـى حاجـةٍ مسميّـه=كون اسمّيه البهـا والـدرّه المكنونـه
من تولّته الهواجـر والسمـوم شويّـه=في طرف ليله يرد اليـوم كـل ديونـه
ياهل الحيـد الطويـل بتالـي الألفيّـه=كل حيّ فـي بـلاده يشبعـه ماعونـه

12

دون منازع

ولايهون بقيه الاخوان

تقديري للجميع

مازالت القطعه رقم 12 متصدره وانتهاء المهله للتصويت وحسب رغبة البعض تمديد التصويت إلى 18/10

انتهى الترشيح بتقدم القطعه رقم12

اضغط هنا لتعرف من القائل

[align=center]أنا ارشح القصيدة
رقم ( 12 )............[/align]