من اجمل ماقرأت من المحاورات

حبيب العازمي وسلطان الهاجري

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
حبيب:

ابو خد من المكياج يوضي كنه المشهاب=يماري بالذلول اللي بليا خرج وشدادي

وانا والله ماحب الزحرفه والمظهر الكذاب=اجيب الراي من راسي واشب النار بزنادي

سلطان:

عليه الله واكبر بالعصا والرمح والمشعاب=ونار الحق مشبوبه ونور الصبح منقادي

يقولون العرب ماتحمي الميسم بدون اسباب=وانا ماني براعي صدفة من دون ميعادي

حبيب:

هلا يامرحبا يالهاجري واطلع على المرقاب=ومد الشوف وتشوف الجمال الحمر في الوادي

ولاتنشد ليا ضاعت جمال حمر عوج رقاب=ترى مالك جمل غادي وانا مالي جمل غادي

سلطان:

يدوم الك البقا والعلم بين الدقن والاشناب=لكن البس ولبسني ثياب بيض وجدادي

نجوم الليل ياحبيب حسبناها بدون حساب=وعدينا السنه بشهورها هجري وميلادي

حبيب:

تبا تلبس ثياب العيد وتكبر على المحراب=وانا واياك فيما فات نحضر كل الاعيادي

دخلت القبه الخضراء ولاتقفل عليك الباب=وانا اوحيت المنادي والمنادي دونه منادي

سلطان:

تحياتي على الحضار واشواقي على الغياب=مثل مستور بن تركي وصياف بن عوادي

ياسواق السفينه سرها واحذر على الركاب=ترى موج البحر لاهاج يغرق عفش الاجوادي

حبيب:

ابوزيد الهلالي يعلم ان الرمح رمح ذياب=ولايقض الطلب هرجه على دله وبرادي

سفينة نوح مامونه من التفجير والارهاب=ولوكان البحر موجه يدف السيف من غادي

سلطان:

حقوق الطبع محفوظه عن الدجال والنصاب=وهداف البطوله ياخذ الخبره من النادي

الا ياللي بنيت البيت بالعمدان والاطناب=مايربطنا معك ياكود حق الملح والزادي[/poem]

الاخ العزيز / حسين العبدي
اسعد الله مساك بكل خير
علومك دائما غانمه ياحسين
اشكرك على هالنقل الرائع
للشعراء اللذين لهم قيمتهم
وسمعتهم الراقيه في المحاوره وغيرها

تحياتي

حسين العبدي


اررررررحب

بيض الله وجهك


يازين الطاروق


اخوك
خالد

سعد

الله يسعد جميع اوقاتك بالمسرات


ماعليك زود ومرورك يشرفني

الاخ العزيز / حسين العبدي
اسعد الله مساك بكل خير
علومك دائما طيبه وغانمه
اشكرك على هالنقل الرائع
المحاوره جميله وتحمل كل الطابع والاسلوب الحقيقي
وا لشعراء من الاعلام الذين لهم قيمتهم
وسمعتهم الراقيه في المحاوره وغيرها

تحياتي لك

أبو علي



إختيار موفق لاهنت يالشلي




تحياتي


سعد بن عدال

ارررحب ياحسين وبيض الله وجهك علي نقل

المحاوره الرائعه لعمالقه الساحه الشعبيه

انت شاعر ياحسين وتميز الشعر الراقي والمعني المحبوك

سعد السبيعي


يشرفني مرورك

شكرا ياحسن

حسين

اختيار موفق


ومحاوره فوق الوصف



تحياتي




مشهووووور...

البقا ياخالد القحطاني


يازين مرورك انت


شكرا