محاوره بيني وبين حمدان العصيمي

محاوره جرت بيني وبين زميلي حمدان العصيمي قبل قليل في منتديات قحطان وحبيت اني اشرككم في اجوائها
لا انسى ان اشكر ادارة منتيات قحطان على هذا الترتيب الطيب والتنسيق المتميز:

شــــــــــــايــــــــــــع الــــــعــــــيــــــافـــــــي

يا حمدان العصيمي مرحبا فالموقـف الغصـاب
نيـابـه عــن بـنــي عـــم تشـرفـنـي واشـرفـهـا
عسى الله يرحم الحربي خذاه الموت بالأسباب
لـعـل الجـنـه الخـضـرا علـيـه يـلـيـن وارفـهــا


حـــــــــــمـــــــــــدان الــــعــــصــــيـــــمـــــي

يـدوم الـك البقـا يالشاعـر اللـي تفتـل الاشنـاب
نيابـه عـن بنـي عمـي عتيـبـه وانــت تعرفـهـا
عسى الله يدخله في واسع الجنه بـدون حسـاب
رفـيـقٍ صــرف العمـلـه وغـيــره مايصـرفـهـا



شــــــــــــايــــــــــــع الــــــعــــــيــــــافـــــــي
وسبـع انعـام بعتيـبـه ونـعـم الفـعـل والأنـسـاب
رجـــال قسـمـهـا وافـــي.. لـكـنـك لا تطفـفـهـا
اقـول انـك مشبـب وان طبعـك يسلـب الألبـاب
اظـــن الـلـيـل هـــذا مــــن لــيــال ماتـوالـفـهـا

حـــــــــــمـــــــــــدان الــــعــــصــــيـــــمـــــي

يابوفـارس نبـا نبـدي ونـرقـا عـالـي المـرقـاب
نخـاف مـن العلـوم اللـي عـن الواقـع تحرفـهـا
أبوزيـد الهلالـي بعـد بكـره يجمـع الاصـحـاب
ورى قمـة طـويـق وخـافـي الاســرار يكشفـهـا


شــــــــــــايــــــــــــع الــــــعــــــيــــــافـــــــي
لا والله مايجيك الا الصحيح اللي بـدون كـذاب
عليـك الهـون ليـن تضـم لـك نـازح طوارفـهـا

دعيت شيوخ نجد وجاتك الأصحاب والأجناب
لـكـن الـقـوم فالـمـرصـاد سـابــرت محـارفـهـا



حـــــــــــمـــــــــــدان الــــعــــصــــيـــــمـــــي

يقولون العـرب ماتثبـت الخيمـه بـدون أطنـاب
هــذي والله حقيـقـه وأنـــت مـاتـقـدر تخالـفـهـا
لياحـدّك نسـيـس الـبـرد شــب الـنـار ياشـبـاب
لكـن أبعـد يمينـك عـن سـنـا الشعـلـه وطرفـهـا


شــــــــــــايــــــــــــع الــــــعــــــيــــــافـــــــي

عطـاك الله ومـن يعطيـه ربـي مايصـك البـاب
ويـمـنـاك الكـريـمـه مــــدة الـدنـيــا تسـاعـفـهـا
اظن الوضع وايق يالعصيمي فـي حـزم كـلاب
اخاف ان الجمـال الصهـب تبـرك فـي معالفهـا


حـــــــــــمـــــــــــدان الــــعــــصــــيـــــمـــــي

تـرى ماهومهـم البـاخـره يكـثـر بـهـا الـركـاب
ولــكـــن الـمــهــم أقــعـــد الـعــالــم ووقـفــهــا
عليك الهون وتبيـن الصـور بالمنظـر الخـلاب
وتلـعـب قـافـك المسـحـوب والاوتــار تعزفـهـا



شــــــــــــايــــــــــــع الــــــعــــــيــــــافـــــــي

تغنـي للهوى ياصاحبـي مـيـر الـهـوى غــلاب
يـاكـم قبـلـك قـلـوب شـقـت اللـوعـه شراشفـهـا
ليامنك مشيـت مـن اللكاعـه فـوق راس الـداب
لا تـاخــذ مـعــك نـــاس ماتـقـديـهـا مـعـارفـهـا

حـــــــــــمـــــــــــدان الــــعــــصــــيـــــمـــــي

لياجـات اللـوازم مانجـنـب لــو تــروح رقــاب
كـذا طبـع الرجـال وكــل عــزوه دون ماقفـهـا
ذبحنـا الـداب الاسـود وأمـه الحـيـه بلـيـا نــاب
تــمــوت وسـمـهــا فـالـبـطـن والله لايـخـلـفـهـا

شــــــــــــايــــــــــــع الــــــعــــــيــــــافـــــــي

لا ترهبـنـا تــرا مانعـامـل زمـــرة الأرهـــاب
لـكـن الـيـا احـتـمـا المـيـقـاف والله مانحالـفـهـا
ابرسلك رسالة لونها ابيض فـي جنـاح غـراب
تحـذر مـن ريـاح الصيـف لا تامـن عواصفهـا

حـــــــــــمـــــــــــدان الــــعــــصــــيـــــمـــــي


أنا ماقـول فيـك قصـور مـار الحـق لـه طـلاب
تـنـظــف يــــدك بـالـصـابـون والآّ ماتنـظـفـهـا
على وضح النقا حان اللقا واللـي يـودي جـاب
لـــو ان أكـثــر عـبــادالله مـاتـوخـذ سـوالـفـهـا


شــــــــــــايــــــــــــع الــــــعــــــيــــــافـــــــي
وسمة ام الشداد وصارت لعوج الرقاب نصاب
تزكيـهـا اللـيـال البـيـض لا فـلــت مصاحـفـهـا
تبا تضحك عليك اهل الحسـد وتجـري الهيـاب
وتنـشـب فـيـك كــل عتـيـبـه الـهـيـلا وتخلـفـهـا

ماشاءالله ماشاءالله



محاوره رائعه وشعراء مبدعين



صح السنتكم كلكم



لكم تقديري

شــــــــــــايــــــــــــع الــــــعــــــيــــــافـــــــي

عطـاك الله ومـن يعطيـه ربـي مايصـك البـاب=ويـمـنـاك الكـريـمـه مــــدة الـدنـيــا تسـاعـفـهـا
اظن الوضع وايق يالعصيمي فـي حـزم كـلاب=اخاف ان الجمـال الصهـب تبـرك فـي معالفهـا


حـــــــــــمـــــــــــدان الــــعــــصــــيـــــمـــــي

تـرى ماهومهـم البـاخـره يكـثـر بـهـا الـركـاب=ولــكـــن الـمــهــم أقــعـــد الـعــالــم ووقـفــهــا
عليك الهون وتبيـن الصـور بالمنظـر الخـلاب=وتلـعـب قـافـك المسـحـوب والاوتــار تعزفـهـا

محاوره كلها جميله تحمل صور وأساليب الحبك والسبك الملحف بالرموز المتبعه
صحت ألسنتكم وعقولكم ولاهنتم
مع خالص التقدير

بيض الله وجيهكم

محراف رائع من عمالقه ولا غرابه في لك

تحياتي للجميع

الله الله

هذا والله الابداع

صح الله السانك يابوفارس وصح الله السان حمدان العصيمي

سجل إعجابي

هذا والله الصخر ماعليّ من الكلام

صح لسانك يابو فارس وصح لسان حمدان


وبيّض الله وجيهكم ووجيه الرجال اللي نسقوا لمثل هالطاروق


احترامي

ابو فارس

صح السانك والسان حمدان

وبيض الله وجهك على النقل الطيب

ابو فارس
بيض الله وجيهكم على هذا المحراف

قاف يحمل من الصور الجماليه والسبك والحكمه

الشي الكثير وهذا لا يستغرب عليك انت وحمدان

تقبلوا شكري وتقديري الحارّين 0 اخوكم

أبوفارس ماقول ألا خير من يمثل
النداوي في المنتديات الأخرى ....
الله لايهينكم قاف طيب وكلام طيب يستفاد
منه وهذا تأييد للقاعدة المتبعة مايجي من الطيب
ألا طيب ..

تحاياي

الله الله

هذا والله الابداع

صح الله السانك يابوفارس وصح الله السان حمدان العصيمي



الله يحفظك

محاوره رائعه

وقد حضيت بشرف متابعته مباشر

تحياتي يابو فارس

صح لسانك يابو فارس شاعر كبير وكلامك كبير وحمدان شهادتي فيه مجروحه


الله يوفقنا وياك

تحياتي

الله الله


عز الله من اجمل مامر الساحه من محاورات يابوفارس


بيض الله وجيهكم

الله ,,,, الله ,,,, الله

شعااااار كبااار ... نقض وفتل

ابداااع وامتااااع

بيض الله وجيهكم

فطاحلة اقل شئ يقال عن هولا الاعلام



والله انكم ممتعين ورائعين كليات اكاديمية