مـشـــكـلـة الـســكن والإيـجـار (فكاهيه)

[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]
كل واحد يبتدي المشوار مجهولٍ مصيره = ولا يعلم السر غير إلاهنا رب الأنامي
وابتديت اول حياتي مثل من يبدا مسيره = أمشي مع الضرف قبله وامشي مع الضرف شامي
والكبيره في عيون الناس في عيني صغيره = قو باسٍ مثل صلفين البشر مدري علامي
كنت اظن ان الرجل عقله دلولاه ونظيره = مير ما صارت حسب ظني على الدنيا السلامي
الليالي من صغر سني وهي صلفه عسيره = ملطفت بي مشقيتني نطحتني للمظامي
كارب حزامي واحسب في شباحي والذخيره = والليالي ترخي المشدود وانا اكرب حزامي
ابتديت اصارع الدنيا وهقواتي كبيره = قلت اسم جدي ما ينزل بي مع صغار الأسامي
واحلم ابيتٍ ينومسني مع رجال العشيره = وكل من سيّر كسبت بخاطره جل احترامي
والرجل لاصار يخشى الذم ويحب الستيره = يبتغي يمناً طويله مع رفيعين المقامي
مير لفت بي ضروفٍ كنها اسلاك الضفيره = اخلفتني غصب عني واقصرتني عن مرامي
قلت ادوّر بيت واسكن به ولو يمت غبيره = او آخذ لي قرض واملك بيت لو بم الحمامي
وكبرت اللقمه ويمنا الجود للطيّب قصيره = ورحت انا والفقر يوميا خصاماً في خصامي
قلت ابشري لي رقه لو كانت فأي ديره = وابقدمها مثل غيري لكن الموج زامي
التراب اغلوه اهله وصارت الرقه سعيره = صار سعر الارض باهض اكثر من مهر المدامي
والشقق غليّت وطارت من سبب عمي البصيره = ارفَعو سعر الأيجار بلا رقيب ولا نظامي
الاراضي فاضيه واوضاعنا عسره خطيره = اسمحو في كل حي يصير موقع للخيامي
جيت في مكتب عقار وخذت لي شقه صغيره = مجلس وغرفه ومطبخ جنبه اصويلة طعامي
لا رقدت الليل عايلتي نواظرهم سهيره = المحل صغير ما يسمح لحد عندي ينامي
يسهرون بجانبي سوات من يحرس بعيره = ويرقدون بغرفتي لامن روحّت لدوامي
يابو متعب ياملكنا راعي اليمنا الشطيره = نار حمرا فالسكن فزعتك يالحر القطامي
شاعرٍ يشرح ضروف الشعب بحميا وغيره = ما يقول إلا الصحيح ولا على مثله ملامي
ياطويل العمر اخذ قولي بلا شكٍ وحيره = عاقل وقولي يدل التايهين مع الظلامي [/poem]

سعود
والشقق غليّت وطارت من سبب عمي البصيـره
ارفَعو سعـر الأيجـار بـلا رقيـب ولا نظامـي

فعلا ابلا رقيب ولا نظام


دائما ً مواضيعك ياسعود هادفه


صح لسانك ولاهنت ودمت بخير يالغالي




لك خالص تقديري ..

سعود القت


أعشق شعرك وأستمتع به أينما كان فأجد به الأصل الجميل


صح لسانك ولاهنت ودمت بخير يالغالي




لك خالص تقديري ..

سعود


أرحب يالقرم تعلم أني أحبك في الله وأقدرك وأغليك


ماشاء الله فعلاً الشاعر لسان المجتمع وأنت هنا تكلمت بلسان كل مواطن شريف ونقي

يعاني من هذه المشكله التي ألمت بنا جميعاً وقد صورتها بحقيقه في قالب فكاهي جميل ومحبب

وياليتها تاصل لابو متعب لكن كيف تعدي من البطانه ..


صح لسانك وبيض الله وجهك والله يحفظك

الاخ سعود القت
صح لسانك ولاهنت
ودمت بخير يالغالي
دائما ً مواضيعك ياسعود هادفه



لك خالص تقديري ..

سعووووووود القت



لاهنت والله على هذه المعبره الوافيه اللتي ابتسمنا لها إجابا بطريقتك بنظمها وتصويرك لبعض المشااااااااااهد


تسلم يالغالي وصح لسانك وعساك تملك قصر بالعليا على اربع شوارع (قل آآآآمين)


دمت بحفظ الله
تحيتي لك

الشاعر سعود القت


صح لسانك ملاييييييييييييييين يابوعمر



اشهد بالله ان الفقر فقر القلب واشهد انك سنافي ويمناك طويله ولايهون الحاضر



اكثر الناس مايعرفك لكن انا اعرفك واقتدي بمراجلك وعلومك اللي ترفع راسك فوق مع النشاما شروا الحاضر




تقبل تقديري واحترامي

سعود

صح لسانك وصح قلبك
قصيده وافيه ومن راس وافي

لا عدمناك ولا عدمنا حضورك

مشهووووور ....

ابو عمر

صح السانك ولاهنت

قصيده رائعه ومعبره

لك تحياتي

الغالي سعود
شاعر أحرص على متابعة مايخطة قلمك الهادف
صح الله لسانك

وسلم بنانك وفكرك

ولاهنت
دمت برعاية الله وحفظة

اخوي فهد
صح بدنك
تقبل التحايا

الله يصلح الاحوال آآآآآآآمين





سعود القت.










صح ألساااااااااااانك يالقرم.





تحياااااااااااااااتي

اخوي مطر
شهادة مثلك مدوره
تقبل التحايا ولاهنت

قلت ادوّر بيت واسكن بـه ولـو يمـت غبيـره
او آخذ لي قرض واملك بيت لـو بـم الحمامـي



صح لسانك على هذه القصيده الرايعه



جزله من جزل

اخوي ابن شايع
صح بدنك ولاهنت
تقبل التحايا