قيـــــــــــــريات

[align=center]
[poem=font="simplified arabic,6,red,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
في خاطري حاجه ما هيب اي حاجه=خلّوني اسكت لايجي علم ثاني
الصمت حكمه والسوالف سماجه =احسن لي اموّل لا دنا لداني
يابوطلال القير صاحبك ناجه=الهم طاويني و أجامل وزماني
الحظ عيّا لا يولع سراجه=صبحي و ليلي كلبوها تعاني [/poem]

كتبت اربع ابيات في صديقي العزيز ومر عليها هكذا

المشاركة الأصلية كتبت بواسطة عبدالله بن طلال
صح لسانك يابو بندر

وابشر بالخير

لي عوده انشاء الله

رديت عليه وقلت اربع ابيات بعد

[poem=font="simplified arabic,6,red,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يا صاحبي يمكن ماعاد انتواجه=يمكن تلاقي في رجوعك مكاني
مالاعك الّلي لاع قلبي و داجه=ولا بعد جربت ضيق المحاني
ذقنا من الراهي وذقنا هماجه=واخذت من دنيا الشقا ما كفاني
قفيت مثل اللي عقد لي حجاجه=لا خاب ظني فيك فالعمر فاني[/poem]


فـمر الشاعر أحمد الاسعدي وجاراني في هذه الابيات

[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ياسعيد غن وكب عنك العواجه=وإليا اعترض لك عارضٍ قول عاني*
وترى المطر ياسعيد عقب العجاجه=وإن ما حصل قول الله المستعاني
والآدمي وقته يخالف مزاجه=ولولا كذا ما شفت فالناس عاني
ولابد ماصبحك يبين انبلاجه=وتقول عان الحظ ياحمد دعاني![/poem]

ورديت عليه بهذه الابيات :

[poem=font="simplified arabic,6,red,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
كلٍ يوقف موتره في كراجه=ما نبيب سافه صاحبي لا دعاني
يالاسعدي قلب الشقا واندراجه=شفقٍ على قلبٍ يواسيه ثاني
ياالاسعدي كلٍ يدور علاجه=الله يسامح صاحبي لا نساني
بلغ سلامي لا وصلتوا حراجه= وازكى تحياتي وجزل المعاني[/poem]

ثم رد علي أحمد الاسعدي مرة اخرى :

[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ما يسفه الصاحب ياكود الدجاجه=والحر لن جاه الخبر ما يواني
يالقير قلبك كان زوّد خلاجه=الصوت جرّه ياعريب المجاني
وسج الخلا وابعد عن اهل اللجاجه=وأطلب من اللي يحفظ المودماني
يحفظه ويعزّه وينبت افجاجه=بالورد والريحان والزعفراني[/poem]

وبعد ساعه اتى من سندة عليه الابيات الاولى ابو طلال عبدالله بن طلال وقال :

[poem=font="simplified arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا باللي عرض لي نتاجه = من هاجسه يبدع جزيل السماني
ماهوب هرج البهرجه واللجاجه = مصمصمٍ راسه لقدح المعاني
شعره نظيف ولا يحب العواجه = دايم وشعره يطرب المودماني
وانا ليا شفته يعقّد إحجاجه = يضيق صدري والله اني ما أداني
يالاسعدي ناده وقل له وناجه = لازم نحل المشكله في ثواني
ان كان ضايع له مع الناس حاجه = يستاهل الفزعه عريب المجاني
ما ضاقت الا تنتهي بانفراجه = والصبر مفتاح الفرج والاماني[/poem]

ثم رديت على ابيات عبدالله بن طلال وقلت :

[poem=font="simplified arabic,6,red,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
دام البقا ياشاعرٍ ذا نهاجه=من هاجسٍ يقدح من الجبخاني
ما هوب يتعب والحصيله سذاجه=اتعب على المعنى وهذا لساني
صاحبك يشرح شرهته واحتياجه=من حر همٍ يالقطامي كواني
الادمي لو الامل وش خراجه=لا تاه فكره بين هاتك وزاني
الخرب فاده ذا الزمان احتجاجه=والحر في وكره يضام ويهاني
جور الزمن ياصاحبي من سياجه=هذا وانا اشوف المصايب مواني
انا خويي في الشدايد يواجه=صعب المواقف وان دعيته لفاني
وانا من ظروف الزمن وارتجاجه=تقول قارصني ثعب واحتداني
[/poem][/align]

[align=center][align=center][rams]http://www.snnam.com/upload/uploads/files/snnam-5d95da59f3.mp3[/rams][/align]


[align=center][rams]http://www.snnam.com/upload/uploads/files/snnam-e43e182815.mp3[/rams][/align]




فرقا الخوي بصوت المبدع / عبداللــه الوايلــي

[poem=font="Traditional Arabic,5,#000000,bold,normal" bkcolor="" bkimage="" border="solid,1,#400000" type=2 line=1 align=center use=ex num="0,#400000"]
أخوي صاح البارحه للعذاريب=وارخيت له راسي مطاعي مطاعي
ترا خوي الفقر والداب والذيب=يهون دمه للسباع الجياعي
الضيق و الحاجه و لا سكة العيب=اليا قصاك الوقت قص الذراعي
اليا تسكر باب حتى الدواليب=شد الرحال ولا يردك مناعي
خلك شمالي في ديارالاجانيب=واحذر تمدَح بالفخر والشجاعي
قفا وانا له للضما و المشاريب=انا فدا لك ياحميد المساعي
ساعة طلع نور الصبح فالمصاليب=ماغير اسلي خاطري بالتداعي
لقيت له جره ورا شمخ النيب=جريت له صوت الحزن باقتناعي
الله واكبر ياخوي التجاريب=رميتني للبير مافيه قاعي
أحر من جمر الغضا و المشاهيب=فرقا الخوي ودمعتين الوداعي[/poem][/align]

[align=center][grade="000000 4B0082 000000 4B0082"]كيبورديــــه على الطاير[/grade]


[poem=font="Traditional Arabic,6,purple,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يا هاجرتني خلق ربي واناملك=الله خلقها تختلف ما تساوا
انتي تغيّرتي علي في تعاملك ؟=ولاّ على جوك نجومٍ تهاوا!!!
لي نظرةٍ في جانبك ما تجاملك=شيهاينةٍ منزلك فوق العلاوا
الله يهمل من طرا له يهملك=ولاّ يصدق فيك هرج الشلاوا
اقراك في خطك واناظرك واملك=قدرك كبير وصدّتك ما تداوا
اكبر غلا بالحب لك.. والهمم.. لك=واليا رضا جانبك قلبي تشاوا
وان كان شفتي صاحبك ما يِجمّلك=قولي ترا مالك على الحب ماوا
الله هو الظاهر وهو مالك الملك= و القادر الحق القوي ما يقاوا[/poem][/align]

[poem=font="traditional arabic,6,purple,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
ما يرفع الضغط ويسبب لك الغده=الاّ الهوى والسهر ومبيّح السدي
بعض المحبه تهين القلب وتمده=فنجال هجران وبياله من الصدي
راعي الهوى دمعته لاشققت خده=نتيجة الحب و الأحباب والكدي
يا كثر شكّاية الهجران والصده=في شاطي الهم متعشي ومتغدي
اللّي توده وهو ما وده توده=جبلة الحب لا جاب لك بيودي
من راح جعله مراح مقيط في عده=سيور الايام بتجازيه بالردي
الله يمحى زمان الكذب ياجده=والله يرحم زمان الصدق ياجدي[/poem]

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
لابغيت انعس مع الخلق جا هاجد=همّي اللي كنّه السيل لا سالي
الفقر والحزن والهم متراجد=والمسامع صجّها القيل والقالي
لا جفانا اليسر والجيب ما يا جد=فالرجا فاللي على العرش متعالي
يالله الوهاب يالواسع الماجد=يالشكور البر و الباطن الوالي
يالغني المغني الواحد الواجد=يالعليم العفو ياعالم الحالي
هون اللي داخل الجاش متواجد=له ثلاثه سنين محتل له جالي [/poem]

شواهق

[align=center]سعيد القير[/align]

[poem=font="monotype koufi,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ما ادري شواهق نجد في عالية نجد=ولاّ عوالي نجد فيها شواهق
تستاهل التقديرو سماوة المجد=وام الشحم مثل ابيض الوجه لاهق
شيهانة الاحرار نرهيبها وجد=جيتك و على شايق وابروح شاهق
ترى سعيد القير.. ما هوب هاجد=شاهده في وجهه عليه البواهق
لا رحت منها.. جد.. وإن جيتها.. جد=ما نيب انابح في القوافي واناهق
تجيه بقعا فوق راسه هواجد=من صارت النيران صوبه فواهق
باختار له بيتين واجيه هاجد=لا قلتي إخرس ..ثور..ماهوب ....زاهق
سجلت عندك يا عوالي تواجد= ويتساهل الحقران ذاك المراهق[/poem]

[align=center]شواهق نجــد[/align]

[poem=font="monotype koufi,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يامرحبا يا من رقى قمة المجد =وعلمه تعلاّ فوق عرش الشواهق
يامن ربى بالعز في عالية نجد = من ضن فيك بشر غلطان واهق
عزالله انك فخر الاخوان في الجد=لامن غدا صلف الزمان يتراهق
عجل الخطاوي سايقة سايق الوجد=والعز يشعب لك ولاهوب فاهق[/poem]

[align=justify]

ذكر بأن المستشعر هو اللذي لا يشعر وإنما يستمد قواه من الأخرين بالشعر والفكره والجمل والإبتكار ويقوم بتكوين نص شعري بجهود غيره .والمعروف بأن في الشعر توارد خواطر وإقتباس لأبيات البعض وإنشاء قصيدة عليها كذلك قصائد الإسناد تتمحور في موضوع واحد فهل ينسف مجهود شاعر لتوارد الفكرة والمضمون مع مضمون وفكرة شاعر أخر أما من يشتري الشعر ويبني على قصائد الغير كل قصائده فذلك حق تسميته بهذا الإسم,,,
ولكن هل التسمية والتهكم بشخصه هو الحل أم مناقشته وتعليمه إن وجد من يثقفه ويقوم بتوعيته
وهل هنالك من يبتكر في الشعر شيئآ في وقتنا الحاضر بعيدآ عن الفكرة والقافية
وهل هنالك منتديات تثقف وتوعي الشاعر عن تلك الأمور وليس بها من المجاملة شيئآ وهل القائمون عليها
بعيدون كل البعد عن إقتباس الأفكار وتطويرها وبعيدون صياغة ماصاغه اللغير
محمد القسامي

أخوي محمد كل ماذكرته عين الصواب لله درك ..
التسمية والتهكم بشخصه .. اعتقد انها ليست حل
ولكن الحل الصحيح والايجابي هي التوعيه الأدبيه ومناقشته بجديه وبدون مجامله
بطريقه ادبيه تكتب وتقرأ ومهذبه وحسب شريعتنا الاسلاميه
و هناك الكثير ممن يبتكرون في الشعر بل عباقره
نعم هناك منتديات تثقف وتوعي الشاعر بدون اي مجامله
ولكن يسودها المستنقدين ويعكرون صفوها للأسف
باتأكيد القائمون عليها لديه المصداقيه والفكر الأدبي العالي والاغلبيه
يسودها التقليد وهذه مصيبه بحد ذاتها .[/align]

[align=center]المستشعرين لا يقصد بهم المبتدئين في الشعر,
يوجد من صغار السن شعراء على مستوى عالي جدا في الشاعريه.
والشعر لايدرس في ماده خاصه لتخريج شاعر .
الشعر موهبه من الله عز وجل ورغبه
ولكن لابد ان يمارس الشاعر الشعر مع منهم أعلم منه بذلك
وتثقيف نفسه والاطلاع والقراءه المستمره برغبه ليجد المتعه في ما يطلع عليه
أمّا كلمة مستشعر فلها تعاريف عده ولكن ما يهمنا هنا مستشعر الشعر .

تعريف المستشعر في الشعر ::
هو الشخص الذي لايشعر وإنما يستمد قواه من الاخرين
بإشعار أوبفكره او بجمل او ابتكار . ويقوم بتكوين نص شعري بجهود غيره ,
ولكن مهما حدث يبقى فاقد الشيء لايعطيه [/align]

وقفـــــــــــة مع الشاعره

شجــــــن

س1/ ما هو السر لعدم كشف الشاعره اسمها الحقيقى اذا كانت متحجبه ؟

بداية ٍ لم تحدد الوسائل الإعلامية لظهور الشاعرة ان كانت محجبه اما سافره
فلاعلاقة له بالأسم الحقيقي او المستعار بما أن الوضع ليس بمسابقة شعرية تشترط
فالحجاب شي ٍ مرتبط بالعقيده والأسم المستعار رأي شخصي لكل شاعرة وربما مرتبط بالعادات والتقاليد حسب الوضع الأجتماعي القبلي او رغبه للشاعرها نفسها بهذا المسمى .

س2/ طابعك الشخصي عن القائمين على المسابقات بترك زمام امور هذه ِ في ظل السيطره الخارجيه من محيطنا ؟
لامانع بما أن الهدف للتكسب !.

س3/ ماذا تعني لكي هذه الجمله ( فاقد الشي لايعطية )
لاارجو من البنك المال وهو فليس

س4/ الشعر النسائي في الوقت الحالي . اين ترينه ؟
يتمتع بــ ِ سونامي الطفرة الإعلامية

س5/ اعلام القنوات و الفضائيه و الاعلام المقروء والمسموع أوالإنترنت ايهما أنفع وأقرب للشعراء ؟
من وجهة نظري المسموع اقرب والأنترنت انفع

س6/ كثير من الشعراء لا يؤمن بشاعرية المرأه . ردك على هؤلاء ؟
وكثير من الشاعرات ايضاً لاينتظر بمن يؤمن بشاعريتهن من الرجال
لان انتصارها بحرفها يتوجها ..

س7/ الناقد شاعر أم الشاعر ناقد أم الاثنين و متى وكيف ؟
الناقد ليس من الضروره ان يكون شاعر وممكن الشاعر يكون ناقد، والناقد من الضروري ان يجيد معنى النقد الذي مشتق من كلمة منقود
ويتميّز بالنقد البناء في القراءات الفنية للنصوص وتفحصها من كل النواحي لكشف جمالها وعيوبها.
كما أن النقد يجب أن يكون موجها إلى ما يكتب وليس إلى من يكتب , بعيدا عن التشخيص .


س8/ بعد النظر اوالحس والفراسه الذكاء من اركان الشعر وتواجدها في الشاعر او الشاعره؟
هذه ِ موهبه يضعها الله بالأنسان على وجه العموم وليس لها تحديد في شاعر او شاعره
والمفترض تواجدها ومن الضروره بلعب المحاوره
اما النبطي يضاف إلي تلك المميزات .. الالهام وسعة الخيال لتصوير معنى .

س9/ ( الساحة الشعبية ) في نظرك ؟
هي الساحة الشعبية ساد غثها على سمينها

س10/ متى ينتهي الشاعر ومتى تنتهي الشاعريه؟
الشعر مشاعر ويخرج على قصائد او غير قصائد وليس بــ وظيفه لها بداية ونهايتُها للتقاعد .

س11/ الساحه الشعبية تمر بمنعطف تصحيح متى تتجاوز هذا المنعطف ؟
كنت اعتقد بأنها تمر في مرحلة تصحيح ولكن خذلني اعتقادي ومن قال بأنها تمر بل يعيد النظر

س12/ ؟من المستفيد الأول من كثرة المنابر الاعلاميه الشعراء أم الشعر؟
الشعر مصادره الشعراء والفوائد للشعراء حسب مايُقدم من ماده تجد القبول

الف الف شكر للشاعره القديره ( شجن )


إعداد / سعيد القير

بعض من قصائد الشاعر بندر بن سرور
كانت هناك قصيده لبندر يهجو بها السديري وعندما سأل السديري عن عدم رده علي بندر قال هذا شاعر بيوته ابكار اي بكر لم يسبقه احد علي قولها.
وله بيت يؤكد ما قيل عنه
أنااليا مني نويت أفتل البيت
.............................فتلت والشعار ما ينقضونه
صدق متنبي عتيبه[poem=font="simplified arabic,4,#000000,bold,normal" bkcolor="" bkimage="" border="solid,4,#400000" type=0 line=0 align=center use=ex num="0,#400000"]
يا سخيف الذرعان مانيب مرجوج=رجتني الدنيا بغدر وحيله
يابنت لولا اللي على تاسع الفوج=تركت نجد وعزوه بالقبيله
لا شك حاديني على نجد هيدوج=مسقى الفيافي لين يدرج مسيله
تركي لي من البلاوي غدن عوج=حمله عتيبه كلها ماتشيله
يرسى كما مينا البواخر على الموج=ومنين ماصك البحر ترتكيله
مادام تركي حي ماودي ادوج=وان غاب غبت من الرجوم الطويله[/poem][poem=font="simplified arabic,4,#000000,bold,normal" bkcolor="" bkimage="" border="solid,4,#400000" type=0 line=0 align=center use=ex num="0,#400000"]
متى يجي في نجد بعض التدابير=حتى يجي للصابرين انفراجي
يالله ثبتني على الارض لا اطير=لين اشرب الشاهي واكل علاجي
علاج راسي حبتينن بقصدير=اللي عليهن رسمهن بزدواجي
ويامنير اخذ الفرت واخذ الفواتير=واحرص عليه ودخله بالكراجي
ان كان يبغى زيت عب المواصير=وان كان يبغى نار غير بواجي
واليا استعد وضخر البعد تصخير=تصخير شيهانن لفرخ الزراجي
عده على اللي مايعد المخاسير=ركاز عمدان الخشب للنعاجي
تم قل لبو ماجد ترى وقتنا غير=واتبدلت سحب المطر بالعجاجي[/poem][poem=font="simplified arabic,4,#000000,bold,normal" bkcolor="" bkimage="" border="solid,4,#400000" type=0 line=0 align=center use=ex num="0,#400000"]
الله من عين طرقها صواديف=عميت ويبسن بالعروق الصخافي
شفت الوزا بالعين من عرض ماشيف=شفته وغيري من فطن له وشافي
وقت تغير فيه حتى العواصيف=جا في عواصيف الرياح أختلافي
شره قناطير وخيره مقاطيف=يفطن له اللي يرضع الديد غافي
كم واحد جاله زمانه على الكيف=واغترته نفسه يبا الجود وافي
يطلع مطاليع العلا بالسواليف=بين العذارى عد روحه سنافي
يفرح بهرج بالقفى يكره الضيف=قتات والقتات بالنار هافي
يعلق قصيره علقة النار بالليف=عي ولد عي زنوده ضعافي
ان رخصت الحذوه توفي عن الحيف=وان غليت الحذوه مشى اللاش حافي
يرقد ويلحق والدينه تخاليف=دايم ومرقد ميت النار دافي
هو مادرى ان الجود يبغى تكاليف=سهر الليالي مقبلات مقافي
يبغى يدين للعطايا مغاريف=ويبغى رجول ماتمل الوقافي
والصبر بنحور السنين الشواحيف=اللي قساها مثل حد الرهافي
مايقدرون الجود سود الأطاريف=مشاركة بيض النسا باللحافي
يقدر عليه اللي حكم نجد بالسيف=واودع مباغيض القبايل ولافي
عبد العزيز اللي يبث المصاريف=يجدع قناطير الذهب بالفيافي
يمشي على دربه جموع مراديف=نو تحدر ماه والجو صافي
يشدي لواقيط الزبيدي بعد ريف=ومما كسى البيدا تفيد الضعافي
سر ياقلم مالي على الصبر طاقه=صبري تعدى الحد ماعاد ينطاق
أكتب لمثلي قصته واشتياقه=في خطك الواضح على بيض الأوراق
قصة حزين صافي الحر ذاقه=انا بذكره ماصله خاطري ضاق
باقو به الأصحاب والوقت باقه=وصار الضحيه بين باير وبواق
يمشي وهو ماحس في كسر ساقه=امسى على ساقين واصبح على ساق
مهذي سواة الوقت شين اصطفاقه=الوقت لو يصفى لك ايام دراق
لاشك يامن معك عقل ولباقه=بنصحك كان انك للأمثال تشتاق
صادق رجال يعرفون الصداقه=يقفون صفك يوم يبسات الأرياق
ومن يرغب فراقك فعجل فراقه=جاز الذي يجزيك أفراق بفراق
يقوله اللي جاير الوقت عاقه=ولازال في غيبوبة الهم مافاق
حظه على اقشر شي للنفس ساقه=بقبور الاحياء ينتظر يوم الأطلاق[/poem] [poem=font="simplified arabic,4,#000000,bold,normal" bkcolor="" bkimage="" border="solid,4,#400000" type=0 line=0 align=center use=ex num="0,#400000"]
ياهل الونيت اللي يبي مشتل البيب=مادق صدره بالخطوط الغزيره
يوم يتخثع مع محير الأداعيب=يشدي تخثع جادل في حريره
لاتجربونه مايبي الفرت تجريب=قد جربه بالبيت الأبيض خبيره
عدوه لابن حزام سيد اللواعيب=لعاب زينات البيوت العسيره
ثم قل لقاعد مانبي منه تدريب=الوقت دربنا على كل سيره
لو كل من قاد السبب يعلم الغيب=ياما كرهت النفس من باب خيره
ان قفت الأيام ماها مغاريب=واليا اقبلت يازين صافي غديره
قل له رميت الكيس بين الشواريب=واليوم ادوج مالقيت اتعميره[/poem]

في وقتنا الحاظر انقلب السحر على الساحر وكل حمامه تقوقي لختها
ففي حرب بين انفسهم على الشعراء كل من ضاقة عليه الوسيعه جلس لحاله ونظم له بيتين وجاك فزاع والمصيبه انه يجد مدرج للهبوط.
ففي كل بيت تجد شاعر وشاعرهـ الله يديم الرخص!! انت مطلع على الحاصل والجميع لا يخفاهم الفاضح.

[align=center]
اتمنا ان الشعر في العقد الماضي بقي على ارتباطه بالماده.



[/align]

[align=center]
التصنع في التعجيز وخاصه في الشعر حنظليلة و اول مايعجز شاعر التصنع قبل تعجيز خصمه في الشعر الشاعر القوي
و الشاعر الشاعر.. اعتقد ان الامر لايحتاج تعليق الشمس لاتحجب بغربال

[/align]

[align=center]
لكل شخص بغض النظر عن الشعر بين حاجبيه وفي قلبه عزله فأنا في الشعر لا اكل ولا أمل من ثلاثة شعراء أولهم المتنبي قد مات وبقي لي باقي و الأول والثاني في شاعر العرب في نسخة الاولى[/align]

[align=center]
البحر / صديق

الارتواء / ملل

المجهول / ظلام

الحب / حياهـ

الظلم / دليل النجاح




[/align]