مسْرح الجـــــرْح

[poem=font="Simplified Arabic,5,#0015FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
هذا الفضاء ملْككْ ولا ودّك تطير= ارجوك قم ياطير حرّك جناحك
حبست نفسك فالقفص خير ياطير=وقضيت عمرك وانت تنزف جراحك
مااشتقت للمنهاج في صبح وعصير=اليا صفا جوّك وهبّت رياحك
عايش طليق وتنتظر فزعة الغير=من نفسك السجانه اطلق سراحك[/poem]

[poem=font="Simplified Arabic,5,#E01602,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الغيم لو داعب جبال السراوات=الشعر ينبت من رباه ووهاده
ياللي تحرضني على بدع الابيات=ماعادلي فالشعر شفِّ وراده
احسن منه لو انّي اقرالي آيات=بعد الفريضة في بيوت العبادة
والاّ اركع اليا هوّد الليل ركعات=وقت السحر والليل مسدل سواده
الثلث الآخر فيه ساعة ولحظات=لحظات ربّي يستجيب لعباده
اوقات فيها تستحب المناجاة=ومغادر فراش الدفى والوسادة
تجري بنا الدنيا بدون اتجاهات=احيان نغوى عن دروب الرشاده
واحيان نمشيها على كيف ماجات=ماهيب حسب المعرفة والارادة
ندلّها مرات ونضيع مرات=ولا كل مخلوقِ يحصّل مراده
بين الفرح والحزن نقطع مسافات=فيها ندوّر للونس والسعادة
احلامنا كالغيم غطّا مساحات=لكن مايصفى للارض بوداده
المسعد اللي ماغدا فالمتاهات=قدّم لنفسه قبل تبلى جداده
والشعر ماهو من عظيم الكرامات=هرج العرب والابجديّة مداده
مليون شاعر عانهم فالقناوات=شباب واطفال وبنات وعواده
كلَّ يقول انا زعيم المهمات=الفارس اللي ماتعثّر جواده
ثلثينه مهايط ورب السماوات=محتاج جراح وطبيب العيادة
الشعر يبقى حي لو شاعره مات=وبديوي الوقداني اصْدق شهادة
وفالحاضر الراهن رموز وعلامات=وكلِّ يدوّرله مثل من بلاده
اشعارهم تاريخ مجد وحضارات=وتبقى على صدر الليالي قلادة[/poem]

[poem=font="Simplified Arabic,5,#8500FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
غيظي الشمس ذبّي شيلتك عن سديم=أدري الشمس تحلم توصل لمستواك!
وخلّي البدر في جنح الليالي يهيم=يقتبس نور من نورك وينسى سواك!
انتي احساسك ازهار وسنابل وديم=سولفي للخزامى والزهر عن شذاك![/poem]

مثل المطــر جيّتك تحيــي خفــوقـــي

تزهـر بعطـرك حاليات الاحــاسيس

صراحة ان شفت اسمك يزيد شوقي

كنّي سجينٍ من قدامـــى المحــابيس

تستاهـــل اكتبلــك بدم العــروقــــي

لانّـــي احبّــــك بكـــل المـقـاييـــس

مير انت مثل العاصفــة ماتــروقــي

خواف ومسيّس مشاعــرك تسييس

لازال لك في فجر عمري شروقــي

لاتخلــف ظنــونك تعوّذ مــن ابليــس

ماني لساعات السعــــادة سروقــي

ولاني من اصحاب العقول المفاليس

أمّـا عطوني مااطلبه مــن حقوقــي

أو حنطـوني جنب تمثــــال رمسيس

سلام ياللي غلاه محاصر(ن) روحــي
ان قلت ابنساه جاب القلب له طـاري

في حبه القلب لايسمع ولايوحـي
لالاقلــي غيــره ولا لاقلــه غـــاري

ميّلت غصن الهوى ياقمري الدوحـي
علــى ترانيـم لحنـك تشتعــل نـــاري

ادرى عليك الملامة واكوي جروحــي
اسمـك حفظته غلا في خزنـةاسراري

عجزت اصالـــح بين عقلـي وقلــبي

عقلي حكـــيم وقلبي اقشر وصعلوك



عقـلي مــع ثقــات البشر ماغدربــي

وقلبي يمشيني على الجمر والشوك



واحــد يحلّــق كلمــا هــب غربــي

وواحد يقلطني مع شيوخ وملوك



صرت انتخي بالعقل في كل دربي

والقلب خليته ورى باب مصكوك

من أنت هل أنت بدراً كنت أعشقهُ؟
أم أنت حلماً جميلا كنت أرجـــــوهُ

أم أنت فجراً أضاء الكون مشرقهُ
أم أنت لحناُ طيور العشق تشدوهُ

أم بلســمٌ ويــد الاقــدار تُغدقــــهُ
علـى فؤادٍ وقار الشــوق يعــلـوهُ

أم أنت زهرٌندى الإصباح يغـــرقهُ
ورونق الحُسن والإبداع يكسـوهُ

يامن خُطاهُ إلى الأعماق تسبقهُ
وطيفــه أبتِ الأ يـــــام تمحــــــوهُ

تعال الغلا اللي خابره زاد 5 اضعاف
ولاشاب قاف الشوق ولانضب جمّــه

مانيب سيفٍ فوق روس الحبايب

ولانيب خنجر في ظهور الموالين



قلبي سليم من الردى والشوايب

ماني كما اللي قلبه اسود من التين



قصــر المــودة مايعــوّد خــرايــب

عندي وعند الغانمين المتاقين



ولا اسْلك دروب القشر والنشايب

أقـــدّر الغــاليــن واثمّــن الزيــن



اهوى الحيا واهوى الحرار النجايب

واللي هواني يوم يعشقني سنين



اللي يجي يلقى الغلا شهد ذايب

افرشلــه دروبــه ورود وريــاحيــن



واللي يروح انشت عليه السحايب

يبقى مكانه داخل الروح والعيــن



وياسعود منت بقاضــيٍ للطلايب

في كل يومٍ ودّك احلفلك يميــن



أبشّرك بالــي من الحــب طايـب

تباني ارحل من هنارحت هالحين

[poem=font="Simplified Arabic,5,#0005FF,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
صكوا درايش بيتنـا خايـف يطيـر=قلبِ مذيّـر قـام ينهـض جناحـه
خايف يحلّق فـوق ويسابـق الطيـر=تكفون لايلقـى مجـال ومسـاحـة
وشفيك يالقلب المولع عسـى خيـر=الشـوق ذعذعبـك وهبـت رياحـه
عسى الولي يحميك من ضيقة عصيْر=اللي لها بيـن الضلـوع استراحـة
بعض الهموم تحوم من دون تبريـر=تبحث خفى القلب وتجـدّد جراحـه[/poem]

سيــد القــاف ماللشعــر بعــدك مـزاج
انت نبض المشاعر وانت عطر القصيد

كــل حرف اكتبـه مافيـه طعمك همــاج
وكل بيت ابدعه لجلــك فريــد(ن)جديــد

أخذوا بثاري ياهل السوق تكفــون
شوفوا غريمي دش برج العبيكان

نظــرة عيون إلاّ حشا طعنة عيون
من طالعتني رحت انا في خبر كان

ان رحت بعد اليوم للسوق مجنون!
لااغدي ضحيّــة طـــرف ساحــر وفتــان!
h

الدلاخة كنــز يابخــت الدلــــوخ!!
ياكلــون ويشربـــون ويـرقــدون
ماتسبب فيهــم الهرجـة شـروخ!
لـو تجي كبــرالدركتــر يضحكون!
لاكرامـــة لاطمــوح ولاشمــوخ؟!
ولا أثر نفسي ولاهم يحزنـــون!
كنّهــم للهــون والذلّــة فــــروخ!؟
يسمعون اردى الحكي مايزعلون
عانهم دايم ورا اشباه الشيـــوخ
دون شكل ودون طعم ودون لون

لاتحشــد جيــوش كيــــدك لاتحاربنـــي
ولا تعــدّ نبضاتــي ولاتحسب انفاســي

قلّي وش اعطيتني حتــى تحاسبنـــي
غلاك ماهوب جندي يحرس احساسي

اهديتنــي شــك يبرانــــي ويتبعـنــــي
واهديتك الحب مثل الشهد في كاسي

نــــورك تبـــــدّل وكنّه نــــار تحرقنــــــي
وانا احسبك نوري وضيي ونبراســـي

أمّــــا اترك اقدرانا اللــي تهــدم وتبنــي
وإلاّ صروح الغــلا تبنى علـى ساســي

صراحـة اشيــاء كثيــرة فيــك تعجبنــي
إلاّ غضبــك وصلفــك وقلبــك القاســي

ف/الطيــب بالــذات انـا اتحداك تغلبنـي
وفي غيره ابركلي ابعد عن وجع راسي

[poem=font="Simplified Arabic,5,#4F00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
تسرق خيالي وانا بين البشر سرقه=واضيع في طيفك وفي صبحه وليله
غلاك عن كل غالي بيّنٍ فرقه= حلّيت روض الحشا يانافلٍ جيله
هواك فالقلب من غربه الياشرقه=احتلّ جوّ الخفوق ومامعي حيلة
افرح اليا اخذتني لديرتكم الطرقة=واحلم بفنجال بنه ضاع في هيله
نو الجفا في سمانا مالمع برقه=لا ارْعدْ ولاامْطر ولايمّك حدر سيله[/poem]