مسْرح الجـــــرْح

الـورد للــورد مــن يستاهلــه غيــــرك؟؟
مســــاك ورد وصبـاحــك ورد يالغالــي

ياكثــر قربــك مــن احساسي وتأثيـــرك
مزروع فــي نبضــي وفي شرفة آمالي

نهــب خفوقي وحلّق ف/الفضـاء طيــرك
ليتك تـردّ الخفــوق لوضعـه الســـالــــي

احلى مشاوير ف/الدنيــــا مشـــاويــرك
لوكان صوب النفــود وللخــلا الخـــالـــي

عساني مااعدم احساسك ولا اخلا من مراسيلـك

مراسيلــك لهــا طعــم ولهــالـــون وشكـــل ثانــي



اليـــا هبّت ريــــاح احــلامــي اغرق في تفاصيلك

واليا اجهى حلمـي الوردي تحدّر سيل حرمانــي



انا ممنــون هتانــك وفــي رجــوا مطــر سيلــــكـــ

اخيل بروقككـــ اللي تعتقـــب في غـــر الامزانــــي

قعدت اسولف للقصايد عن غلاك
لين القصايـد ملّت مــن اوراقهــا

لبْستْ حللها الفاخرة حتـى تراك
وجاتك تمخطر والغلا ف/اعماقها

زف الفــرح ياهاجســي والتهــانـــــي
بمناسبــة عيــد الفــطر لااقرب النـاس

نــاسٍ غــلاهــم راســخٍ فــي كيانــي
اغلى من اصناف الجواهر والالمــاس

للعيــــد فرحـــــة وابتهــاج ومعانـــــي
شلال من فيض المشاعر والاحساس

وعاد انت غيرالناس لك وضــع ثانـــي
(بارق أمل) في ظلمة الياس نبـراس

شيّدت في صدري صـــروح ومبانــــي
ماهيب حيّــا الله مبـانــي بـلاســــاس

نقشت طيفــك فالضلــوع المحانـــــي
وخليت فكري يغدي اخماس واسداس

يا صاحبــي ذبلـــت الفرحــة ومــــلّ البطـــا
وضــاع الامل واندثــر في سكّة المستحيل

معقولة ارسـل سلامــي مع طــيور القطـــا
ضاعـــت عناوينــك وضعنــا وضـــاع الدليـــل

والله لو اعطيتني لااعطيك ضعـــف العطـــا
وانا عتيبـــي ولا اخبــر في عتيبــة بخيـــل

حنّا كما سيــف خـــالــد يوم بــان وسطـــا
الاسم لايـــق ولا نرضــى بغيــره بديــــــل

وحنّا كما السيـل لاجــاس الديــار ووطـــا
جبار لن هلّت امزانــه وضاق المسيـــــل

[align=center]برّإك رب السمـــــاء من سمــــاه
ياحبيبة خــــاتــــــم المــــرسليــن

أمّنـــا تبــّــت يديــــــن البغــــــاة
الطغــــــاه الســذّج الارذليـــــن

مايضــر النهــر حذفـــة حصـــاة
ي/اشْرف وأطهر نسا العالمين[/align]

نهــــر الغلا جاك يتدفّــق من اعلاه
يفيـــــض من نبــع الوفــاء والمودّه

بالمختصر لو صــب في بحر حــلاّه
تبغــى تأكّد روح(ذق) بحـر جـدّه؟؟

انت الوحيـد اللــي عيونـــي تمنـاه
وانت العزيـــز اللي خفوقــي يـودّه

أمطر سحــــاب الفرح مرحــا بالاعيـــاد مرحـــا
ومرحـــا بمــن بادرونــا بالتهانــي فالاعيــــــاد
فالعيد ب/اسمك ورسمك كل الاحلام تصحـى
وترتــــدي مـــن حللـــها عقـــد وثيــابٍ جــداد
من بين كـــل الخلايــق مالهـــا عنــك منحــى
مثــل النحــل مالــه إلاّ الــورد والزهــــر ميـراد
جاتـك تــزفّ الفــرح بمناسبــة عيــد الاضحـى
عيدك مبــارك عسى افراحك والاعيــاد تنعـــاد

[poem=font="Simplified Arabic,5,#002CFF,bold,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
يارب تجعل نهاياتي وانا ساجد=داخل حرم مكة او مسجد رسول الله
لو كثرت ذنوب عبدك رحمتك واجد=عفوك سحاب بكرمك وجودك تهله[/poem]

واحد من اصحابي دايم يكتبلي ابيات ويطالبني
بالرد وانا مااحب شعر الرد والمحاورة
فكتبتله الابيات التالية[poem=font="Simplified Arabic,5,#0005FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
انا كرهت الشعر لاعاد تبدعلي=ياصاحبي عفت من نظمه وقيفانه
انكان ربي بدبرة خير قدرلي=يفكني من فنون الشعر والوانه
ياالله انا طالبك ترحم وتغفرلي=بحق من طاف حول البيت واركانه
درب امرئ القيس ابد ماهوب لايقلي=لااحب طاريه ولااحب عنوانه
ومدحٍ وراه الشعر ماهوب جايزلي=ماني بمغصوب اقف قدام بيبانه
افضلّي اسلك طريقٍ غير واحسن لي=ارتاح واحفظ كتاب الله سبحانه[/poem]

[poem=font="Simplified Arabic,5,#004AFF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ضيّقت صــدر(ن) موْغـــلٍ فالرحابـــــة=من فضل ربي من غثا الوقت ماضــاق
وجفّفــت شــلالٍ يشــــــوق انسكابـــــه=يعني على وصف العــرب نهــر رقراق
من طـول صمتك صــاب حرفي كآبـــــة=قتلـت حلمــه فالتـــوهـــج والإشـــراق
اصبــح بنـــزوات القلــــم غيــــر آبـــه=وامسى رهيـــن الهـــم والهم عمــلاق
يمشي علـــى درب الملـــل والرتابـــة=الصمــت موتـــر والمقاديـــر ســــوّاق
تعزف ريــــاح الشـــوق ناي وربابــــة=تسمع لها صوت وصدى وسط الاعماق
بعض الجفا حطّـــاب والحلــــم غابـــــة=مفتون فـــي قطــع النوامـــي والاوراق
يقتصّ غصنٍ ما اكتفـــى من شبابــــــه=واوجاع فاســه وصلت الجذر والســاق
من بعدهــا ذبلـــت حــــروف الكتابــــة=والشعر في غيـــره من الخلـــق مالآق
الليـــل واحــــد والكــــواكــــب تشابـــه=إلاّ الـــذي نــوره ساطــــعٍ فوق الآفـآق
الوهــــم لاحضانـــه دعانـــي سرابــــه=موعـــود يروينـــي ويغرقنـــي اغـراق
ويـــوم انتهتبـــي رحلتـــي عنــد بابـــه=لوّح بكفـــه واغلـــق ابوابـــه اغــــلاق
وهالحين احس انّي ضحيّـــة عصابـــة=خلّــي وقلبـــي والمشاعــر والاشــواق[/poem]

[poem=font="Simplified Arabic,5,#3800FF,bold,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
احيان تعجـــز حروفي لاتعبرلــك=عن كثر قيمة غلاك وكبر مقدارك

الشعر يلبس جديده ويتعطرلك=يختال في روضك وفي زحمة انوارك

والهاجس اليا دعاه الشوق يسهرلك=يكلا ورود رسمها الوقت ف/اسوارك[/poem]

[align=center]نو المشاعر يمهم سال سيلـه
عندي شهود انّه كبر سيل جده

نوٍّ ثلاث سنين مااجهى مخيله
مدري متى تثمر بساتين ودّه

قلبي جفا صدري وعزّم رحيله
لولا الضلوع ترده ازريت ارده[/align]

[align=center]تهمنــــا مصــــر والباقي بكيفه يروح

يروح حسني والاحزاب وشعاراتهـــا



ارض الكنانة مجار من الالم والجروح

جـــروح ياللاسف صعبٍ مداواتهـــــا



يامصر دم العرب في كل عرقٍ يفــوح

مع حفظ حق الشعوب وحق ثوراتها



لكن لاتتركــون ام العروبــــة تنـــــوح

من حقهــــا نفخربهـــا وبحضاراتهـــا[/align]

[align=center]انا وعدتّـك مااتنــــازل عن هـــواك
حتى ولو حسني تنازل عن مصر

رسمتلك درب الهوى وانت بهواك
ولازلت على علمي الاول مصـر[/align]