إعـــــــلان

تقليص
لا يوجد إعلان حتى الآن.

مقتطفات من الخاطر . . .

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مقتطفات من الخاطر . . .

    [align=center]ابيات من مشاعر عابره ..
    .. ولحظات مختلفه ,,
    فضّلت ان اجمعها في هذه الصفحات ..
    واضعها بين ايديكم ..




    .. فهد السنحاني [/align]

  • #2
    [align=right]ايه اغار ...!

    واشتعل مليون نار ...
    علميني ، من يحب ومايغار ؟

    ينشغل قلبي عليك بكل شي ...
    واحترق لاجابو اسمك ..
    وانتي بظلّن وفيّ

    دامني لك فالمحبه ،،
    لازم تكونين لي !

    لي انا ،، باحساسك وحكيك وحتّى بالنظر
    دامني كلي معك طال الزمن ولاّ قصر
    ياقمر ... يابعد كلّ البشر

    نادره وصف ومعاني
    والقصايد في بحر حسنك .. تعاني

    اروي الخاطر بنظره وابتسام...
    واسعفيني لو بلفته ..
    واهدي احساي ثواني ،،
    بعترف لك بالحقيقه ،، واهدي عيونك غرام

    وارتفع بك فوق هام الغيم ،، وحدود السما
    وانهمر مثل المطر لامن هما ،،
    يسقي شعورك ويروي بك ضما,,

    ولانذوق من الزمن ساعه فراق . .
    وان تفارقنا ثواني . .
    نلتقي شوق وعناق

    ونتذكر كيف فرقانا الم . .
    اظلمك لامن رحلت ,,
    ولا رحلتي انظلم

    وارتجي من طرفك الطاغي عداله . .
    لي متى ومعذَّبك يسهر لحاله . . ؟

    وانتظر منك القرار , ,
    ارحمي قلبن غدا مابين ثلج وبين نار
    وافهمي معنى الرساله ..
    دام صرتي غايه الخاطر وصرتي راس ماله [/align]


    فهد بن عبدالكريم

    تعليق


    • #3
      [align=right]ابيات بلسان حال صديق وعلى ذمه مشاعره [/align]


      [align=center]
      مالي على المقْفِين شرهه ولا لوم
      وما كل من قفّا به القلب مشبوك

      ياللي على كلّ المزايين مغروم
      دامك وراهم خالي العقل والبوك

      لا تحسب انّي من هوا البال محروم
      اللي غلاها ماحد(ن) فيه مشروك

      ترا المقفّي ماحـرم عيني النوم
      لا يحسب ان الكف لا غاب مفروك
      [/align]

      تعليق


      • #4
        ابيات ارسلتها للوالد قبل عودته من الصين . . .

        [align=right]مــودّتــي تـتــلا جــزيــل الــتــحــيــات
        يالــغالي اللــي ماخِلــق مثــله اثنـين

        الــنادر الــوافـي جــزيــل العــطيّـــات
        مــتجـمّــل(ن) مـع غــرب ولّا قــريـبين

        النــعم في شــرواك مــاهيب مِهـدات
        الّا فـعـــل كــفّ وشـــهــادة وفــيــّيــن

        جعــل اللـذي جـابك بـرحــمـه وجـنّـات
        والله يديمـك فوق راســي قـل آمــين

        وان كان تبغا الصدق والصدق منجات
        يــاعــزّتــي للصّين لــو تــترك الــصين[/align]

        تعليق


        • #5
          قــالـو جنوبي قلـت تــاج على الراس
          يكفي فــخر لا قـــالــو اني جــنوبــي

          اصل العرب والطيب نابع من الساس
          واشـوش لاصـاحت جـروس الحروبي

          الــعـز فــينـي مــاله حـدود وقــيــاس
          وعــلـى الـكـرم والجـود تلقى دروبي

          والاّ انت ياللي بان لي منك الافلاس
          مـثـل الـعـــور مـاتـنـظــر الا عـيـوبــي

          مــن كـثر ما ربي رفعني على الناس
          يـومـي اصـيـل ومـالـحقـنـي شيوبي

          لــــــزوم اواجــه كــل قــاصــر ودلاّس
          مـن عـوق ساسه قام يحصي ذنوبي

          حـنّـا عـلـى سـلـوم الـرجاجيل حرّاس
          مـقـدارنــا فــي كــل دار مــحـسوبي

          وحـــنّـا لـنـا فـي قـمـة الـعـز نـبـراس
          مانـشــري الـنـعــم بـعـمـار الـجيوبي

          تــاريـخـنـا مـنـشـاه طـيـبـن ونـومـاس
          يــوم ان جــدك فــالــمـجـالـس لعوبي

          لا صـار مـالـك مـع هل الطيب مجلاس
          زايــد هــــروجــك لــقّــهـا لـلـهـبـوبـي
          __________________________
          ____________

          تعليق


          • #6
            ليـه الـمعـاتَـب والــزعـل ياعشيري
            .........................غض النظر وارفـق بخاطر عشيرك
            اذا تــسـاوا ذنــبـي بـذنـب غـيــري
            .........................مايـستـوي لـومـك مَـعَ لـوم غـيـرك
            ومادمت تدري بالجفا وش مصيري
            .........................مـاني مكـثر هـرج وانـت وضـميرك

            تعليق


            • #7
              ماوصلـني منـك ياكـود الـهزال
              والـهزيلـه مـالـها عـندي مـجال
              استلم واسمع تفاصيل المقال
              ....................(ومن يشب النار يبشر بالـرماد)

              مـا لـصـيـحـاتــك ردود ولا صـــدا
              ولا لهرجك في سما صدري مدا
              مــتّـهمني وابـن عـمـي بـالــردا
              ....................(لا الـجميل ولا الصبر ويــاك فاد)

              حاشم(ن) ربعك ولا فيهم قصور
              من عرفتك وأنت في دون ودبور
              يـا ردي الـطبـع مـقصور الـشبور
              ...................(قصّت لسانك على يديني وكاد)

              يالرقيق اللي ليا ضاقت شكا
              وان تـواجـهـنا معـه صـدّ وبـكا
              وعـنـد ربـعه بالظـهر فـينا حكا
              ...................(ماانـت كفوٍ للـصنـاديد الـشداد)

              من يـخـاويـنـا فـلا مـسّـه هـوان
              رافعٍ راسـه علـى دروبـه ضمـان
              حن هل الطالات صبيان قحَطان
              ...................(لـلـرفـاقـه عـز والـخـوّه ضـمـادٌ)

              ودام جـاتك سالمه خذ مايلي
              أقصر هروجك مع عبيد وعلي
              غير والله لاذبحك ذبـح الطلي
              ..................(والـحكـي لا جـاك ماظنّي يعاد)

              تعليق


              • #8
                كـنت اظـن اني احـبكـ لابعد حــدود الــخيال
                وان شـعري لـو رجـيتـه يـوصـفه مـا يـوصفه

                لين مااعلنتي الفراق ورغبتك قطع الوصـال
                واصبحت عيني على ذيك الحظوظ المجحفه

                اكــتشفت اني احبــك لآخــر حــدود الهبـال
                وان حـبكـ شـي مــاحد شــافـه ولا يـعــرفه

                تعليق


                • #9
                  الـلـي بـقـا فـالقلب من حـب واحـساس
                  مـن عـقــب مــاجارت عــــلـيـه الــلـيـالي

                  مـا ودّي اخــصّــه لـغـيـرك مــن الـنــاس
                  يـا بـسـمـةالـخـاطـر و يـاراس مـالـــــي

                  وصـيـّـتي لـــــك تـكـرمـه دون مـقـيـاس
                  عـسـاك لـه مـن عـقـب شـمسه ظلالي

                  ولك وسْط صدري دون هالناس مجلاس
                  يــبــطــي بــديــلـك يـاخــذه ياحــــلالـي


                  فهد بن عبدالكريم

                  تعليق


                  • #10
                    عطاك يا ربي كبير
                    يا جعلني كفو العطا

                    وخيرك على عبدك كثير
                    مع كثر ذنبه والخطا

                    وانا برحمتك استجير
                    و انت الستر وانت الغطا

                    تكفاني الحظ العثير
                    والوقت لامنّه سطا

                    فهد بن عبدالكريم

                    تعليق


                    • #11
                      تدرين؟؟
                      شوفك حياة العين ،
                      و انّك حدود الزين ،
                      و لا من تبسّمتي ،
                      تجْنين و تحنّين ،

                      ما تشبهين الا المطر ،
                      رحمة و خير
                      والغيم و غصون الشجر ،
                      و الحان طير
                      و غلاك من بدّ البشر والكون ، (غير)

                      للصبح في وجهك رسوم
                      و انتي البشاير والسّعَد ، ما اجملك
                      و في بسمتك طبّ الهموم
                      و مغْليك لو يبطي الوعَد ، ما يجهلك
                      و بنظْرتك تمسي مواعيد الفرح
                      ومن فوقها ليل و قمر
                      وعلى شفاتك يانع الورد إنطرح
                      من تحت ريضان و زهر

                      و في لمسة كفوفك عذر ،
                      و ابي العذر ،
                      من غير ذنب ولا سبب،
                      زدتي على عمري عمر ،
                      جعله دهر ،
                      و وصلك على خلّك وجب،

                      يومٍ بلا شوفك مع النسيان ضاع
                      ولا نبي عقب الفرح طاري وداع
                      لا يا عيون البِشْر ، ياجعله بعيد
                      انتي بيوت الشِعْر ، وبحور القصيد ❤

                      تعليق


                      • #12
                        فدا لك القاف وطروقه
                        والحان شعري والاوزاني

                        شاعرْك غنا على ذوقه
                        يا حد ذوقي و وجداني

                        عليك الاقدام مطفوقه
                        كن الله ان شفتك اعماني

                        ماينجي القلب من شوقه
                        الا معانقك باحضاني

                        ومبسمْك لا ناضت بروقه
                        رددت في صدري الحاني

                        ياماحلا حينها ذوقه
                        من دون يدرون عدواني

                        لالا تقولين ملحوقه
                        لا يابعد كل خلاني

                        تعليق

                        يعمل...
                        X