هل لي بنشر اشواقي ؟؟؟

[همس القوافي]

اخي الشاعر الرائع / سعيد الحمالي
هل لي بنشر اشواقي هنا ؟؟؟؟؟
فأتمنى أن تعجبك وتعجب من يقرأها ..
فهاهي بين يديكم :



شوق(ن) يهز قلوب .. وشوق(ن) يجي شيّ
.................................. وشوق(ن) يخلي فكرك إهبال مع جنّ

وشوق(ن) تحسه ينتفض داخلك حيّ
.................................. وشوق(ن) يجنن عقلك ايقول لك غنّ

وشوق(ن) يجيب احلوم ويكثـَر بها غيّ
.................................. وشوق(ن) يخلي شوق شوقك .. يدندنّ

وشوق(ن) يخلي رمشة العين ( ياويّ )
.................................. تحكي حروف من القصايد .. ترى ( عنّ )

وشوق(ن) يخلي عينك تروح للفيّ
.................................. فيّ الهنــوف اللي بالاحضـان .. يفتنّ

وشوق(ن) يخلي كل حرف(ن) لها هيّ
.................................. وشوق(ن) يصوّر شكلها لك .. يجننّ

وشوق(ن) يخلي شوقها منبع الرّيّ
.................................. وشوق(ن) يبدد عتمة الليل .. يسكنّ

وشوق(ن) يهز اجبال تسكن بها طيّ
.................................. وشوق(ن) يزلزل تسمع الصوت له حنّ

وشوق(ن) يخلي كل الاعداد تسهيّ
.................................. وشوق(ن) يلخبط صرفت جنيه .. باليّنّ

وشوق(ن) يبعثر كل شي(ن) بلا شيّ
.................................. وشوق(ن) يهيّل قهوة الحب .. بالبنّ

هذي تراها جملة اشواقي .. وليّ
................................... همس القوافي للغزل .. شوقه بفنّ



سلطان العامر (( همس القوافي ))

الله على هذه الاشواق

ياهمس القوافي

جعلتني انا ايضاً اشتاق لرويه جديدك


اتمنى ان اراء جديدك

تحياتي

الله عليك ياهمس القوافي

صح لسانك ملايين ولا تكفي


وسعيد فيه الخير والبركة سيحقق لك هذه الرغبه

بالقريب العاجل


تحياتي