إعـــــــلان

تقليص
لا يوجد إعلان حتى الآن.

استفسار عن قصيده اعجبتني ياناس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • استفسار عن قصيده اعجبتني ياناس

    اسعد الله اوقاتكم بس حبيت انكم تقرون هالقصيده

    وياليت اللي يعرف صاحبها يعلمنا

    الا يالله عفوك لامعي بيجر ولا جوال %% ولاعندي وظيفة والتجارة فاشلن فيها

    ولاعندي شهاداتن ولاحرفه تسد الحال %%ولاحظن كبيرن لاخطت الجره يقديها

    مخابي الثوب تومي مادخلها من زمان ريال %%بها فاتورة الكهرب ولايمديني اقظيها

    والقصيده اطول من ذالك بس هذا اللي حفظته

    ودمتوا لنا سالمين

  • #2
    محمد العجمي

    مررحبااااابك والله يحييك

    وهذه الابيااات من قصيده طويله للشاعر سعيد الاكلبي

    وهو احد اعضاء منتديات النداوي

    هذي هي القصيده


    الا يالله عفـوك لا معـي بيجـر ولا جــوال"
    "ولا عنـدي وظيفـه والتجـاره فاشـلٍ فيهـا
    ولاعندي شهـاداتٍ ولاحرفـه تسـد الحـال"
    "ولا حـظٍ كبيـر لا اخطـت الجـره يقديـهـا
    مخابي الثوب تومي مادخلها من زمـان ريـال"
    "بها فاتـورة الكهـرب ولا يمدينـي اقضيهـا
    علىذيك العراوي تتعب الحادي مـع الجمّـال"
    "ثلاث اشهـور فالورشـه وشهريـنٍ مغطيهـا
    ابيها لو تجمّل يـوم واجلبهـا علـى الـدلاّل"
    "يجيها واحـدٍ حظـه مثـل حظـي ويشريهـا
    نصيت العسكريّه يوم قالـوا للنظـام رجـال"
    "وقدّمـت الملـف وصـورةٍ متشخـصٍ فيهـا
    خذا الاوراق مني واحدٍ مـا عنـد ابـوه دلال"
    "سلوم الناس واهل المعرفه والطيب مخطيهـا
    قراها في دقيقه والتفـت عجـلٍ علـي وقـال"
    "شهادتك العظيمه يا ولد ويـن انـت مخفيهـا
    هزّيت الراس ماعندي تقول اني مـن البنقـال"
    "وقمت احـب خشمـه واطلبـه بالله تمشّيهـا
    حذفها من يده شين الطبيعـه والنبـا والفـال"
    "وقال ازين تعـوّد صـوب نوقاتـك تعشّيهـا
    تناوشته من الكرسي وعفت الحـل والترحـال"
    "وضربته بالبياله عقـب مـا بيّحـت شاهيهـا
    خذوني للسجن لا نيـب لا ظالـم ولا محتـال"
    "مجرّد واحـدٍ جـا يكحـل عيونـه فيعميهـا
    ويوم اني خرجت اقفيت لارض الله وسيع الجال"
    "علـى بـرٍ هـواه يـداوي العلّـه ويبريهـا
    ادوّر قصعة الجربوع والظـب الفتـي يختـال"
    "والارنب يا شفاة الروح ما احلاهـا وطاريهـا
    بـلا كهـرب ولا بيجـر ولا غـازٍ ولا نقّـال"
    "قوانين الحضاره لا تبـي شوفـي ولا ابيهـا
    hadi_2121@hotmail.com


    الصلاة على النبي ... ( من صلى عليَّ صلاة صلى الله عليه بها عشراً )

    تعليق


    • #3
      هلا بك اخوي محمد

      هذي القصيده للمبدع سعيد الاكلبي

      وهو شاعر معنا هنا بالنداوي

      ويمكنك الاطلاع على هذه القصيده على هذا الرابط
      http://www.alnadawi.com/vb/showthrea...threadid=14124

      وياهلا بك

      تعليق

      يعمل...
      X

      معالجة المعلومات