مشاركه

[صـ الوفا ـوت]

جتني طيوف الأمس خجلى
غريقة ودموعها غرقـــى
بأعذب لحون الصمت قابلتها
كانت نجومي ساهره
أعزف على ناي حزين
أعتب على محبوبتي -- اللي قوافيها نثر
مره نثر ---- ومره شعر
وأنظر بنظره باهته
ماهو نثر ---- ولاا هو شعر
هذي حُثــــاله تنكتب !!
أرخص خواطر شفتها
أسكت وأروّض غربتي
أسكت وقول بخاطري --- ياليتها ترقى !!
أعـــزف لها لحنٍ أصيل
مــا يفهمه غير الأصيـل
بيدي أنا شمس الأصيل
داعبتها وقتٍ مضــــى
شوّقتها وعدَ اللقـــــا
طلعتها فوق القمـــــر
بنيت منها معجــــــزه !!
على بساط من الهوى
اللي نبي ---- نرفع مقامه للسماء
ونفرش بساطه عـ القمر
أنا معك وضح النهــار
بيدي شعر -- وبيدي نثر
وبيد الخواطر كلها
وبيد أنا كل الحروف
وبيدي دواوين الملا
لكـــــــــــــــن 000
تبقى حروف من غلا
اصنع من الفضه ذهب
وأجمع خيوط المستحيل
وأنسج من حروف الهجا
أعذب ترانيم الحنان
في ريشتي قطرة ذهب ---- أنقش بها كل الحروف
التايهه منها ---- نجوم
والقاســيــه ---- تتعب بلد
والصافيــــه ---- تروي الضما
ماهو سراب -- اهل الضما
والهاديــــه --- تبعث دفا
أيوه دفا --- ماهو شتا
كانك بنارك تحرقي --- فأنا جحيم اهل الهوى
بيدي بداية شمعتك
وبيدي نهاية عبرتك
وبيدي وداعك بالرحيل
بيدي ابعثر خصلتك ----- واصنع جدايلها شعر
وارجع اهّيج مهجتك
وبيدي اذوب فرحتك
وارسم على شفاتك ندم
واقتل بقايا طلتك
عسف الاصيل للعبتي
وكان الجحود بكملتك ----- فانتي بقايا كلمتي
في ذا القــــــــــــــلم ،،،،،،،
أقدر اطوع كلمتي --- واحبس جنون الفلسفه
هذا انا 00000
بس بصراحه بسألك ؟
كان الجحود بكلمتك
وكانك بنارك تحرقي
وين الفنون بكلمتك ؟
تدرين 00000
بيدي أجسد صورتك
مره قمر --- ومره بدر --- ومره ملاك
بيدي احطك بالسما ------- وألفين مره بالتراب
عادي تري 000
لاا تجمحي وإنتي معي
كل البشر كانوا تراب !!!
تدرين ياعمر الضما ؟
بيدي خفوقك -- لاا نسا
حتى الهدب --- يعشق مواويل التعب
لو هو تناسى وانسكب
إنتي مُجرد مسأله --- مو مستحيل حلها
أصدق حروفك -- كاذبه
وأبلغ حروفك -- صامته
مهما يكون بها فخر
لنك سحابه نايمه
مجرده من المطر
ما تحتمل ثقل المزون
بيدي اسطر لك كتاب
مليان ببحور الشعر ----- وبأرقى خواطر أو نثر
أسحب خيال القافيه
واعسف جموحك بالغرام
أيوه تري --- فيه الغرام المندثر
اللي يذوقه ينذهل
عادي تري
أسحر كثير بكلمتي
حتى الحروف الساكنه ---- ارسم قوافيها عذاب
تبين الصراحه معزوفتي؟؟!
مها اسطر لك حكي
مانتي الغيوم -- ولاا انتي السحاب
مانتي النجوم -- ولا انتي القمـــر
مانتي ترانيم الحنان
انتي السراب
انتي فقط شوف السراب !!!
لاا مو سراب
انتي من اصداف الرمال
يلفظ بها موج البحر
في بعضها شكله حلو ---- وكثير منها تندفن
وانتي معي -- تبقين رهينة جيتي
لاني معك -- قصدي عليك ابعد من حدود الخيال
آآآآآآآآه علي ياحلوتي
ندمي على وقتٍ مضى
أزرع ورود الأقحوان
واروي زهور الياسمين
بأعذب ينابيع الحنان
صمتي وفا
وهمسي دوا
وشوقي دفا -- للي يعرفون الدفا
ياهل ترى --- يا اهل الهوى
فيكم بصيص من الامل ؟
من يعرف الموال اللي لحونه بالجفا ؟
وين الوفا يا اهل الوفا --- غاب ومضى ؟
جفّت ينابيع الحنان --- صارت ضما ؟
وين الغلا -- ياللي تعرفون الغلاا ؟
وين الكرم -- ياللي تقولون إنكم كرام ؟
لاا والذي فطر السما
ماهو كرم -- هذا جفا
حتى ردود القافيه -- نار وجمر
تكتب بلهجه قاسيه
وتعصف بنا درب الخطر
هذا كرم ؟؟؟
لاا مو كرم
هذا حرام --- هذا جحود اهل الكرم !!
كان التحدي جمركم أو ناركم
حنّا جحيم اهل الهوى
وكان التغلي طبعكم
حنّا جواهر نادره
ياللي تقول انكم كرام !!
لاا تبسطون انفوذكم -- على شياهين السما
حنّا الصقور الجارحه
وحنّا جدود أهل العرب
وحنّا هل الجود الكرام
اللي نبيع ونشتري
نشري المهور الغاليه ----- ونرخض ثمن بيّاعنا
هذا خطـــــــا ،،،
ماهو غلاا ----- ياللي تعرفون الغلاا
حنا دواوين الغلاا ---- ياللي تبيعون الغلاا



صـــ الوفا ـــوت
أرجو ان تنول على استحسانكم
click_me11@hotmail.com

[محمد الجهامي]

صـ الوفا ـوت


جميل جميل..!!


وفقك الله،،


تحاياي،،

صوت الوفا

الله الله

معزوفه جميله

لا هنت

تقبل الورد واتمنى ان تطلعنا دائما بما تكتب

تحياتي

خالد المجازف

[ALIGN=CENTER]الشاعر / صـ الوفا ـوت

كتبت نثرن واعتبره كتابت الكبار ففيه من التميز والصور الجميله مايكفي للوقوف

عليها


اسمحلي ايها الرائع أن انقل هذا النص الرائع إلا مكان سيزداد شرفاً بتشريف هذا النص

وبنفس الاسم الموضح اعلاه

اتمنى لك كل التوفيق ايها الرائع ومزيداً من التقدم والرقي

واخيراً تقبل فائق احترامي وتقديري[/ALIGN]