خلوج تجذ القلب باتلىعوالها" العوني"

القصيده المشهور للشاعر محمد العوني .
اعتذر اذا كان هناك أخطاء مطبيعيه لأنها وصلتني بالبريد ..

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
خلوج تجذ القلب باتلى عوالها
تكسر بعبرات ٍ تحطم سلالها
تهيض مفجوع الضمير بحسها
الى طوحت حسه تزايد هجالها
له قلت أنا يا ناق كفى عن البكا
لا تبحثين النفس عما جرى لها
لا تفجعين البال بالله هـــــــودّى
ولى خلوج ٍخبث البين بالهـــــا
تبكين فرقا بكرة ٍشدة العـــرب
ضاعت يمين البوش والا شمالها
تجيك يا ناق الخطا أو تجينها
وان كان ضاعت لك بديل بدالها
لكن أنا اليوم ما تنعد مصاوبى
ولا علتي تبرا ولا ينشكى لها
فلو البكا يا ناق عنى يحلهــــــا
بكيت بيض أيامها مع ليالها
ولو البكا يا ناق يرجع لغايــــب
بكيت لين العين ييبس ثمالها
وابكى على الا ثنين ما ذعذع الهوا
مدى الدهر لين النفس تلحق زوالها
وابكى على ما صاب نفسى وما جرى
وابكى على فتخان الايدي زلالها
وابكى على دار ربينا بربعهـــــــا
معلوم خشم الرعن من شمالها
ومن شرق طعسين الأرخم تحدها
بين اللوى والسر ما اطيب سهالها
دار بنجد جنة كان قبــــــــــل ذا
ومن صكته غبر الليلى عنا لها
وصفه من الخفرات بيضا عفيفه
يفوق كل البيض باهر جما لها
حسودها يغضى الى مر حولها
من خوف عيال تربوا بجالها
حى امنا واحلو مطعوم درها
غدتنا وربتنا وحنا عيالهــــــا
بزور بنا ما مثلها يكرم الضنا
وصول بنا لكن نسينا وصالها
تلقى علينا الجوخ والشال فوقنا
وهي عاريه تبكى ولا احد بكى لها
ولا أحد جزع من صيحته يوم سبلت
ولا أحد نشد من بعد ذواش جرى لها
قلت آه واويلاه يا خيبة الرجــــا
كيف أمنا تهضم وحنا قبالهــــا
يا طارش من فوق سراقة الوطا
هميم الى سارت ذعرها ظلا لها
حايل ثمان اسنين ما مس خلفها
ولا بركت للشيل جملة حمالها
الى بدالي لازم قلت شدهــــــا
واضبط عن الفزات مقضب حبالها
ولا نعتنى بالخرج ماذي بحزته
شل قربة ٍ واجعل زهابك عدالها
فالى شلت خذلى بالرسن قدر ساعه
أبلغك في دق المسايل جلا لهـــا
والى ختمته بالسلام فحثهـــــــــــا
من دار ابو جابر سقى الغيث جالها
اوصيك يا مرسال بالسير والسرى
واحذرك نوم الليل عينك ينالها
الى سرتها عشر وخمس مغرب
مرواحك الشام منها منا لها
والى جيت سوق العصر ياتيك غلمه
تخثع بزينات البريسم انعالها
يقولون لك ياصاح عطنا علومك
بلدان نجد ٍعقبنا وش جرى لها؟؟
قل كل بلدان القصيم وغيرهـــا
عن الخوف زاموا دون جاله رجالها
مير داركم من عقبكم تندب الثرى
تبكى على الماضين واعزتا لها
ترى مركب الاخطار هو مصعد العلى
ولا يدرك المقصود غير احتمالها
وترى بالسيوف المال والعز والبقا
والجنه الخضرا بخضرة ظلالها
قومو براى الله واقضوا ديونكم
أنتم هل القالات ما أنتم رذالها
مدام ابو جابر على العز والبقا
عنا ثقيلات الحمول ارتكى لها
الى احترك سبع القبايل تحركت
والى رسى ترسي رواسي جبالها
قوموا برايه ثم راي ابو ثامر
ابو كلمة يافي بها حين قالها
عرق الصخا بحر الندى مرهق العدا
لااشتبت الهيجا تعرفه رجالهـــا
هيج سباع الحرب بالبر والبحر
والشمس تشكي منه عجه ينالها
ومصقلات الهند تدعي له البقا
لولاه كان اصدت بغمده سلالها
نشا مولع بالحرب والضرب ماشكا
والخيل والعيرات تشكي هزالها
من كثر مامسه على السير والسرى
من كثر ماخاضت مهامه سهالهـــــا
قوي باس مايلين الى مضــــــــــى
الى ضكته صعب الحمول ارتكى لها
شال الحمول الثقيله يوم جدعت
عفى زمول جدعتها وشالهـــــــا
هذا وتم القيل والله به الرجـــا
وصلوا على المختار مااهمل خيالها
[/poet]

محمد العوني

الله يعطيك العافيه يابو ثامر ختيار طيب وقصيده لشاعر جزل قريتها اكثر من مره

صح لسانه ولسانك وتقبل تحياتي

مبارك مناحي العمور

ارحب

هلا يابوثامر

اختيار موفق لاعدمتك


ابو ثامر كثروووو من هالقصايد القديمه والي لها صدى واسع يكاد ان ينطفي

بعض زوار المنتدى يتمنون ان يشاهدو مثل هذه القصايد القديمه التي ولولا امثالك كان اندثرت

وصارت في طىء النسيان


لاخلا ولا عدم

لك تحياتي

لله أنت يا أبا ثامر

قصيده رائعه ومن عيون الشعر فعلاً

رحم الله شاعرها وجزاك الف خير علي هذه الجهود الخرافيه يا " النداوي الأول"





أخوك,

لاهنت يلبو ثامر



اختيار موفّق لقصيدة العوني المشهوره




وهذي من طيّباتك





ولك تحياتي







عـمّـــــان

صح السانك يالسحيمي والسان الشاعر العوني