.. في وصف بنات الريح ..

/

\

الخيل الاصيله ..
مااجملها حين تكون مملوئه ومفعمه
بالحركة والنشاط المتقد فروعتها أستثارت قريحة الشعراء
ليطرقوا أبواب الشعر ينهلون منه مالذ وطاب من الابيات الجميله
بأبلغ تعبير وأجمل ديباجه في وصفها أو رثائها
أو مدحها.... الخ
لذلك أدعوكم لجمع هذه النصوص
والقصائد التي قيلت في الخيل الاصيله قديما وحديثاً
لنستمتع بأجمل اللوحات التي رسمها الشعراء والفرسان
في وصف بنات الريح ..


بسم الله نبدأ :


[poem=font="Simplified Arabic,5,black,normal,normal" bkcolor="transparent" bkimage="" border="double,4," type=2 line=1 align=center use=ex num="0,black"]
مازلـت ياكحيلان عـز وهـيـبـه = ومازال خيرك في نواصيك معــقود

كـم فارس ٍ وصلت سيفـه طليبه = وكـم فارس ٍ جنـّبت به سنه العــود

يانجم ساحات الـوغى في حريبه = ويانـجم مـيدان السبق يومها سهـود

مشـيتك عـجبه والتـفاتك عجيبه = نقش الحوافر نقشة الطبل والعـــود

تـختال يامن مـوقـتـهه ماتـعـيـبه = انت الوحيد اللي العبث منك محمود

زيـن ودلال وعـنـفـوان ٍ وريـبه= طوع وعـصا تنقاد لو كان بـك زود

موج المعارف والشــليل وسبيبه = يبرق مـعـزة فـوق الاعناق مــفرود

احب ركب الخيل واعشق خبيبه = فوق الشقر والحمر والصفر والسود[/poem]

للأمير خالد الفيصل

[poem=font="Simplified Arabic,5,black,bold,normal" bkcolor="transparent" bkimage="" border="double,4," type=2 line=1 align=center use=ex num="0,black"]
من بنات الريح لي صفرا جفول =كنها ظبي الفلا بجفالها

منوة الخيال عساف الخيول =زينها في دقها وجلالها

زينها ما شفت وصفه بالمثول =الله اللي بالجمال اصخى لها

تستذير كحيلتى من كل زول =ما يصخرها سوى خيالها

اذكر الله كل ما قامت تجول=و احمد الله خصنى بحبالها

كنها تمشي على قرع الطبول =فتنى اللي خافقه يبرى لها

ظافي القصه على الطرف الخجول =تنكسر شمس العصر بظلالها

وصفها وصف السحاب اللي يحول =كل عين تستخيل خيالها

او كما طاري على الخاطر عجول =صاحبه حقيقته ما طالها

كل رجل في حياته له ميول =والهوايه تمتلك رجالها [/poem]

للأمير : خالد الفيصل


[poem=font="Simplified Arabic,5,black,normal,normal" bkcolor="transparent" bkimage="" border="double,4," type=2 line=1 align=center use=ex num="0,black"]
للخيل ذكــرى في جمـيع المثـايل = والريح وعلوم العـرب والبطولات

تــاريـخــهـا عـز مـاهــوب زايـل=هيهات ينسى مجدها المجد هيهات

تركض بمضمار السباق الأصايل =تزرع حـوافرها الفخر بالمسافـات

يسـوقــها اللي ســــوى الهــوايــل = سليـل فرسان الـوغى والمـهـمات

الحـاضـرة والبــاديـه والـقـبـايــل = كل ٍ تغنى بوصـفها بأجـمل ابيات

خـيـل ً كـحـيـلـه ضـمـرٍ نـحـايـل=في شـوفها كل السـعد والمـسـرات[/poem]

للشاعر : صالح الشادي

/

\

/

\


[poem=font="Simplified Arabic,5,black,bold,normal" bkcolor="transparent" bkimage="" border="double,4," type=2 line=1 align=center use=ex num="0,black"]
لابـاس ياسابقـي لابـاس = تضلع وكن الضلـع فينـي
يفداك يا سابقـي البـلاس = لمّـاس عـرض المقفينـي
ويفداك خبل عديم إحسـاس = ما يفرق الزين و الشينـي
إمتربـسٍ رأسـه بتربـاس = ويخاتـل النـاس بالدينـي
ياسابقي ضاقـت الأنفـاس = ولولا الحياء تذرف العينـي
قلبي رهيفٍ ولـك حسـاس = وأرعاك لو مـا تراعينـي
أغليك أنا يا عنيد* الـرأس = حيث إن لك فعل يرضينـي
أنت الخوي يا قوي البـاس = نعميـن بـك والله نعمينـي
أبغيك تكسب لي النومـاس = قـدام الأقصـى والأدنينـي
وأبغيك لامن هجرني الناس = يا صاحبـي مـا تخلينـي
ولا دكني فالسحرهوجـاس = والناس هجعىً وممسينـي
أسري وراسي سهر وعماس = والنـاس ماهمـب دارينـي
وأشد سرجٍ عليـك قيـاس = وبطانـك أجـوده زيـنـي
وأغلا شكيمه ولا هي نحاس = معهـا مصاريعهـا إثنينـي
أرجوك مع هبة النسنـاس = إهذب ترى الهـذب يحينـي
وأعوذ بالله مـن الأنجـاس = ومن كيد الأشرار ينجينـي
ومن شر وسواسها الخنّاس = من جن وإلا إنس يحمينـي
ما نجمع اللولو والألمـاس = كثرالغنـى خطـر يطغينـي
كسبي رفيقٍ رفيع السـاس = لـو واحـدٍ قـرم يكفينـي
فوقي نجوم السما حـرّاس = وتحتي العنيد* أبتر القينـي
وإن زارني طيفها العسـاس = وثارت علـي الشياطينـي
قلبي خفق خفقة القرنـاس = وافي الجناح أكحل العينـي
بحر الهوى يتعب الغطـاس = وأخلف علينـا الموازينـي
الحب مامنه غيـر إفـلاس = ذل الشيـوخ السلاطيـنـي
ويا بو خديد كما القرطـاس = كذاب مـن حـب ثنتينـي
مالي خفـوقٍ وراه لحـاس = ما قلـت لـك لا تحبينـي؟[/poem]

للشاعر: سعيد الحمالي




/

\

/

\


[poem=font="Simplified Arabic,5,black,bold,normal" bkcolor="transparent" bkimage="" border="double,4," type=2 line=1 align=center use=ex num="0,black"]

جتكم وصوف المسرجات السريعات=يالله عسا مااقول بالوصف زلّه


اللون وجه اللي غدا شمله اشتات=ولاّ كما بنّ اليمن وسط دلّه


والراس حجمه معتدل بالقياسات=لاهو صغير ولا كبير ٍ تملّه


وآذانها ارقاقه وملس ٍلطيفات=اقلام منتصبات مثل الاخلّه


واعيونها برّاقه ومستطيلات=عين الفتاه اللي لحقها مملّه


والناصيه فوق العيون الكحيلات=مثل السعف ومن الحراره تضّله


والجبهه تشابه ليوم البشارات=تزفّ للمحزون فرقا المذلّه


ومناخره متباعدات ووسيعات=وامدوّرات وللنفس سهّل ٍ له


والفم واشدوقه وساع وطويلات=تحت اللجام شدوقه ايمهل ٍ له


واعناقها ماهن عراض وقصيرات=طويلة ٍ والكتف مالصّقن ٍ له


والعرف مسترسل كما شعور خفرات=والجذع صلب ومشرف ٍ غاربٍ له


واصدورها متنهّضات ورحيبات=والظهر فوق الكاهل مناسبٍ له


والبطن كنز اهل الخيول الاصيلات=رحيب بالأنثى وضامر بخلّه


واقطيّها متشبّعات وعريضات=صلبة قوايم مابها كلّ علّه


والذيل شعر الفاتنات الجميلات=اللي لهن بالقلب عهد وسجلّه


هذي وصوف الخيل ياهل البطولات=ويالله عسا بالوصف مافيه زلّه [/poem]

مضحي عايد الشبرالعنزي

/

\

/

\
[poem=font="Simplified Arabic,5,black,bold,normal" bkcolor="transparent" bkimage="" border="double,4," type=2 line=1 align=center use=ex num="0,black"]

جَزى اللَهُ الأَغَرَّ جَزاءَ صِدقٍ = إِذا ما أوقِدَت نارُ الحُروبِ
يَقيني بِالجَبينِ وَمَنكِبَيهِ = وَأَنصُرُهُ بِمُطَّرَدِ الكُعوبِ
وَأُدفِئُهُ إِذا هَبَّت شَمالًا = بَليلًا حَرجَفًا بَعدَ الجَنوبِ
أَراهُ أَهلَ ذَلِكَ حينَ يَسعى = رُعاءُ الحَيِّ في طَلَبِ الحَلوبِ
فَيُخفِقُ تارَةً وَيُفيدُ أُخرى = وَيَفجَعُ ذا الضَغائِنِ بِالأَريبِ
إِذا سَمِنَ الأَغَرُّ دَنا لِقاءٌ = يُغِصُّ الشَيخَ بِاللَبَنِ الحَليبِ
شَديدُ مَجالِزِ الكَتِفَينِ نَهدٌ = بِهِ أَثَرُ الأَسِنَّةِ كَالعُلوبِ
وَأُكرِهُهُ عَلى الأَبطالِ حَتّى = يُرى كَالأُرجُوانِيِّ المَجوبِ
أَلَستَ بِصاحِبي يَومَ التَقَينا = بِسَيفَ وَصاحِبي يَومَ الكَثيبِ [/poem]

عنترة بن شداد العبسي

/

\

/

\

[poem=font="Simplified Arabic,5,black,bold,normal" bkcolor="transparent" bkimage="" border="double,4," type=2 line=1 align=center use=ex num="0,black"]
يقول الوايلـي قيـلٍ وكـادي=معاني ما لهـا شـيٍ يشـادي
تراهن يطربن صوت المغنّـي=إلى من ردهن لا هن جـدادي
ألا يا راكبٍ من فوق عوصـى=سنامه نابيٍ وسـط الشـدادي
سراهـا (للبواسـل) لا تقيـم=وبلّغهم مـع البيضـا سـوادي
أصبحنـا وصبّحنـا جـمـوع=بخيلٍ مثل سيعـان الجـرادي
جونـي عيلـةٍ يبغـون ذودي=وذودي كلهـا ورث الجـدادي
يبون الناقة الملحا ( وضيرة )=عليها مثل منكـوس الفـرادي
ورودت ناقـة الخطّـار تبهـل=تهجّـع كنهـا يمـي تـنـادي
تراها كـل مـا تسمـع مـدوّه=تفجّع مـن معاليـق الفـوادِي
ألا… ما اهبلك يا باغي نياقـي=وانا من دونهن فوق الجوادي
مغـذاةٍ علـى حـب الشعيـر=ودرّ الخلف طلقٍ مـا يـزادي
ظهرها ما يزيد عـن الـذراع=سريعة موج أباهرها سنـادي
قوايمهـا كمـا عمـد الحديـد=وله صدرٍ كما بـاب البـلادي
وحاركها كما السبـع المويـق=على الطليان بايـام الكـدادي
واذانيهـا كمـا كافـور غيـد=وعينه نار شبّـت بالحمـادي
وذيلٍ مثـل منقـوض الجعـود=يغذّى بالشمطـري والزبـادي
وجبهتها كما وصف الطلاحـي=ومنخرها كما كيـر الستـادي
وتاطـى بالثـلاث موثّـقـات=وعلى الأربع كما الادمى تقادي
زمالت خيّـرٍ تدنـى لسرجـه=مدنّـاتٍ كمـا فحـل الهـدادي
ولا تركب على لعب المصنّـع=ولاهي للـزز يـوم العيـادي
تزها اللبـس باليـوم الكبيـر=نهار الكون تذخـر للطـرادي
عليها فارسٍ يرخـص حياتـه=ينوض اليا سمع حس المنادي
معي سمح الكعوب من البلنـزا=إلى اهوت تودع الصامل بجادي
وضجّ نزول زينـات العيـون=وخيلٍ نوخت لـي باحتشـادي
وعرجد نزلهن وانـا ذراهـن=وصاحن مالهن غيري عضادي
مخموصات المواطي والبطـون=من المطعوم ما مالحـن زادي
ومرّيت الغرو وضّاح الجبيـن=تنخى ولا نخت غيري سنـادي
نور البيـت بالِمقـدِم تصيـح=وترجي فعـل حـرٍ بالهـدادي
وانا لعيناك يا نجـلا العيـون=حلّي فعلنـا وقـت الهجـادي
وعينـا بكـرةٍ حلـوٍ لبنـهـا=ترعى ما نبت نبـت العـرادي
رديت الكميـن علـى المغيـر=كما سيلٍ حدر من بطـن وادي
وخيل الطهـر قـادن للهجيـج=ونخوا فوزان حمّاي العـوادي
وقفّـن بالبواسـل هـاربـات=وقادوا عجّهن غوش الـردادي [/poem].
.
الشيخ كنعان الطيار

/

\

/

\

[poem=font="Simplified Arabic,5,black,bold,normal" bkcolor="transparent" bkimage="" border="double,4," type=2 line=1 align=center use=ex num="0,black"]
يا بيه أنا (لكروش) ما اعطي ولا ابيع=قبلك طلبها فيصـلٍ وابـن هـادي
يا بيه لو كثّرت بالقول مـا اطيـع=يا حيـف تبغينـي أسلّـم جـوادي
ما جمّع أصله بالقراطيـس تجميـع=بيتـه يعرفونـه جميـع البـوادي
باغٍ إلى مـا لقمّوهـا المصاريـع=وصاح الصياح وثار عج الطـرادي
يلحق وانـا فوقـه ترثّـع تراثيـع=مثل الفحل لا صال وقت الهـدادي
هـذاك بيعـه والصبايـا مفاريـع=بيـن القنـا ومخفّـرات الهنـادي
يا بيه أنا مسمع كلامـك ولا اطيـع=هرجك بمقلـة ناظـري والفـوادي
يا سابقي ما نرخصـك بالمطاميـع=حتى ولو قيـل ارفعـوا بالحـدادي
أبغى إلى ثـار الدخـن بالزعازيـع=وحطّوا علـى عجلاتهـم العـدادي
أنطح ورا ربعي وجيـه المداريـع=وأقضي عليهـا دينهـم والعيـادي
حلفت ما يطري علينا بهـا البيـع=إلى الحشر ما يفخت سواده سوادي
ما دام راسـي للريـاح الذعاذيـع=حيٍ فطلابـه مـن النـاس غـادي [/poem].
.
عبيد ابن رشيد

/

\

/

\


[poem=font="Simplified Arabic,5,black,bold,normal" bkcolor="transparent" bkimage="" border="double,4," type=2 line=1 align=center use=ex num="0,black"]
الخيل يا كثر السوالف عن الخيل=فالذاكره يا كثر ما قال قايل
ياما وياما في قصايد رياجيل=وياما وياما في سوالف حمايل
اخاف اسولف ما استطيع التفاصيل=واقول احاول واستشف الدلايل
يا كثر ما قال الزمان المشاويل=ويا كثر ما ثوّر عجاج الهوايل
ما اقفت امهار ألاّ سبايب مقابيل=هذي سوات الصافنات الاصايل
ميدانها عز ومهابه وتفضيل=ومركاضها يشبع جياعٍ هزايل
وسروجها مجلاس نطّاحةالعيل=في وقت عيّاله ونطّاح عايل
يا زينهم بظهورها كل حلحيل=اهل الحدا والمبتدا والصمايل
ياما عليها ينطوي ميل مع ميل=للبيد حافرها بتوعٍ وطايل
على نواصيها البشاير قناديل=تكتب نواصيها للامجاد فايل
ما يقرب الميسم بدنها ولا قيل=محشومةٍ عن جمرته والملايل
واكثر كرم ينطق بها لسان جبريل=وحيٍ على خاتم جميع الرسايل
عشق العرب من عصر ابونااسماعيل=بنت الحصان ومن سلايل سلايل
منقوضة العكروش مزمومة الذيل=والجسم وافي والدواغر فتايل
ملمومة الاطراف مشدودةالحيل=مهضومة السرجوف والجوف هايل
جل المناكب والقوايم مهازيل=الساق مبرم والمناكب جلايل
والعين دون امبالغه كالفناجيل=والظهر قوس وركضها كالنبايل
بنت الرياح وكنز الايام للميل=فالعصر هذا والعصور الأوايـل
. [/poem]
.
مرزوق العتيبي

/

\

/

\

[poem=font="Simplified Arabic,5,black,bold,normal" bkcolor="transparent" bkimage="" border="double,4," type=2 line=1 align=center use=ex num="0,black"]
يا سابقي حبك مقيمٍ على سـاس=مولّعٍ فـي حبـك القلـب توليـع
حلفت لو ساموك بفلوس عبـاس=إني شفيعٍ فيك لا اصخي ولا ابيع
ولا دخل قلبي من البيع هوجـاس=وان زودوا لي بالثمن قلت ما اطيع
يا ما حلا لا شلّت الذيل والـراس=مثل المهاة التي تهـاب المتابيـع
ريميةٍ شمّت من الريـح نسنـاس=حلّت على زول المبندق مع الريِع
باغي إلى جانا من القفر عسّـاس=وسميةٍ فيهـا الزبيـدي مصاليـع
وانا عليها قدم الاسـلاف نطّـاس=لا جات حزات الفزع والزعازيـع
لا صوّت الصيّاح بـادٍ بـالارواس=يفرح بي الذود المطرّف إلى ريـع
وإلى لحقناهم والارياق يبّاس= مركاضنا ما هو بهوز وتمانيع [/poem]
.
.
الـشـيـخ ابـن حـشـر

/

\

معاني الشوق

مرحبابش ومسهلا طال عمرش

ومشكوره على هذا المجهود

ومشكوره على هذا الاختيار

ومشكوره على متابعتش للأصايل

لأنش وبالفعـــــل أصيلــــه

متابع دائم

القدير حمد

العفوا

واشكرك على هذا الحظور الطيب

لاهنت

تقديري