شيخ الشيوخ

الاهداءلصاحب السمو الامير سلطان بن عبد العزيز حفظه الله

ولكل محبي القنص والصيد...ولكل زوار منتديات النداوي...ولكل محبي الواثق

وجدي على شوف اشقر الريش لاهد

.........................(عوق الخريش) اللي يشوقك بهده

(نادر) حرار لااطلع الصيدماصد

.........................كنه (سنافي) تزهمه عند ..شده

وماكنه الا(شيخ قوم) ليا لد

.........................قاموا هل المجلس.. يسالون وده

ماقد خبرت انه عن الشارده رد

.........................(لحاق) لوتزبن على الشمس رده

له (عاتق) و(مفرع) ولاخلق له ند

.........................(افجح) تحقر الوكر من كبر يده

وافي عريض اكتوف ساقه كما الود

.........................(معزل).. كنه ..(يتنفذ) لهده!

(الخرب) لاشافه قبض الارض منحد

.........................هوى عليه... اتقول( ذباح جده)

ياحي نقله... وقنصان على الحد

.........................حبرن.. اثرها في المفالي مجده

لاشفتهن.. من كثرهن تخطي العد

.........................في صحصح رااااوي من السيل خده

كن (الزبيدي)فيه( وضح). على عد

.........................يعله الوسمي..... عقب...كل مده

هو منوة.. اللي لااعتزى حزة الجد

.........................قاااامت تراجف بالقاعضوود نده

يشبه( لسلطاان العطا)راهي المد


.........................شيخ الشيوخ اللي نماري...بمده


وسلالالالالامتكم جميع
اخوكم/عبدالله بن فلاح الهاجري




[تم تعديل الموضوع من قبل الواثق بتاريخ 12-20-2000 الساعة 03:48 AM]

واثق يالواثق

واسمح لنا والله ما زرت هالمنتدى الا اليوم كنا مشغولين فوق

بسم الله الرحمن الرحيم


والنعم .. والله ..

شكرا للأهداء

اللي عنده طير بالمواصفات هذي يعلمني اشتريه

ودمتم سالمين

اخوكم/عبدالله الهاجري