البيض من عارض هواهن ايهبلـه

مراسله قديمه بين الشاعر الكبير محمد بن سعود الحمراني الأكلبي والشاعر الكبير سعد بن جدلان

يقول محمد بن سعود الحمراني الأكلبي

[poem=font="Simplified Arabic,6,,bold,normal" bkcolor="transparent" bkimage="" border="none,4," type=2 line=1 align=center use=sp num="0,black"]
يامل قلب زاع زوع اشقـر زاع=من كف صقار علـى تـل عبلـه
ورى خراعيب من الجول منصاع=يصوعه اللـي بالمعرفـه لعبلـه
راعيه صوت رافع اسـم شـلاع=من حبه ال طيره شفوق وندبلـه
على الذي حبه لجا بين الاظـلاع=متى على الله بلتـزم علـم حبلـه
واليـوم كنـه مايـل لتسـمـاع=وعقب الذكى كنه على صورة ابله
ياراكب حر من الهجـن مطـواع=سنـه سديـس وشعـل ينتعبلـه
له عند ابن جدلان كيال الاصواع=كيال صاع العرف والطيب شبلـه
اللي على رسم المعرفه له اسناع=امـا رسـم للطيـب ولا وجبلـه
عطه السلام وفهمه كيف الاوضاع=وضع الغرام اللي رماني ابنبلـه
وانا محب صـح مانـي بخـداع=متنشب قلبـي معـا مـن نشبلـه
والحل عنـده والتفاهـم والإقنـاع=وكـل نصيبـه يحتـوي ماكتبلـه [/poem]

رد سعد بن جدلان الاكلبي

[poem=font="Simplified Arabic,6,,bold,normal" bkcolor="transparent" bkimage="" border="none,4," type=2 line=1 align=center use=sp num="0,black"]
الف هـلا ماهبـت النـود ذعـذاع=ومالاح بـرق فـي مناشيـه قبلـه
برسالة اللي من هوا البيض منـلاع=والبيض من عارض هواهن ايهبلـه
وخصوص فرقا الشمل عقب التجماع=تلعب بطـراد الهـوا لعـب سبلـه
والحب يامحمد غدا شملـه امـزاع=حطـم كيانـه كـل خبـل وخبلـه
اللي بسوق الحـب تشـري وتبتـاع=تهديـه باقـة ورد ويــرد دبـلـه
ومشيه مع الظولات غنج وتمريـاع=ون شاف زول يشبهه طـار شبلـه
وش رايك انجنبـه ياوافـي البـاع=مادام سوق الحـب ماهـوب هبلـه
اهل الهوا في سوقه اضمي وجيـاع=تطرب وتروي للهوا وتحطـب لـه
كل معا سوق الهـوا جـاك فـزاع=بعـوده وبوصـه وموالـه وطبلـه
وسلـم ودم ماحنـّة المـزن بالقـاع=وماحـن رعـاده وماهـل وبـلـه [/poem]

اررررررررررررررررحب يابوعمر



والله لايهينك على الاختيار الطيب ولايهون الحاضر




وصح الله لسان الشاعر محمد بن سعود ولسان ابن جدلان



لك تقديري