العيد في عيون علي القحطااني

للعيد معنى فـي قلـوب الملاييـن
من مشرقيـن الارض للمغربينـي

يوحد الاسـلام بالشـرع والديـن
ويرعب جيوش الشرك والمشركيني

والعيد عيد اللـي ربوعـه قريبيـن
واحباب عينه في البلد حاضرينـي

بالعيـد يتجـدد وصـال المحبيـن
على المـودة كـل قلـب ٍ يلينـي

الا عشيري ياعـرب باعنـي ديـن
والله ما ادري ويـش بينـه وبينـي

كني وسط جدة وهو ساكن الصيـن
واحنـا سـوى بالحـي متقابلينـي

ويا قلبي انسى الهم وابك المهميـن
ناس ٍ غدوا في قبضـة الملحدينـي

اشوف يوم العيد اهلهـم محازيـن
وشاركتهم وامسيت معهم حزينـي

اولادهم في دار الاعداء مساجيـن
لهم ورى القضبان سـود السنينـي

لا والله الا العيـد بعيونهـم شيـن
وعزي لحالك يالغريـب السجينـي

على تهـم مـا وثقـت بالبراهيـن
ولا يملكون الا عسـى الله يعينـي



علي محمد القحطاني

الله الله

يابو فارس

أختيار رائع ونص في غاية الجمال والإبداع

لك تحيتي وتقديري

شكراً

ابوفارس نقل ثري لشاعر علم

لاهنت

لا هنت أخوي شايع
حضرت لاقول كل عام وأنت بخير

لا هنت أخوي شايع
حضرت لأقول كل عام وأنت بخير