علي محمد القحطاني

شعرها يشبه ثقيلات الغيوم
يوم مالت وادلهمت بالسواد

اوقزح راسه فااحضان النجوم
وارسل اطراف الجدايل للبلاد

هي ونسناس الهواء دايم خصوم
يرمي الخصله على الوجنه عناد

اعتذر عن وصفها ماله لزوم
كيف اوصف معجزة رب العباد

ازعجتها انظارعطشانه تحوم
واحتماها سيف طارق بن زياد

بنت شيخ القوم لطام الخشوم
قاتل الفرسان في يوم الطراد

الهنا والسعد والفرحه تدوم
للذي من حبها نال المراد

غاليه باالحيل والشاري يسوم
مطلب الرجال مزروع الفؤاد

وين خيال الكحيله ياالقروم
منهواللي بوه قد لز الجياد

ليس يدري غيرعلام العلوم
وماخفى تبديه الايام الجداد


علي محمد القحطاني

أخي شايع
أنت جزل ولا تأتي إلا بجزل
بيض الله وجهك


تقبل تحيات أخوك الصغير غريب

لاهنت على جهودك

تحيااااتى

لاهنت يابو فارس



إختيار جميل



الله يرعاك

اعتذر عن وصفها ماله لزوم
كيف اوصف معجزة رب العباد


ونا اعجز ان اوصف هذا الشخص
يملك أسلوب لايملكه الكثير من الشعراء
شاعر صنع نفسه بنفسه شـاعر أيضـا له شخصيـة قـوية في جميـع المجالات
شـاعر يحترمه الكثير الصغيـر قبـل الكبير ، ، ،

ابوفارس شكراً لك من القلب

دمت

ارحب يابوفارس

والله لايهينك

على المجهود

الشاعر علي مهما كتبنا عنه

شاعر علم ومعاصر

تقبل تحياتي

اخوك عبدالله بن صنعا